Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




AMO 1:2 - Lacid Common Language Bible

2 Amo tid zigi «Aseing gi Ziun mo wigi thui: zeing yo' yoid nyid. Nya: thui: gi Yerusalem mo thu lo da:. Mhain" nu" yoo gi kyoug lo" lho: Kharmela boem tho' moo vufu" yoo we' yhau" loo" khari" bye:.

အခန်းကိုကြည့်ပါ။ ကော်ပီ




AMO 1:2
23 ပူးပေါင်းရင်းမြစ်များ  

Aseing da" thui: gi damyeung thu lo nyid. Hau: da" thui: gi yoem: moo" so' moo" yo' byeung" ziri shoug" gyo.


Byumyu" yigi gyoug dain' nyid boem abye:. Mungdain: joem gi lei: nyid bye:. Mangsoo gi moug goem: goem: kaid lho: moug: gyab, goin" gi yau, yu: loo" bye:.


nheig joem: yo: nyid da" Khokham ri myeing myhu" nheig yo: nyid da" khang khyi yo' dakhyoo" ti" gyoug nyid we'. Nyang: ri ze" sho" kaid su: gi nyang: nya: gung nyang: said shed: yu zi nghoid.


Mungdain: gi akyu" aboo jham" coug: youg bue" jo da:. Lebanon seig moo" yoo gi shoem: nyhau" lo" lho: myidxu: ge da" Sharon janggyoin: gi dain" pyoid yoo yo' dakhyo" bue" lo" wigi Bashan mung" yo' Khamela boem dang moo yug da" seiggam joem mo seig fu' joem shu: gyo" nyid ago".


Dain" pyoid yoo gi ngei pyo yoomo jikhoin" khoin" wigi yoid nyho: loo wa. Hau: zigi Lebanon boem joem su" yung" loo wa. Khamela yo' Sheron da" yoothung" joem su" myidxu: bo loo wa. Yugkhang" moo" gi Aseing da" myonhoo: yoeb bang ri myang wa. nya: da" gyi: sheing: khyoo: yo' yoem so' ri myang wa.


Aseing gi gyi khaid sarhi dayug yhang: ti" gyikhaid wa thu lo" da:. nyang: gi gyi khaid pui" shid re" jen" jen" nghoid wigi gau gau yi yi nghoid nyid da:. Nyang: gi meing: zain: wa mho' yoid- gyi khaid jang: moo nyho: nyid da:. Nyang: gi nya: gyivoo yiri nya: yoem so' ci: shug byid: da:.


Ngoonu" da" mougmyid gi khamyhang ju" sho' kyug hei' jo, wa la". Houg: lho: janggyoin: dangain" mo myo, joem gi khamyhang ju" sho' kyug shid: jo, wa la". ‹Ngoonu" cikoid nyid ziri Mangsoo amyang› ga: tid da:. Ngoonu" byu yi da" akhyeing" moo" yoomo gougnyhoug joem yo' ngho' joem shid: doem: lo" nyid abye:.


«Yuda mung" gi koug ngau nyid da:. Nya: voomoo" joem gi yoem: neing: nyid ago". Nya: da" mung" byu yigi myidgung moo kougshu: leung jo, ago". Yerusalem gi pang" yu wa shid re" mho' yoid nyid da:.


«Nang Yeremia we"- ngoo tid to" gu: dangain" ri tid fu" ca" da:. Nang gi he: byu yiri ‹Aseing gi mougkhung: mo nyho: loo wa. houg: lho: myhang: da" mougkhung: mo mouggoem: goem: loo wa. Nyang: gi nya: byumyu" yiri thougtheung wigi nyho: loo wa. Nyang: gi zabyid shi" nang: su: yhang: ti" nyho: loo wa. Mougmyid tho' mo yugkhang" moo" nya: thui: ri shau" gyo: loo goo" wa.


