APOEM AYANG: 4:4 - Lacid Common Language Bible

⁴ Hau: thang: Abela gi nya: yang phung: mo xang: shi" xang" da" yang nu" dadu: ri said lho: ge nyeing" thang ziyo' xoin" re" ngei" byid: bye:. Aseing gi Abela yo' nya: xoin" ri nheugshid: ziyo' kham: yu bye:.

APOEM AYANG: 4:4 ပူးပေါင်းရင်းမြစ်များ

APOEM AYANG: 15:17

Bidvang khare" lho: moug: coid bye: ri myikhoug" neing" da" myikhoem' yo' myiyham: myidoem nyeigdain tung" thu myang lo lho: shoo" khang" joem da" agyoo: khyo" lid: khare" byug.

APOEM AYANG: 4:3

Danyid" da" bidnyid moo Ka-in gi nya: da" shivoo: shiloem ci: re" lho: Aseing ri xoin" ngei" byid:.

1 KHOKHAM 18:24

Hau: thang: Bala Lapi: yigi nyangnu" da" yu phara" ri akyu" mho' baja". Ngoo gi Aseing ri akyu" mho' wa. Myi: nhang: khyo' kaid byid: da" su: gi Mangsoo nghoid wa» ga: tid. Byumyu" yi we' nyangnu" vho: ngei ziyo' nyho: boem bye:.

1 KHOKHAM 18:38

Aseing gi myi: ri khyoo' byid: wigi hau: zigi xoin" ri we' thang" ri we' lug boem ri we' myidzhoo" ri we' nge" pyam bye: ziyo' toeb khyoo" mo gyid ri we' kain" kyug loo" nhang: bye:.

1 KHOKHAM MHOOMYID: 21:26

Nyang: gi hau: joyoo moo Aseing shid re" phoin: daloem: koid lho: nghe' ngei" xoin" yo' zoem" khau: xoin" ri ngei" byid: da:. Nyang: gi akyu" mho' wigi phoin: dang mo xoin" joem ri ngi" pyam wa shid re" mougkhung: mo myi: ri khyo kaid da" khyo" Aseing gi nyang: ri tu" byid: da:.

2 KHOKHAM MHOOMYID: 7:1

Khokham Sholumon nya: akyu" mho' zi bain lang" mougkhung: mo myi: gyoo" re" lho: shugbyid: to" da" xoin" joem nge" lo" byug da:. Aseing shidkhoin" mo yi yi bang: da" bidbang gi Noku Yhoem: Moo" moo byeung" shoin: jo, da:.

COUNG" NGHEI 20:3

Nyang: gi nang byid: da" jhungshug dangain" ri kham: yu lho nang ngei" byid: da" xoin" du: dangain" ri lhoem: ngei kham: yu baja".

THU' LO" MOUGSOUG" 13:12

Nanu" gi Aseing ri xang: shi" khu: da" yuggi zoo: zooshid" yugkhang" moo" ri shugbyid: ca" zi nghoid. Nanu" da" gougnyhoug mo xang: shi" xang" da" aloo: zoo: du: khang" moo" gi Aseing nyang: seing: da" zi nghoid.

DANG: ZHOEM 3:9

Re" da" mougmyid mo thu' lo da- shivoo: shiloem dangain" jang" mo ge thang ja: yo' ngei" to' byid: khyo" wigi Aseing ri phoug" tab, ngi: byid: we'.

PHAJHI" DANG: 4:4

Byumyu" yi oung: doid wa shid re" gye" yoem: kaid ein: ziri ngoo yo" se' yu bye:. Hau: zigi nyangnu" da" yhoem: kyoo" cang" yiri no" zo myid boo yoomo nghoid ago". Nghoid loug we' hau: zigi akoem: za: danghoid. Hau: zigi lid ri cang khaid myheig ziyo' du da:.

