AMO 2:4 - Lacid Common Language Bible

⁴ Aseing gi «Yuda byumyu" yi gi pug lho: pug lho: yooboo ri dakoid nyid shi" yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi ngoo jhoug" mho' nyid khyoo: ri aphoug" akhyoid koid pyam boem lho: ngoo pyeing: to" amyeing" dang: we' acang nghoid ago". Nyangnu" da" phoug" phyid" yi dei byid: lo da" yu join: yu phara" yigi nyangnu" ri khyoo: vhang: shu" vhang: loo" khari" bye:.

AMO 2:4 ပူးပေါင်းရင်းမြစ်များ

2 KHOKHAM 17:19

Nghoid loug Yuda byu yi we' nyangnu" Aseing Mangso da" tarha" joem ri acang boem nghoid ago". Nyangnu" gi Israela byumyu" koid da" thung" joem ri leig yu" ago".

2 KHOKHAM MHOOMYID: 25:14

Amazia gi Edom byu yiri khaid oung: pyam jang" mo doem tau" lo uri nyang: gi houg: bang: da" yu phara" soolhoo: ri nyang: yo' dage" ci: lo wigi hau: joem ri lo zhug to" lho: no' ziyo' hau: joem ri shoem: nam pyo: ja: nghe' ngei" byid: da:.

2 KHOKHAM MHOOMYID: 30:7

Aseing Mangsoo ri jhug azug boem da" nanu" phoug" phyid" yi yo' nanu" da" bidnoem Israela byu yi yo' atu' go". Nanu" shau" myang bye: ziyo' dayhang: ti" nyang: gi houg: bang: ri gye" xoo: sho' yooboo dam byid: da:.

NEHEMIA 1:7

Ngoonu" gi nang ri thougtheung da" khyoo: akhyeing" ashoeb ziri koid lid lo lho: nang amyeing" byid: too" bye: khyoo: ri acang loo: koid bye:. Ngoonu" gi re" dei zoo: Moshe khyo" nang wigi ngoonu" ri byid: to" da" tarha" joem ri acang loo: koid bye:.

NEHEMIA 9:26

«Nghoid loug we' re" byumyu" yigi nang ri thougtheung gyi koid lho: re" da" tid dang: ri atam" gyoo: nghoid ago". Nyangnu" gi re" tarha" ri nungthang phug pyam ago". Nyangnu" gi nyangnu" ri tid poin" da" lapi: yiri said pyam ago". Houg bang: gi nyangnu" ri re" jhang khyoo: lheing: loo: wa khyo" tid boem. Nyangnu" gi dalheing: thang: dalheing: nang ri aphoug" akhyoid koid da:.

ESAIA 28:15

Shid: bang: yo' myid veing" khyoo: koid too" bye: Moovo moug: ju" sho' myid veing" khyoo: koid too" bye: ga: nanu" phau: ago". Yau: khi" kyi" khyeug ju" lo uri nanu" ri teing too" khoo' wa ga: gyeing" nyang: myid loem nyid ago". Ciwim gari nanu" ri goem loem byid: wa shid re" anghoid zi tid lho: mhoug fain" ziri nanu" khau: nghe: yoomo nghoid ago".

ESAIA 44:20

Nyang: koid da" moo" zoo" gi myimoeb ri zo: nyid yhang: ti" ce: dang: kang: aboo nghoid da:. Nyang: ko" da" myid gi nyang: ri atho' yo" pang" loo: sho' gye" xoo: sho' shu" vhang: lo" byug da:. Nya: lo, moo zei: ci: da" yu phara" soolhoo: gi Mangsoo anghoid ga: ziri nya: gung ri ayo" yhen: yu wa.

YEREMIA 16:11

Houg: lang" Aseing hid su" ga: tid ein: nyangnu" ri tid kyoo" we'. Nanu" da" phoug" phyid" yigi ngoo mo lheing: phug lo" wigi gootu: yu phara" soolhoo: joem ri no' ziyo' dei byid: lo boem bye:. Nyangnu" gi ngoo ri she: pyam too" kho' lho: nga" jhau" shed dang: ri atam" gyoo: nghoid ago".

YEREMIA 16:12

Nghoid loug we' nanu" gi nanu" phoug" phyid" yi tho' je dam xo: khyo" koid abye: go". Nanu" dangain" bang: gi nheigloem: thain: ziyo' akhyeing" boem wigi ngoo ri aphoug" cang nghoid ago".

