APOEM AYANG: 7:4 - Lacid Common Language Bible

⁴ Akhid" mo nyhed nyid" lang" ngoo gi ngoo phain" so: to" da" dei moodei- nyid moonyid ri toem" pyam wa shid re" myid: xi: nyid" nyid: xi: myen moug: voo nhang: loo wa».

APOEM AYANG: 7:4 ပူးပေါင်းရင်းမြစ်များ

APOEM AYANG: 7:17

Tigyid gi myid: xi: nyid" ju" sho' xo' xo' je: lo lho: gyid nau" lo wigi Noa da" gyid lhid moo" zeing gi myu: gyam" loo" bye:.

APOEM AYANG: 7:12

Houg: lho: mougmyid tho' khyoo: myid: xi: nyid" myid: xi: myen moug: vo khyo' kaid bye:.

APOEM AYANG: 6:17

Dei moodei nyid moonyid ri phyo' shoin' pyam wa shid re" mougmyid tho' khyoo: ngoo gi tagyid shi' nhang: wa nghoid bye:. Mougmyid tho' moo nyid moonyid gi shid: byug wa nghoid.

APOEM AYANG: 6:13

Mangsoo gi Noa ri «Ngoo gi xangsu: byu yi dangain" ri thang loo" nhang: wa myid phyed too" bye:. Ngoo gi nyangnu" ri jhoid phyo' shoin' pyam loo wa. Khasu" wim gari moug: gyab goin" gi nyangnu" da" pyi: joem: sho: moo" za: byeung" jo, bye:.

APOEM AYANG: 6:7

Nyang: gi «Ngoo phain" so: to" da" he: da" byu yiri ngoo shoem" shoung: pyam loo wa. Houg: lho: gougnyhoug joem yo' ngho' joem ri we' shoem" shoung: pyam wa. Khasu" wim gari nyangnu" ri ngoo phain" so: to" zi gye" nheig koug bye:» ga: tid.

COUNG" NGHEI 69:28

Re" da" kangso' mougsoug" pug mo nyangnu" da" myeing ri said pyam byid: we'- re" byumyu" yi da" lhid xoem" moo: nyangnu" abo boem baja".

Pang Shug 3:5

Oung: loo" su: gi houg: yhang: te"- phyu: young" da" byimi shau" void lho: nya: myeing ri we' Kangso' mougsoug" pug mo ngoo soid, pyam byid: wa zi anghoid. Nyangnu" gi nga" da" lagyoo: yi nghoid ein: nyang:- nga" phoo yo' nya: moug: lagyoo: yi da" shid khoin" moo- ngoo yhen: yu wa nghoid.

AMO 4:7

Nanu" da" shivoo: joem gi moug: gyid gye" ca" nyid uri ngoo gi moug: ri toem' too" bye:. Ngoo gi voomoo" davoo moo gi moug: voo nhang: lho: goo" voo moo gi moug: ri avoo nhang:. Yoo dakhyang" moo gi moug: voo byid: lho: goo" khyang" moo gi kyug fo: jo, nhang:.

YOBA 28:25

Mangsoo gi lid ri yoem: so' byid: da" uri yo' panglai: khayhi' gyi: sho' ga: myid phyed da" uri

YOBA 22:16

Nyangnu" da" ayo, lang" aju" shi" ri gyid khyoid khyoid lo zigi nyangnu" ri pyoung" khyoid she: lo" boem wa.

APOEM AYANG: 8:12

Hau: thang: nyang: gi nyhed nyid" doem myang" lang" pheing" kyoug" ri dalheing: doem nhang: thu kaid- he: lheing: moo gi adoem tau" loo loo:.

APOEM AYANG: 7:10

Nyhed nyid" thang: moo tigyid shi' kaid bye:.

APOEM AYANG: 8:10

Nyang: gi thang: nyhed nyid" doem lang" lho: pheing" kyoug" ri doem nhang: thu kaid.

APOEM AYANG: 6:3

Houg: lang" Aseing gi «Ngoo gi byu yiri apyaid atoo: adei nyid nhang: loo: wa nyangnu" gi shid: wa byumyu" nghoid. Akhid" mo nyangnu" gi apyaid 120 zain tho' moo yo" dei jain" loo: wa anghoid» ga: tid.

APOEM AYANG: 2:5

Mougmyid tho' moo mhain" we' ayug shi" ziyo' amyoug: ashi" we' anyug abain toid shi"- khasu" wim ga: ri nyang: gi moug: avoo nhang: shi" ziyo' hau: ziri yu" coung: wa byu we' anyid.

APOEM AYANG: 7:3

Houg: yo' dakhyoo" ti" ngho' ja: khang" moo" ri we' nyhed zoem" zoem" fang yu we'. Hid: su" koid khyo" gougnyhoug joem yo' ngho' joem cang: joeb gi kangso' loid wigi mougmyid moo doem nyid byeung" loo baja".

APOEM AYANG: 8:2

Mougmyid mo gyid thu duang: joem yo' mougkhung: gyid khoem" joem ri myhid" pyam bye:. Moug: nghain: lho:

YEREMIA 28:16

Houg: yoomo nang ri yu pyam wa ga: Aseing nyang: nyang: tid da:. Aseing ri thougtheung gyi koid boem wa shid re" byumyu" yiri nang tid bye: yoomo he: zain athang shi" ri nang shid: wa» ga: xo' tid da:.