AMO 5:2 - Lacid Common Language Bible

² Zoomyi: gyeing" Israela gi jhoid leung loo" bye:. Khanham we' ayo" too' loo: nghoid da:. Nyang: ri myidjang moo she: pyam too" bye: Lang: tu: wa byu hang" aboo loo.

AMO 5:2 ပူးပေါင်းရင်းမြစ်များ

2 KHOKHAM 15:29

Peka khokham koid nyid ayo, moo Asuri Khosen Tiglad Pilesa gi Iyon- Abela Bed Makha- Yanoa- Kedesha- Hazora voomoo" joem yo' Gilead- Galile- Nabthali mougmyid joem ri seing: yu pyam wigi voobyu yiri thung: byu khyo" Asuri mung" khyoo: shu" lo" ago".

2 KHOKHAM 17:16

Nyangnu" gi nyangnu" Aseing Mangso da" tarha" joem dangain" ziri phyo' pyam lho: no' wa shid re" to' nu: nu" soolhoo: eig loem: ri koid ago". Nyangnu" gi yu phara" myhi' Ashera da" soolhoo: ri we' koid lho: kyi: joem ri no' ago". Bala yu phara" ri we' dei byid: ago".

ESAIA 14:21

Said pyam nhang: loo we'. Nya: da" yuggi zoo: yi shid: wa zi nghoid. Ciwim gari nyangnu" da" phoug" phyid" yooboo yoomo nghoid. Nyangnu" mo dayug we' mougmyid ri yo" vhoeb goo" wa zi anghoid. Voomoo" joem ri yo" de: goo" wa zi anghoid.

ESAIA 24:20

Mougmyid gi yhid: yed su: yhang: ti" nyang: nyang: leung baid yen" wigi uglid yoem" khoug: mo zoem" khyam" yo' dayhang: ti" yhoin leung loo wa. Myid gung gi nya: yooboo wigi nhe" zhung: gyoo" loo" shau" wigi hau: zigi byo, yoin" lo" wigi khanham we' ayo" doem to' loo wa.

ESAIA 3:8

Nghoid bye:- Yerusalem gi doem: abye:. Yuda gi leung gyoeb gyo" abye:. Nyangnu" tid ziyo' koid zi ja: khang" moo" gi Aseing ri thougtheung ago". Nyangnu" gi Mangsoo ri di: di: za: rue" pyam ago".

ESAIA 37:22

Aseing tid zigi «Senakherib we"- Yerusalem voomoo" gi nang ri yi juang" pyam lho: aphoug" akhyoid koid abye:.

ESAIA 43:17

Nyang: gi phyo' shoin' pyam' wa shid re" gyid dab moo" gyi myang: rheing" dab yo' myang: joem ri shu" vhu" she: da:. Nyangnu" gi leung gyoo" khare" wigi khanham we atoo' nghoid da:. Myikug myiyham: ri yo' dakhyoo" ti" moid said pyam da:.

YEREMIA 14:17

Aseing gi mung" byu yiri nga" da" kougshu: khyoo: tid kyo" wigi he: ziri tid we' ga: ngoo ri amyeing" byid bye:. «Nga" da" myojid" joem gi nyid" ri myen" ri ngoug byid byeung" jo, baja". nyang: gi khanham we' ngoug zi athang baja" o". Ciwim gari nga" byumyu" yigi dam xoo: sho' dam dab yu wigi gye" no byug abye: go".

YEREMIA 18:13

Aseing tid zigi «Houg: yhang: te" zi shid phyang" bue" yu" bye: nghoid rigi byumyu" khang" moo" myid: ge'. Israela byumyu" yigi yu" gyoug yu" lhung: sho' da" moo" ri koid abye:.

YEREMIA 2:27

Seiggam ri nanu" nya: phoo ga: lug boem ri nanu" nya: myhi' ga: tid da" nanu" dangain" gi ngi: yoem" loo wa. He: ziri bue" loo wa. Ciwim ga: ri nanu" gi nga" jhang lheing: loo wa gungthid nga" jang" mo phug lo ago". Nghoid loug we' nanu" yau: khi" shau" uri nanu" jhang ngoo re" wigi nanu" ri khyoid yu wa shid re" ngoo ri mho' ago".