YEREMIA 17:27

Nghoid loug we' nyangnu" gi ngoo ri tid dang: gyo: wigi Dougno: Bidnyid ri gyeung" shang: bidnyid khyo" phoug" tab cang yhe: ca" ago". Nyangnu" hau: bidnyid moo Yerusalem khoem" joem khyo" yoovoin ce: daja: we' age voin lid:. Nyangnu" voin lid: nghoid rigi Yerusalem voomoo" khoem" joem ri ngoo myi: nghe' pyam wa. Myi: gi Yerusalem khokham kho" joem ri we' nge" khyoeb pyam wigi hang" we' hau: ziri ayo" said pyam goo" wa.

YEREMIA 6:19

Mougmyid we" tam" gyoo: we'. Nyangnu" myid soin' khyoo: yoomo yooboo dam byid: da" khyo" wigi he: byumyu" yiri byo, yoin nhang: wa. Ciwim gari nyangnu" gi nga" jhau" shed ziri ngeug he: pyam lho: nga" mungdang: joem ri acang nghoid ago".

YEREMIA 8:2

Koid: zheing" yu wigi myhoeb pyam wa gungthid nyangnu" da" shooyoug: joem gi myidxu: jen" yhang: ti" myidgung moo gyo" jo, wa. Hau: joem gi he: byumyu" yi jheddab wigi dei byid: lo ziyo' nyangnu" boid phyed myid: gyo: wigi no' da" bid zhoo: yoo- lhammoo" zhoo: yoo- kyi: joem bang: da" shidkhoin" myidgung moo gyo" sain" jo, wa.

YEREMIA 8:9

Nanu" da" phajhi' boo bang: gi sho' phu" ago". Nyangnu" gi nheig coid nuyug bue" wigi khyoo: lung" lung" ago". Nyangnu" gi nga" mungdang: ri ngeug pyam ago". Akhid" nyangnu" ce: phajhi' yo" ashi" go" la.

YEREMIA 9:14

Hau: gungthid nyangnu" gi nheigloem: thain: wigi nyangnu" da" phoug" phyid" yi wigi jhau" byid: too" kho' ziyo' dayhang: ti" Bala soolhoo: joem ri no' ago".

EZEKIEL 13:22

Nanu" gi nanu" da" mhau' tid da" dang: joem wigi ngoo anau noo nhang: da" byu gi yiri yoem: shoin: nhang: da:. Akhyeing" bang: gi nyangnu" da" akhyeing" ziri to" pyam wigi nyangnu" da" kangso' joem ri khyoid yu wa ziri toem' pyam ago".

EZEKIEL 20:13

Nghoid loug we' nyangnu" gi dain" pyoid yoo moo lang" ngoo ri pyi: sho: ago". Cang" pyeing bang: yugkhang" moo" ri kangso' byid: da" nga" tarha" joem ri nyangnu" phyo' pyam lho: nga" amyeing" dang: joem ri he: ngeug pyam da:. Nyangnu" gi Dougno: Bidnyid ri bain sho' aco' ajhoid bui" nhang: pyam da:. Ngoo gi nyangnu" ri hau: dain" pyoid yoo moo nga" nheig joem: yo: ziri kham: zoo: nhang: wa yo' nyangnu" ri said toem" pyam wa jen" jen" nghoid bye:.

EZEKIEL 20:16

Ngoo gi dangsoo" daloem: koid too" bye:. Ciwim ga ri nyangnu" gi nga" amyeing" dang: joem ri ngeug he: pyam- nga" tarha" joem ri phyo' pyam wigi Dougno: Bidnyid ri aco' ajhoid koid pyam da:. Nyangnu" gi nyangnu" da" yu phara" soolhoo: joem ri no' wa myid bo boem ago".

EZEKIEL 20:18

Hau: gungthid ngoo gi nyangnu" phung: mo zoolu: zooyam yiri tid poin" bye:. Nanu" da" phoug" phyid" yi koid to" da" tarha" joem ri aci: goo". Nyangnu" da" thung" ri: joem ri acang goo". Nyangnu" da" yu phara" joem wigi nanu" nya: gung ri anyhoin: athung" abui" nhang: pyam goo".

EZEKIEL 20:24

Ngoo he: ziri koid bye:. Ciwim gari nyangnu" gi nga" amyeing" dang: ri ngeug he:- nga" tarha" ri phyo'- Dougno: Bidnyid ri aco' ajhoid koid wigi nyangnu" phoug" phyid" yi dei byid: lo da" yu phara" soolhoo: ri nyangnu" no' boem yoomo nghoid.

EZEKIEL 20:30

Akhid" Israela byumyu" yiri ngoo citid nyid ziri tid kyoo" we'. Nanu" gi ciwim nanu" da" phoug" phyid" yi shoid lid: lo da" yooboo joem ri koid wigi nyangnu" da" yu phara" soolhoo: joem thang: khyoo: cang yen" boem la".

