AMO 7:2 - Lacid Common Language Bible

² Hau: yoeb myang mo jhenkhyeug joem gi houg: mung" mo mhain" nyoug pho nyoug joem dangain" ri zo: pyam lho: ngoo gi yoem: moo" bo thang «Aseing we"- re" byumyu" yiri yooboo khyoid byid: we'» nyangnu" gi khasu" koid se' deung nyid loo: goo" wa lha". Nyangnu" gi atham: loo: nge lo" ziyo' yoem: gye" neing: mo, nghoid ago"› ein: tid kaid bye:.

AMO 7:2 ပူးပေါင်းရင်းမြစ်များ

COUNG" NGHEI 12:1

O" Aseing we" ngoonu" ri pang thug byid: we' byu gi dayug we' anyid loo. Deungmain" mo, khanham we' ashau" myang loo.

THU' LO" MOUGSOUG" 10:15

Hau: jhenkhyeug joem gi myidgung ceig ceig no, sho' nghoeb pyam wigi seiggam mo shi" we' bo wigi leigvoo baid jang" mo deing da" seigshi vooshi" dangain" ri zo: pyam boem ago". Egutu mung" dangain" mo nyau da" seigzoo: voozoo: dagam we' ajo, loo: sho' zo: pyam bye: ago".

THU' LO" MOUGSOUG" 34:9

Nyang: gi «Aseing we" nang ngoo ri vho: ngei zi gyeing" nghoid rigi nang ngoonu" yo' dage" yhe: loo" shang ein: ngoo tid nau. He: byumyu" yi nheigloem: thain: nghoid loug we' ngoonu" da" yooboo yo' akhyeing" ziri khyoid pyam byid: wigi re" byumyu" khyo" wigi ngoonu" ri khab yu la» ga: tid.

ESAIA 37:4

Asuri khosen phoo gi dei nyid da" Mangsoo ri aphoug" akhyoid rhui" wa shid re" nya: gyizoug: moo" yiri nhang: kaid abye:. Re" Aseing Mangsoo gi he: aphoug" akhyoid tid da" dang: ri shau" gyo: wigi hougsu" tid bang: ri yooboo dam byid: goo" baja". Houg: yoomo dei deung nyid da" ngoonu" mung" byu yi shid re" Mangsoo jhang akyu" mho' we'» ga: zi nghoid.

ESAIA 51:19

Kyi" khyeug yau: khi" eig zhang re" adang moo gyo" zang" abye:. Re" mungdain: gi meing: zain: pui" wigi jham" coug: youg bui" byug bye:. Re" byumyu" yigi zooyoid abye:. Nang ri nheig khyeug myid ci: shug byid: wa hang" anyid.

YEREMIA 14:7

Nga" byumyu" yigi ngoo ri nyho: yoid ago". ‹Ngoonu" da" yooboo joem gi ngoonu" ri yooboo zhug nghoid loug we' Aseing we"- nang dangsoo" byid: too" byid: ziyo' dayhang: ti" ngoonu" ri pang" thoug yu la. Ngoonu" gi nang mo vi: khyoo: myoo" sho' lheing: lheing: phug lo" boem bye:. Ngoonu" gi nang ri thougtheung yooboo koid boem bye:.

YEREMIA 42:2

Ngoo ri «Jeju" mo ngoonu" tid ziri koid byid: la. Ngoonu" da" Aseing Mangsoo ri ngoonu" shid re" akyu" mho' byid: la. Nyid deing gyoo" bang: dangain" shid re" akyu" mho' byid: la. Goonham' ngoonu" gi myoo" sho' nghoid. Nang myang ziyo' dayhang: ti" akhid" gi ngoonu" dajhi' khyeing" dadeing lo.

EZEKIEL 11:13

Ngoo Lapi: pe: nyid ri Pelatia shid: leung lo" da:. Ngoo gi nga" myonhoo: ri myidgung khyoo: goeb pid wigi «Yoem: moo" bo Aseing we" hougsu" anghoid. Nang gi Israela mo deing da" byu yugkhang" moo" ri said pyam loo: wa la"» ein: nyho: tid bye:.

EZEKIEL 9:8

Hougsu" said lo" nyid boem uri hau: joyoo ngoo nyang: kyeing" nyid nyid. Ngoo gi nga" myonhoo: ri goeb zhug to" wigi «Yoem: moo" bo Aseing we"- nang gi Israela moo nyid deing nyid da" yugkhang" moo" ri said pyam wa yhi' Yerusalem ri nheig yoo: bye: rhe"» ein: nyhoo: bye:.

DANIELA 9:19

Aseing we" ngoonu" ri gyoo: byid: la. Aseing we" ngoonu" ri yooboo khyoid byid: la. Aseing we" ngoonu" ri tam" gyoo byid: wigi lo, moo" zei: we'. Nang Mangsoo nghoid ziri yugkhang" moo" se' loo wa shid re" zo" mo akoid nyid. He: voomoo" yo' he: byumyu" gi re" re" nghoid ago".

YOELA 2:17

Xoin" ngei" wa phoin: yo' Noku Yhoem: Moo" khyoo: vang lo" da" khoem" duang: agyoo: moo Aseing ri xoin" ngei" byid: nyid da" khainjung yigi «Aseing we" re" da" byumyu" yiri nheig khyeug yu shi" we' gootu: byumyu" yi wigi nanu" da" Mangsoo gi khayoo: nyid lha" ga: ngoonu" ri aphoug" akhyoid koid lho: ajuang" yi pyam nhang:» ga: wigi koug ngau lho: akyu" mho' boem ca" wa nghoid.

AMO 4:9

Ngoo gi nanu" da" shivoo: joem ri kyug shid: loo" nhang: wa shid mo lid lung ri houg nhang: kaid bye:. Nanu" da" shivoo: khyam: yo' zabyid khyam: dangain" nanu" da" lafoem' gam joem yo' zhainloin: gam joem we' jhenkhyeug joem wigi zo: pyam bye:. Nghoid loug we' nanu" gi nga" jhang khyoo: adoem tau" loo shi" nghoid ago".

AMO 7:5

Houg: lang" ngoo gi «Yoem: moo" bo thang da" Aseing we"- hau: zigi toem' pyam we' re" byumyu" yigi ashid: loo: khasu" yo" se' dei nyid boem loo: wa lha". Nyangnu" gi gye" nge lho: yoem: gye" neing: mo, nghoid nyid»

ZEKHARIA 4:10

He: moo" zoo" zei: shid" lo" ayo, moo azhei' kyeung" da" moo" ga: kyi: yang myeung nyid da" byu yigi akhid" Zerubabela lo, moo ci: da" khung: phoug lug ri myang uri ngei pyo: goug yi boem wa. «Hau: myikug ki" jang: nyhed loem: gi Aseing da" myojid" nyhed loem: ri tid zi nghoid. He: myojid" gi moug: gyab goin" jang" mo jo, moo jo, dangain" ri yu" myang zi nghoid»

Pang Shug 9:4

Houg: bang: gi seig gam voogam, joem yo' gootu: mhain" nyoug pho, nyoug joem ri ze" shoin, wa da" amyeing" ayoo". Ngeilang: moo Mangso byu yi da" dazid' adab bang: ri za: yo" shen" yhen jamjau byid: wa da" amyeing" yo" boem.