Ngoo yo' nanu" shid moo goonham' mo lapi: yigi gyi bue" zi zooyoid zi noo bui" zigi byumyu" yi myoo" sho' yo' yoem: bo da" khokham mungdain: joem moo bue" loo wa lapi: pe: lo ago".


Israela byu yiri nyangnu" mougmyid moo doem nyid nhang: wa. Nyangnu" gi Kamela boem mo yo' Bashan moug: moo sho" da" zoo: noem ri zo: boem wa. Nyangnu" gi Ephrim yo' Gilead mougmyid moo sho" to" da" shivoo: shiloem joem ri nyangnu" vho: nhoo' shoug" zo: loo goo" wa.


Ngoo gi nyangnu" gyivoo yiri khangkhyi yo' dayhang: ti" myeing lang" nga" byumyu" yigi nga" thang: cang lo loo goo" wa. Nyangnu" gi bidvang shoid khyo" zi nga" jhang" khyoo: hain: hain: phang: re" loo goo" wa.


Ngoo gi nya: zoo: ci phyug pyam da" voem myhi' yo' dayhang: ti" nanu" ri gyi khaid koid lho: nanu" ri ngo wigi lang: ceig khyam" pyam wa. Ngoo gi khangkhyi dadu: yo' dayhang: ti" nanu" ri hougmoo: nyang: zo: pyam wa. Houg: lho: ngoo gi siyoo gougnyhoug yo' dayhang: ti" nanu" ri adu du lang: ceig khyam" pyam wa.


Aseing we"- ngoo gi nang ri yoid mho' nyid khasu" wim gari coung" yoo yo' seiggam joem gi myi: nge" pyam ziyo' dakhyoo" ti"- kyug shid: lo" abye: go".


Aseing gi nya: gyidab moo" ri moug: goin da" thui: yhang: ti"- amyeing" byid: da:. Nyang: ri tam" gyo: cang yhe: da" gyiphung: yigi gye" myo: lho: yoem: so' gyi: ago". Aseing da" bidnyid gi khayhi' gyeing" gyoug dain pho" zi nghoid lha". Hougmoo: ashid: loo: hang" se' yo" nyid deing wa lha".


Aseing gi Ziun boem tho' mo thui: zeing yo' nyho: kaid wigi Yerusalem mo nya: thui: moo" wim kaid lang" mougkhung: myidjang gi nain" loo wa nghoid loug we' Aseing gi nya: byumyu" yiri goem loem byid: wa.


Nyangnu" gi Kharamela boem vhu" moo lo" gau" jo, nghoid loug we' ngoo gi nyangnu" ri sho: lho: myheung yu wa nghoid. Nyangnu" gi panglai: thoem" thi" moo nga" jang" mo phang: gau" lo" boem nghoid loug nyangnu" ri ngaid wa shid re" main jung: ri amyeung" byid: kaid wa.


Nyang: gi panglai: ri amyeing" byid: kaid lang" hau: zigi kain" loo" khare" lho: nyang: gi gyid moo" lang joem ri we' kain" loo" nhang: bye:. Bashan janggyoin: we' nyhau" kyug lo"- Kharmela boem we' kyug moid" lo" lho: Lebanon da" bain: boo" joem we' nyhau" shu: gyo" byug boem bye:.


Houg: moo: Kharmela voogung ayam mo mougmyid ri seing: da" Maon voogung mo Nabala ga: myheing da" Khaleb da" akung: ako'' mo dayug nyid nyid da:. Nyang: gi gye" yoo" zoo: yoo" shug su: nghoid ziyo' nyang: gi yang soem: khyeing" coidbaid da khyeing" ri seing: too" su: nghoid nyid da:. Nya: yhoem: seing: myhi' Abigela gi yung" ziyo' phajhi" si' su: nghoid. Nghoid loug we' nyang: gi cen" ziyo' nheigloem: thain: su: nghoid da:. Nabala gi Kharmela voogung moo yang moug" yham" nyid ri


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