EZEKIEL 22:28

Lapi: yigi vang khyam: ri moo" zei: bang: shoofuid" wigi xoug" phyu: nyid yhang: ti" hau: yooboo joem ri nyhoem" zau" ci: ago". Nyangnu" gi ajo da" yoeb myang joem ri myang lho: ajo da" khyo" Lapi: pe: da:. Nyangnu" gi yoem: moo" bo Aseing da" mungdang: ri tid nyid ga: tid nghoid loug we' ngoo Aseing gi nyangnu" ri dang: aji.

EZEKIEL 22:8

Nang gi gyeung" shang: da" joyoo joem ri aphoug"- Dougno: Bidnyid ri acang nghoid da:.

HOSEA 12:2

Aseing gi Yuda byumyu" yiri yooboo zhug wa yo" da:. Nyang: gi Israela byumyu" yiri nyangnu" da" lo, moo" yoomo yooboo dam byid: wa bye:. Nyang: gi nyangnu" ri nyangnu" koid lo da" moo" shid re" aphoug" tau" byid: loo wa.

HOSEA 12:3

Nyangnu" da" phoug" phyid" Yaku gi co' zoem: nya: mang: Eso yo' dage" nya: eig yug nya: myhi' da" oung: moo boo shi" uri nyang: byo, go" ago". Yaku gyi: lo ri Mangsoo ri gyi koid thougtheung da:.

HOSEA 6:11

Houg: lho: nanu" Yuda byumyu" yi shid re" nanu" koid nyid da" moo" yoomo nanu" ri ngo wigi yooboo dam byid: wa ayo, dayo, soin' too" byid: bye:.

AMO 1:3

Damasku voo bang: gi pug lho: pug lho: yooboo koid yoomo ngoo Aseing gi gyeing" nyang: yooboo dam byid: loo: wa. Nyangnu" gi Gilead mung" byu yiri akhyi" akhyoid gyi koid shoo" koid nyid boem ago".

AMO 3:2

Mougmyid tho' mo byumyu" dangain" jang" moo nanu" ri za: ngoo dasi' yoomo goin coung: lo zi nghoid. Hougsu" nghoid yoomo nanu" da" yooboo joem gi gye" yu" gyoug yu" lhung: sho' nghoid nyid bye:. Houg: yoomo hau: yooboo joem da" gang mo nanu" ri ngoo yooboo dam byid: ca" bye:.

MIKHA 6:12

Nyangnu" mo yoo" zoo: yoo" shug bang: gi myung mo, ri doin: zeig zoo: goo" yoomo nanu" dangain" bang: gi mhoug mo, za: nghoid ago".

HABAKU 2:18

Phara" soolhoo: gi ce" noem akyu" bo lha". Hau: zigi byu wigi koid to" da" lo, moo" te: nghoid lho: ce" dang: we' ase' tid. Mhau' to" da" khyoo: za: danghoid. Dang: lang" ase' tid da" yu phara" ri loem khoug: wa ga: koid too" su: shid re" ce" noem akyu" yo" byid: wa lha".

Roma 1:25

Nyanu" gi - Mangso: deingmain" da" tarha" ri - shoid' da" khyoo: yo" thid' go" pyam. Phain" too" su: da" gung thid' phain" to" da" zi ri te: loem no" ago". Phain" to" da Aseing: myonhoo: phung" yoeb ri - khanham we' loem khau noku boem baja".

1THESALONI 4:8

Hougsu" nghoid yoomo he: da" jhau" mho' khyoo: ri ngeug pyam mo, hang" nghoid sho loug we' -byu yi ri anghoid- gyeungshang: da" venyi ri byid: kaid' su: Mangsoo ri ngeug pyam su: nghoid.

1PETERU 1:18

Nanu" gi nya: phoug" nya: phyid" yi apyaid' mo wigi cang gyo" lo da" akyu' abo da" asam" aved mo byo, yoin" loo" se' nyid da" ngei sheing: yo' nanu" ri yo" qei khyoid yu to" zi anghoid.

TARHA" AGYI 10:6

Israela byumyu" yigi Bala yo' Astarte yu phara" joem ri Suri mo yu phara"- Sidon mo yu phara"- Moba mo yu phara"- Amon mo yu phara"- Philisti mo yu phara" joem ri no' yhang: ti" nyang: no' wigi Aseing ri thougtheung yooboo dalheing: doem shoid ago". Nyangnu" gi Aseing ri she: pyam lho: nyang: ri noku jang" mo theing: pyam boem.