DANIELA 1:17 - Lacid Common Language Bible

¹⁷ Mangsoo gi hau: zooyam myid: yug ri lasi phajhi"- mougsoug" yo' myid phajhi" se' jhang: ziri byid: da:. Hau: tho' agoo" Daniela ri yoeb myang myang ziyo' yhoeb mo joem ri se' phid: kyoo" wa da" lasi phajhi" ri byid: da:.

DANIELA 1:17 ပူးပေါင်းရင်းမြစ်များ

1 KHOKHAM 3:12

nang mho' ziyo' dayhang: ti" ngoo byid: wa zi nghoid. Shid phyang" we' anyid shi"- thang: phyang" we' anyid loo: wa byu gootu: tho' je se' da" phajhi" juyhi: yo' lasi lajhang: ngoo nang ri byid: wa.

1 KHOKHAM 3:28

Sholumon tarha" dang: phyed khyoo: ri Israela byumyu" yi shoug" gyoo: lang" nyangnu" nyang: ri je" phau" myang: lo boem bye:. Ciwim ga: ri Mangsoo nyang: ri byid: da" phajhi" yo' moo" ri jang jang tarha" jang deing byid: nyid ziri nyangnu" si' yoomo nghoid.

2 KHOKHAM MHOOMYID: 1:10

Houg: yoomo nyangnu" ri vhoebkhang" wa jang" moo ca" da" phajhi" juyhi: yo' lasi phajhi" ngoo ri byid: la. Hougsu" anghoid lang" hid: yhi' myo: lug da" re" byumyu" yiri khasu" yo' vhoeb wa la"» ga: mho' da:.

2 KHOKHAM MHOOMYID: 1:12

Ngoo gi phajhi" juyhi: yo' lasi phajhi" nang ri byid: wa. Ngoo gi nang ri shid phyang" mo khokham khayug we' ayo" yu" shi" ziyo' khanham we' adoem yoo" wa da" yoo" zoo: yoo" shug khyoo:- ngei sheing: jonu" myeing gyi: khyoo: ri loung: byid: wa» ga: tid.

2 KHOKHAM MHOOMYID: 26:5

Nya: laloem lakhoug: moo phajhi" byid: su: Zekharia dei nyid myhang nyang: gi Aseing ri jhug zug tung" dei byid: wigi Mangsoo gi nyang: ri mainkaid byid: da:.

YOBA 32:8

Nghoid loug we' ngoonu" phajhi" byid: zigi ngoonu" adang moo gyoo" re" da" Myhang: thang Mangso Venyi: nghoid da:.

DANG: ZHOEM 2:6

Phajhi" juyhi: ri byid: nyid zigi Aseing nghoid wigi lasi laleug yo' se' gyo: jhang: yu da- lasi gi nya: jang" mo yo" yu nyid.

PHAJHI" DANG: 2:26

Mangsoo gi nyang: ri neig shid: nheugdeug nhang: bang: ri phajhi" juyhi:- lasi phajhi" yo' ngei pyo: khyoo: ri byid: da:. Nghoid loug we' yooboo yoo" bang: rigi moo" zei: nhang:. Vang ngei yoo" nhang: lho: yung: nhang: wigi nyangnu" shau" sho: yu da" ziri nyang: ri nheugdeug nhang: mo, shid re" byid: pyam wa. Hau: zi dangain" gi akoem: za: nghoid da:. Hau: zigi lid ri cang khaid ziyo' du da:.

ESAIA 28:26

Mangso wigi nyang: ri jhau" byid: too" bye: yoomo nya: moo" ri khasu" zei: wa nyang: se' da:.

EZEKIEL 28:3

Nang gi Danela tho' phajhi" je bo wigi ce: daja: we' nang moo ayo" nghoeb shoung: too" ga: myid da:.

DANIELA 1:18

Khokham pho wigi tid to" da" soem" zain byeung" thang: ri Ashapena gi zooyam yi dangain" ri Nebukhadneza jhang shu" yhe: da:.

DANIELA 1:20

Khokham pho wigi khasu" dang: myid: myid: nghoid loug we' khasu" ayoug: akhi" ci: thu loo nghoid loug we' he: myid: yug gi damung" goin" mo boid phyed se' phyed mo yo' maindain lagle sara: gootu: tho' daxi: zhang je se' ago".

DANIELA 1:4

Nyangnu" gi gung doem we' younglho': vhu" nug gi bang:- nyeing" jhau" too" bang:- jhau" ri se' gyoo: lei bang: gung doem yo' sen: wigi ca" zi aboo bang: nghoid ca". Houg: lang" za: khokham vang" moo dei byid: moo" ri nyeing" jang jang yo" zei: wa zi nghoid. Ashapena gi nyangnu" ri Babelon mougsoug" se' nghab se' lhid" sho' jhau" byid: ca" da:.

DANIELA 10:1

Persi mung" moo Kuru khokham bue" zi soem" zain ein: zain moo Belteshaza ga: we' myeing da" Daniela ri mungdang: daloem toin" shid byid: da:. Hau: mungdang: gi jo nghoid loug we' se' gyoo: wa shid re" gye" yau: da:. Hau: ziri yoeb myang daloem: khyo" nyang: ri tid sho' kyo" da:.

DANIELA 2:19

Hau: thang: hau: myen ri nyang: hau: mau" pho" khyoo: ri Daniela jhang yhoeb myang moo pang shug yoomo mougkhung: Mangsoo ri coung" da:.

