AMO 8:3 - Lacid Common Language Bible

³ Hau: bidnyid ri khokham khoo" mo jikhoin" thui: gi ngoug thui: yo' thid go" loo" wa. Khayoo: we" shid: mang yo' byeung" jo, wa nghoid. Nyangnu" gi shid: mang joem ri sam zoo: she: pyam boem wa nghoid.

AMO 8:3 ပူးပေါင်းရင်းမြစ်များ

COUNG" NGHEI 39:9

Nang gi ngoo ri hid: yhang: te" da- phu" zo: khyoo: shoug" nhang: su: gi nang nghoid nyid yoomo ngoo dang: dakhoin" we' atid- sam" zoo: tam" too" wa.

ESAIA 37:36

Aseing da" moug: lagyoo: dayug Asuri dab khyoo: gyoo" re" wigi gyizoo: 185,000 yug ri said pyam da:. Hau: thang: nyid" moug: boo" zoo" ri houg moo dangain" bang: shid: jo, ago".

YEREMIA 22:18

Houg: lho: Aseing gi Yoshia da" yuggi zoo: Yuda khokham Yehoiakim yo' sen: wigi «Nyang: shid: yoomo hang" we' akug ngau goo" wa. ‹Nga" byencang" phoo we"- gya: we"- gya: we"› ga: hang" atid goo" wa. Hang" dayug we' ‹Nga" aseing: we"- nga" khokham we"› ga: nya: shid re" akoug ngoug goo" wa.

NGOUG JI: 2:10

Yerusalem mo phoug" mang: yigi myid keing: doem: moo sam: zoo: zhung: jo, boem. Nyangnu" gi nyang: nya: vhuloem tho' moo: pheilhoug: geug shoin" ci: lho: nyangnu" gung moo gi: jid: moo" byimi ri yeug ci: ago". Zoomyi: nu" yigi nyangnu" da" vhuloem ri myidjang khyoo: goeb, goem" ci: ago".

YOELA 1:11

Yoo thung" zei mo, we"- koug ngau nyid ge'. Zabyid khyam: ri yu" coung: nyid mo, we"- ngau nyid loo: we'. Khasu" wim ga: ri sungsoo: yo' yoono,- shivoo: shiloem dangain"- byo, yoin" lo" zi shoug" bye:.

YOELA 1:13

Phoin: tho' moo: xoin" ngei" byid: nyid da" Khainjung yi we"- jid: moo" byimi void lho: ngau nyid ge'. Noku Yhoem: Moo" khyoo: yhe: lho: damyen goin" koug ngau nyid we'. Nanu" da" Mangsoo ri xoin" to' byid: wa da" gug zoo: yo' zabyid yhid: ayoo" loo.

YOELA 1:5

Yhid: ya: yi we"- so" re" boem lho: ngoug ge'. zabyid yhid: shug mo, we" yoid ngau nyid ge'. Zabyid yhid: aseig ri koid yu wa da" zabyid shi" joem gi phyo' shoin: pyam zi shoug" bye:.

XOIN" NGEI" 10:3

Hau: thang: Moshe gi Arun ri «He: zigi Aseing nyang: dang: tid uri ‹ngoo ri shugbyid: bang: dangain" nga" da" gyeung" shang: ziri phau" myang: ca"- ngoo gi nga" byumyu" yiri nga" phung" yoeb ri pang shug wa nghoid› ga: tid da" dang: nghoid» ga: tid. Nghoid loug we' Arun gi sam zoo: tam" to" da:.

AMO 4:10

Ngoo gi Egutu mung" moo nhang: kaid da" yoem" noo nanu" jhang khyoo: nhang: kaid byid: bye:. Nanu" da" zoolu: yiri we' meing: zain: jang: moo said pyam byid: wigi nanu" da' myang: joem ri we' yu pyam byid: bye:. Nanu" da" zoem" joem mo shid: mang joem boeb nam nyid yoomo nanu" da" nhoo: moo nam he" jo, nhang: bye:. Nghoid loug we' nanu" gi nga" jhang khyoo: adoem tau" loo shi" nghoid ago".

AMO 5:16

Yoem: moo" bo da" myhang: thang Aseing tid zigi «Voomoo" mo fu" moo" khyoo: moo kougshu: ngoug thui: ri shoug" gyoo: goo" wa. Ngei byid: lho: khe: to" ngoug vhukung: yi yo' dage" yoo moo" zei: zoo: mo, rilang" gi shid: pui" moo bo ngoug wa shid re" vhukung: lhoung: zi shoug" wa.

AMO 5:23

Nanu" da" nupug nujhid ga: da" jikhoin" thui: ri no: pyam loo: we'. Nanu" da" teing baid thui: ri we' ngoo anau gyoo:.

AMO 6:4

Langi: bo da" yhoeb koug tho' moo jhang" to" lho: nuloo: nu" shoo" yo' yang nu" da" shoo" ri zo: nyid zigi re" shid re" gye" nyang: gyoug pho" zi nghoid nyid wa.

AMO 6:5

Nanu" gi David yhang: ti" jikhoin" lhid" lho: teing she: wigi lid jhoem" yang" nyid boem ziri nanu" vho: ago".

AMO 6:8

Myhang: thang Aseing Mangsoo gi hid: su" tid poin" dang: ri tid kaid abye:. Israela byumyu" yi da" nghoid boin: khyoo: ri ngoo ngheing" bye:. Nyangnu" da" langi: bo da" yhoem: moo" joem ri ngoo anau yu". Ngoo gi nyangnu" da" gyi: thang voomoo" zeing yo' houg: moo jo, moo jo, dangain" ri gyivoo joem da" lo, moo ab byid: pyam wa» ga: tid.

AMO 8:10

Ngoo gi nanu" da" pyoo: pui" joem ri shid: pui" bue" byug nhang: lho: nanu" da" jihkoin" thui: joem ri we' koug ngoug thui: joem bue" lo" byug nhang: wa. Ngoo gi nanu" da" vhuloem joem ri vhu" pyoid pyoid pyam nhang: wa wigi jid: moo" byimi ri void ci: nhang: wa zi nghoid. Hougsu" nanu" gi yug gi nu" zooti" zoo: shid: yoomo koug ngoug nyid da" myhi' phoo tang: yhang: ti" bui" loo" nhang: wa. Hau: bidnyid gi lo" thang moo ju" sho' youg: khe" nyid wa zi nghoid.

NAHUM 3:3

Myang: jui: mo, zain: go" nyid bye:. Shamcoin" bang kyi: bye:. Lham: toid joem yid yid wim bye:. Mang joem boem zang too" bye:. Nghab loo a ung: myo: da" shid: mang joem moo thung" thue: leung yen" boem bye:.

ZEPHANI 1:7

Aseing dang: phyed wa da" bidnyid gi ju" lo nyid bye:- houg: yoomo nya: shidkhoin" moo sam: zoo: nyid we'. Xoin" said ngei" yhang: ti" Aseing gi nya: byumyu" yiri said ngei" byid: wa zi soin' nyid wigi Yuda mung" ri zain: loo wa da" gyivoo joem ri khe: zheung" too" bye:.