APOEM AYANG: 2:2 - Lacid Common Language Bible

² Nyhed nyid" ein: wa da" bidnyid moo: Mangsoo gi zei: lo moo" dangain" bain zei: lho: moo" zoo" no: pyam bye:.

APOEM AYANG: 2:2 ပူးပေါင်းရင်းမြစ်များ

APOEM AYANG: 1:31

Mangsoo gi nyang: zei bue" too" bye: da" lo, moo" dangain" ri yu" lho: gye" nheig yu" shid: nyid bye:. Myen" thang: ayo, lid: khare" lho: nab soin: ayo, ju" lang" hau: zigi khyug nyid" nghoid bye:.

APOEM AYANG: 2:3

Hau: bidnyid gi nya: phain" so: moo" bain lho: moo" zoo" no: pyam da" bidnyid nghoid yoomo nyang: gi nyhed nyid" ein: wa da" nyid" ri mainkaid byid: lho: gooki' lid da" bidnyid danyid" khyo" to" too" bye:.

THU' LO" MOUGSOUG" 23:12

Labain daloem: moo khyug nyid" moo" zei: ge'. Nghoid loug we' nyhed nyid" ri moo" azei: goo". Houg: lang" nanu" join- nanu" shid re" moo zei: da" tungbau byu yi yo' nanu" gougnyhoug joem shoug" noo: wa zi nghoid.

THU' LO" MOUGSOUG" 31:15

Nanu" khyug nyid" ju" sho' nanu" da" moo" yo" zei: wa nghoid loug we' nyhed nyid" nyid" rigi ngoo ri shugbyid: to" da" phoug" tab Dougno: Bidnyid nghoid. Hau: nyid" ri moo" zei: da" hang" nghoid nghoid said pyam zi shoug" ca" da:.

THU' LO" MOUGSOUG" 31:17

Ngoo Aseing gi khyug nyid" akhoug: moo mougkhung: yo' myidjang ri phain" so: wigi nyhed nyid" nyid" ri moo" theing: lho: dougno: nyid yoomo he: zigi ngoo yo' Israela byumyu" yi agyoo: moo ayo, byeung" dang: theing laxoem" nghoid» ga: tid wa shid re" amyeing byid: bye: zi nghoid.

ESAIA 58:13

Aseing tid zigi «Nanu" gi Dougno: Bidnyid ri gyeung" shang: da" bidnyid khyo" cang pyeing lho: hau: bidnyid ri nanu" nyang: myid vho: khyo" acang koid. Nanu" gi nga" gyeung" shang: da" bidnyid ri phau" tab wigi hau: bidnyid moo gyung: asoo"- moo" azei:- akyu" abo dang: atid lhoo: koid da" khyo" wigi hau: bidnyid ri ngi: shab byid: nghoid rigi

YOHAN 5:17

Yesu gi Nga" phoo gi kha: u" we' moozoo" moo nyid. Houg: su: nghoid yoomo ngoo we' atheing: anoo: loo: moo" zei: nyid zi nghoid ga: houg: bang: ri tid kyo.

TARHA" TID POIN" 5:14

Nghoid loug we' nyhed nyid" ein: nyid" gi ngoo ri shugbyid: to" da" Dougno: Bidnyid nghoid. Hau: bidnyid moo hang" we' moo" ayo" zei: wa. Nanu" we' nanu" nya: zoo: yi we' nanu" join yi we' nanu" gougnyhoug joem we' nanu" mungdain: moo nyid boem da" tungbau yi we' moo" azei: goo". Nanu" koid ziyo' dakhyo" nanu" join yi we' Dougnoo: ca" da:.

HEBRE 4:10

Khasu" wim gari mangsoo dang: soo" byid: to" da" doug no: khyoo: ri shau" kham: yu mo, hang" nghoid loug we' Mangsoo doug no: nyid yhang: ti"- nya: moozoo" mo doug shau" noo: wa zi nghoid.

HEBRE 4:4

Khasu" wim gari jhoem: mungdang: dayoo moo nyhed nyid" da" bidnyid yo' sen: lho: tid to"- Mangsoo gi nyhed nyid" moo gi nya: moozoo" dangain" mo, doug no: nyid, bye.