DANIELA 2:21

Nyang: gi ayo, akhyeing: yo' yo, boin: ri zei: ci: da:. Nyang: gi khokham yiri tu: to' lho: phyo' pyam da:. Phajhi" juyhi: yo' lasi phajhi" byid: su: nyang: nghoid da:.

DANIELA 2:23

Phoug" phyid" yi da" Mangsoo we"- ngoo gi nang ri coung" lho: ngi shab byid: da:. Nang gi ngoo ri phajhi" yo' yoem: byid: da:. Nang gi nga" akyu" mho' dang: ri tam" gyoo: byid: da:. Houg: lho: khokham phoo ri citid kyo" wa ein: ziri ci: shug abye:.

DANIELA 2:30

Akhid" ngoo ri he: yau: da" mau" pho" khyoo: ri ci: shug byid: bye:. Ngoo gi gooji yi tho' phajhi" je boo yoomo anghoid. Aseing: khokham nang khyo" wigi re" yhoebmo, da" dang: kang: ri se' yu lho: nang jhang ju" re" da" myid yu" khyoo: joem ri se' gyoo: wa shid re" nghoid da:.

DANIELA 4:6

Ngoo gi hau: yhoebmo, da" dang: kang: ri yo" tid kyoo" wa shid re" Babelon mo khokham phajhi" byid: mo, dangain" ri khe: too" wa amyeing" byid: kaid bye:.

DANIELA 5:14

Nang moo yu phara" joem da" Venyi: bo lho: se' jhang: khyoo:- Lasi phajhi" yo' phajhi" juyhi: se' ga: ziri ngoo shau" gyoo: bye:.

DANIELA 7:1

Babelon moo Belshaza khokham bui" shid" da" xang: shi" zain da" damyen ri ngoo yhoebmo, daloem: mo, lho: yoeb myang daloem shau" myang. Hau: yhoebmo, ri ngoo lhid" xoem" to". He: zigi

DANIELA 8:1

Belshaza khokham bue" da" soem" zain ein: zain moo eig lheing: ein: da" yoeb myang daloem: ri ngoo shau" myang

GYUNG: SOO" 12:6

Houg: lho: Aseing gi «Akhid" ngoo tid wa da" dang: ri tam" gyoo: ge'. Nanu" phung: gung moo lapi: yi nyid uri ngoo gi nyangnu" ri myo, myang myang jang" moo: ngoonya: gung ri ci: shug byid: wa zi nghoid. Yhoebmo, moo: nyangnu" ri dang: tid wa.

LUKA 21:15

Khasu" wim gari nanu" da" gyivoo yi ayo" ngeig- ayo" shang" yab jo, sho' wim da" dang: yo"- nyan phajhi" yo' mungdang: ri ngoo nanu" ri byid: wa byid: loo wa yoomo nghoid.

ACTS 6:10

Nghoid loug we' gyeungshang: Venyi gi Stephain ri phajhi" zeing byid: too" yoomo Stephain tid kaid' da" dang: ri nyangnu" ayo" phoug tu" nghoid ago".

ACTS 7:10

Nghoid loug we' Mangsoo gi nyang: yo' dage" nghoid nyid yoomo nyang: ri yau: khe" jamjau dangain" jang" mo loid loo" nhang: bye. Mangsoo gi Yoseb ri Egu tu khokham" da" shid khoin" moo yu" jhed' yu" kang: da" nyid yab, khyoo: nyheing byid: ziyo' - lasi, phajhi" byid: wigi Egutu khokham" gi Yoseb ri Mungdain goin" da" atho' moo we' khokham" khoo" dangain" jang" moo we' - Vhoeb, khang" nhang: too" bye.

ACTS 7:22

Hau: lho: Moshe gi Egutu byu yi da" phajhi" dangain" ri jhau" yu wigi nhoid khoin" thui: yo' lo, moo" boo su: bue" loo bye.

KOLOSE 1:9

Houg: yoomo nanu" da" khyoo: ri shau" gyo: yu da" bidnyid mo wigi ngoonu" gi nanu" shid re" anoo: ayab, loo: za: akyu" mho' nyid boem bye- nanu" gi hau: gyeungshang: Venyi wigi byid: da" phajhi" byen- ya dangain" yo' Mangsoo myid vho: khyoo: ri yo" se' loo wa lasi, nanu" moo joeb, byeung" loo wa shid re" Mangso jang" moo ngoonu" akyu" mho' nyid boem.

YAKU 1:17

Ge, da" joeb byeung" jeju" dangain" gi moug: khung: mo bidbang joem ri phain" to" da" Mangsoo jang" mo wigi we"- gyoo" lo zi nghoid. Mangsoo moo khanham we' athed loo" alid loo" atoug" ashu: aphug asi: wim yoomo nyang: moo bid shoem: yoeb, bui" nhang: zi ci" we' aboo.

YAKU 1:5

Nghoid loug we' nanu" mo dayug yug gi Phajhi" juyi: thang byug nghoid rigi Mangso: jang" mo mho' ge' nyang: gi houg: su" mho' mo, ri nyain: phajhi" byid: wa zi nghoid. Khasu" wim gari Mangsoo: gi byu bain sho' mo, rigau ziyo' agoin ayu: da" phajhi" ri byid: nyid.