DANIELA 1:19 - Lacid Common Language Bible

¹⁹ Khokham phoo gi nyangnu" dangain" bang: yo' dang: doem go" da:. Houg: lho: Daniela- Hanania- Mishaela yo' Azania bang: gi gooji dangain" tho' je khokham pho wigi lhoem: yu" ngei zi shoug" ago". Houg: yoomo nyangnu" gi khokham vang" mo zhayhen" vang byu bue" lo" ago".

DANIELA 1:19 ပူးပေါင်းရင်းမြစ်များ

1 KHOKHAM 17:1

Gilead mung" Tishbe voogung mo Elia ga: da" lapi: dayug gi khokham Ahab ri «Ngoo dei byid: nyid da" Kangso' Aseing Israela Mangso da" myeing khyo" wigi ngoo nang ri tid wa. Ngoo hid: su: doem tid da" ayo, thang: eig soem" zain ju" sho' nghain: jhu" agyoo" moug: avoo wa zi nghoid» ga: tid.

DANG: ZHOEM 22:29

Ngoo ri: ge da" moo" zei: su: dayug toin" shed we'. Houg: lang" khokham yi myoo" sho' mo, mo ge thang phoug" dab, thang re" je" gi su: ri ngoo nanu" ri toin" shed byid: wa.

YEREMIA 15:19

He: ziri Aseing doem tid zigi «Nang doem tau" lo nghoid rigi nang ri ngoo doem shu" yu lho: nang ri nga" da" dei zoo: doem bue" loo wa. Nang gi ce: dang: kang: abo da" dang: tid wa gungthid phoug" dab da" lu dang: ri tid fu" kyo" nghoid rigi nang gi nga" lapi: doem bui" wa. Byumyu" yigi re" jhang doem tau" lo wigi nang gi nyangnu" jhang ayhi: ca" wa.

DANIELA 1:18

Khokham pho wigi tid to" da" soem" zain byeung" thang: ri Ashapena gi zooyam yi dangain" ri Nebukhadneza jhang shu" yhe: da:.

DANIELA 1:4

Nyangnu" gi gung doem we' younglho': vhu" nug gi bang:- nyeing" jhau" too" bang:- jhau" ri se' gyoo: lei bang: gung doem yo' sen: wigi ca" zi aboo bang: nghoid ca". Houg: lang" za: khokham vang" moo dei byid: moo" ri nyeing" jang jang yo" zei: wa zi nghoid. Ashapena gi nyangnu" ri Babelon mougsoug" se' nghab se' lhid" sho' jhau" byid: ca" da:.

DANIELA 1:5

Nyangnu" ri nyid" khang" nyid" khokham vang" mo mo, ri zho" jhug da" zoo: noem yo' zabyid yhid: ri doo" byid: ca" ga: we' amyeing" khyo' to" da:. Jhau" shed zi soem" zain byeung" thang: ri nyangnu" ri khokham pho da" shidkhoin" moo yhe: nyid shug ca".

DANIELA 1:6

He: khyen: yu to" da" bang: moo Daniela- Hanania- Mishaela yo' Azaria bang: bo ago". Nyangnu" dangain" gi Yuda byumyu" kung: mo bang: nghoid.

DANIELA 1:7

Gyizoug: moo" gi nyangnu" ri Bethesha- Shadrag- Meshag yo' Abednego ga: myheing seig myheing byid: da:.

DANIELA 2:13

Houg: yoomo Daniela yo' nya: byencang" yi bo bo lho: nyangnu" dangain" mo ri hau: moo" zoo" yo' sen lho: said pyam wa amyeing" lu dang: daloem: pyo: kaid ago".

DANIELA 3:29

Houg: lho: akhid" ngoo khyo" wigi Shadrag- Meshag yo' Abednego da" Mangsoo ri aphoug" akhyoid tid da" yug gi kha: byumyu"- kha: mung"- ce: myeing" ji bang: nghoid loug we' khyid: lo, adu atoem phyed sain" pyam lho: nya: da" yhoem: ri byo, yoin" jo, sho' phyo' pyam byid: zi shoug" ca" wa ein: amyeing" khyo' kaid da:. Hidsu" yo" khyoid yu da" gootu: yu phara" anyid nghoid da» ga: tid da:.