XOIN" NGEI" 9:24

Nyeigdain tung" Aseing gi myi: ri khyo kaid lho: nghe' ngei" da" xoin" yo' phoin: dang mo xu: joem ri nghe" pyam da:. Hau: ziri byumyu" yi shau" myang lang" nyangnu" dangain" gi yoid nyho: wigi nyangnu" myonhoo: joem myidgung khyoo: goeb pid ago".

GYUNG: SOO" 16:15

Moshe nheig yo: lo wigi Aseing ri «Houg: bang: ci: re" da" xoin" joem ciri: we' akhab yu o". Ngoo gi nyangnu" ri ci: we' ashoid. Ngoo gi nyangnu" loo zei: joem mo dadu: ri we' ayu byid:» ga: tid.

GYUNG: SOO" 16:35

Hau: thang: ri Aseing gi myiyham: ri nhang: kaid wigi nam pyo: ja: ri shugbyid: go" da: byu 250 yug ri nghe pyam da:.

GYUNG: SOO" 18:12

Israela byumyu" yi ngoo ri zain khang" moo" byid: boem da: xang: shi" myeing lho: ge thang da" zhainloin: xu:- zabyid yhid: yo' gugzoo mei loem: dangain" ziri ngoo nanu" ri byid:.

GYUNG: SOO" 18:17

Nghoid loug we' xang: shi" xang" da" nu:- yang yo' coidbaid joem rigi ayo" doem qei yu wa. Houg joem bain sho' ngoo seing: wigi xoin" ngei" byid: goo" wa zi nghoid. Houg joem da" suid" ri phoin: moo: foid goin: wigi houg joem da" xu: ri zoo: noem xoin" khyo" nghe' ngei" we'. Hau: main shoem: gi ngoo ri vho: ngei nhang: da:.

HEBRE 11:4

Loem" jeung" da" nheigloem: yo' Abela gi Ka-in tho' moo je" ge da" xoin" ri ngei" byid: bye. Nyang: loem" jeung" khyoo: ri yu" yu" lho: nyang: ri deing byeung" da" byu- ga: wigi Mangsoo lhoem: kham: yu byid: abye:. Khasu" wim gari nyang: to' byid: da" xoin ri Mangsoo nyang: vho: ngei nyid yoomo nghoid- Abela gi shid: byug bye: nghoid loug we' loem" jeung" khyoo: yoomo akhid" nyid ju" sho' nyang: gi dang: da tid nyid ashi.

HEBRE 9:22

Toung: to" tarha" yo' dakhyoo" ti" ga: rigi-ziyoo jo, moo jo, alug bain sho' ri suid" yo' yo" ced" yung" ced" shang: loo nhang" wigi suid" shoin: byid: khyoo: khyo" za: youg: noo yooboo ri yo" khyoid pyam byid: nyid.

Pang Shug 13:8

Said' pyam' shau" bye: yang nu" da" kangso' mougsoug" pug moo moug: aphain" myid aphain" shi" mo nyang- myeing bo jo, bang: mo gootu- mougmyid moo nyid da" xang: su: byu yi dangain" bang: gi hau: akhyeung" gougnyhoug zeing ri coem noku boem wa zi nghoid.

TARHA" AGYI 6:21

Hau: thang: Aseing da" moug: lagyoo: gi lo, yhoin" kaid lho: nyang: zei: ci: da" vasi" thang: wigi hau: shoo" yo' zooyho' ri tain" da:. Myi: gi hau: lug moo" boem mo dab thu re" lho: shoo" yo' zooyho' ri nge" pyam da:. Hau: thang: moug: lagyoo: gi byug loo" khari" da:.

1 SAMUELA 15:22

Samuela gi «Aseing gi ce: noem ri vho: nyid lha". Jidang: gyo: ziri lha". Anghoid lang" xoin" ngei" ziyo' xoin" joem ri lha". Nyang: ri ge thang da" yang xoin" ngei" tho' mo nya: jidang: gyo: zigi je ge nyid zi nghoid.