YEREMIA 31:4

Nanu" ri ngoo dalheing: doem coung: yu wa. Nanu" gi dalheing: doem nanu" da" jhu: jang ri koid: yu wigi ngei pyoo: tung" go" loo goo" wa.

YEREMIA 4:20

Byo, yoin" zi daja: bain daja: cang lo da:. Da mung" goin" zigi byo, yoin" jo, bye:. Ngoonu" da" zoem" joem gi nyeigdain tung" phyo' shoin' pyam zi shoug" bye:. Nyangnu" da" yabkyo' pain" ruang: joem gi amyhoo: myhoo: ceig pyam zi shoug" bye:.

YEREMIA 50:32

Re" da" nghoid boin: byumyu" gi khyid: vhu" thoung" wigi leung lo" abye:. Nang ri tu: to' yu wa hang" anyid. Re" voomoo" joem ri ngoo myi: wigi nghe' pyam wa. Lheing khoem mo ja: khang" moo" gi phyo' shoin' pyam shoug" goo" wa»

YEREMIA 51:64

Houg: lho: hid su" ein: tid ge'. He: zigi Babelon ri bue" loo nhang: wa zi nghoid. Aseing wigi hau: dang moo phyo' shoin' zi bui" nhang: wa zi nghoid wigi hau: zigi noeb vang lo" lho: khanham we' adoem to' ri" loo wa». Yeremia mungdang: gi hid: moo thang bye:.

YEREMIA 8:4

Aseing gi nya: byumyu" yiri tid kyoo" wa shid re" ngoo ri tid da:. Hau: zigi «Byu dayug yug leung baid ri nyang: adoem to' loo nghoid da rhe". Byu dayug yug nyang: khyoo: vhang: vhang: ri adoem tau" loo nghoid da rhe".

YEREMIA 9:21

Shid: khyoo: gi ngoonu" yhoem:- bangzoo: khoem" joem khyo" vang lo wigi Ngoonu" da" khokham kho" joem khyoo: vang loo bye:. Hau: zigi fu" moo" khyoo: moo nyid da" zooshang: yiri yo' Kid" jang: moo nyid da" zoolu: yiri said pyam bye:.

YEREMIA 9:9

Ngoo gi nyangnu" ri he: gu: gang mo yooboo dam abyid: wa ga: rhe". Ngoo gi hid yhang: ti" byumyu" yiri latoo: aphug wa rhe". Aseing tid too" bye:.

NGOUG JI: 2:13

O" Yerusalem we"- ngoo jheddab thang da" Yerusalem we"- ngoo khasu" se' tho' tid loo: wa lha". Ngoo khasu" nang ri nheig yo" teing byid: wa lha". Hid: yhang: ti" hang" dayug we' yo" kham' zoo: wa zi anghoid. Nang byo, yoin" lo" zigi atho' ke' da" Nammugdara yhang: ti" thang ga: zi ajo, yoomo ge bui" wa da" nheig byu jang: ci: we' ajo, loo.

HOSEA 14:1

Israela byumyu" yi we" nanu" Aseing Mangso jhang khyoo: doem tau" loo ge'. Nanu" yooboo gi nanu" ri khyid: vhu" thung" wigi lheing nhang: bye:.

HOSEA 6:2

Eig soem" nyid" agyoo: moo nyang: ngoonu" ri yoem: seig kaid byid: wa houg: lho: ngoonu" gi nya: shidkhoin" moo yo" nyid loo wa.

AMO 8:14

Samari voo mo soolhoo: yu phara" joem ri jham' tang: lho: «Dan mung" mo yu phara" khyo" hougsu" anghoid lang" gi Berasheba mo yu phara" khyo" ga: jham' tang: da" byu yigi gyoeb gyo" lo" lho: khanham we' adoem yo" too' loo: goo" wa» ga: tid nyid.

AMO 9:11

Aseing tid zigi byo, yoin" loo" bye: da" yhoem: yo' du da" David mungdain: ri ngoo doem tu: to' kaid wa da" bidnyid gi ju" loo bye:. Hau: voogung vang khyam: joem ri ngoo doem nyheung pho: lho: doem tu: to" wa. Ngoo gi hau: ziri doem zhug to" lho: goonham' yo' dakhyoo" ti" koid wa nghoid.