ACTS 8:2 - Lacid Common Language Bible

² Loem" jeung" nheigloem: kang: lung bu nyid bang: gi Stephain ri yhe: myhoeb, shoung: pyam boem lho: nyang: yoomo gye" koug shu: ngau, nyid boem ago".

ACTS 8:2 ပူးပေါင်းရင်းမြစ်များ

ACTS 10:2

Nyang: gi Mangso khyoo: ri kang: lung bu, su: nghoid wigi nyang: yo' nya: ikoin deungkhu: byu yi dangain" mo, gi Mangsoo ri Noku nyid ago". Nyang: gi sho" jhen: da" Yuda byu yi ri myoo" sho' pang" thoug byid: wigi Mangsoo ri beung abyid' akyu" mho' nyid su: nghoid.

ACTS 2:5

Moug: myed tho' moo dajo, da" mungdain loem khang" moo" mo ju" re" boem da- Mangsoo ri gyoug phau" da" Yuda byu yi gi Yerusalem voomoo" moo nyid nyid ago".

LUKA 2:25

Hau: uri Yerusalem voo moo Simun ga: da: byu dayug nyid. Hau: yug gi Mangso da" tarha" ri cang- loem" jeing" da" deung main" su: dayug nghoid.

YEREMIA 22:18

Houg: lho: Aseing gi Yoshia da" yuggi zoo: Yuda khokham Yehoiakim yo' sen: wigi «Nyang: shid: yoomo hang" we' akug ngau goo" wa. ‹Nga" byencang" phoo we"- gya: we"- gya: we"› ga: hang" atid goo" wa. Hang" dayug we' ‹Nga" aseing: we"- nga" khokham we"› ga: nya: shid re" akoug ngoug goo" wa.

YEREMIA 22:10

Yuda byumyu" yi we"- Khokham Yoshia gang mo ngoug byid agyoo" goo". Nyang: shid: ziri akoug ngoug goo". Nghoid loug we' nya: yuggi zoo: Yoahaza gang mo koem gi nheig khoo" sho' ngoug ge'. Nyangnu" nyang: ri shu" lo" byug ago". Khanham we' atau" loo loo: wa. Nyang: khu: lo da" mung" ri khanham adoem myang loo wa.

2 KHOKHAM MHOOMYID: 35:25

Lapi: Yeremia gi Yoshia shid re" ngoug ji: daloem: lhid" to" da:. Israela mung" mo jikhoin" khoin" bang: shid re" thung" ri daloem: bue" lo da:. Myiyi:- yuggi yigi nya: gang mo nyangnu" koug ngoug boem lang" he: jikhoin" ri ci: wa zi nghoid ago". Hau: jikhoin" ri ngoug ji: joem ri zheing" to" da" jikhoin" pug moo bo da:.

2 KHOKHAM MHOOMYID: 32:33

Hezekia shid: lo" wigi khokham loeb boug tho' mo du moo myhoeb to" ago". Yuda byu yi Yerusalem byu yigi nyang: shid: uri gye" gyi: sho' ngi: shab byid: ago". Nya: yuggi zoo: Manashe gi nya: khoo: moo khokham doem xo' koid da:.

2 SAMUELA 3:31

Hau: thang: David gi Yoab yo' nya: byu yiri nyangnu" da" byimi lang: ceig wigi jid: moo" byisheing: void lho: Abna shid re" nheig koug nheig ngi wa khyoo: ri koid wa shid re" amyeing" byid: to" da:. Hau: mang yhe: myhoeb uri khokham David nyang: we' gung: thang: moo cang so" re" da:.

1 SAMUELA 28:3

Akhid" Samuela shid: bye: yoomo Israela byumyu" dangain" mo, nheig koug nheig nge ziyo' nyang: ri nya: moug: nghoid da" Rama voogung moo myhoeb too" bye:. Sholu gi boid phyed bang: yo' yu myhi yiri Israela mungdain: mo khaid thu wa shid re" soin' nyid da:.

TARHA" TID POIN" 34:8

Israela byumyu" yigi Moba janggyoin: moo nya: shid re" soem" xi: nyid" byeung" sho' kougshu: nyid ago".

GYUNG: SOO" 20:29

Shava byu phung: goin" gi Arun shid: bye: ziri se' wigi nyangnu" dangain" mo, gi nya: shid re" soem" xi: nyid" koug ngau boem bye:.

APOEM AYANG: 23:2

Nyang: gi Khanan mung" Hebron joyoo moo shid: wigi Abraham gi gye" koug bye:.

ACTS 8:1

Sholu gi stephain ri said' wa zi myid bo veing" su: nghoid. Hau: bidnyid moo Yerusalem voomoo" moo nyid da- loem" jeung" phung byu yi gi dayam, dayoo: shen" yhen zi gyisho' shau" nyid boem bye. Lagyoo: yi mo we' je" wigi loem" jeing" mo, dangain" gi Yuda mung" yo' Samari mung" gyoo: khyoo: goem: sho' phang: byo, sain" lo" boem abye: go.

ACTS 8:3

Nghoid loug we' sholu gi phung ri phyo' shoin, pyam' byid: wa shid re" yoem: kaid' nyid da. Nyang: gi dayhoem: bain' dayhoem: khyoo: cang vang yhe: lho: loem" jeung" da" yuggi myi: yi: dangain" bang: ri she: khyoid' thu yu lho: nyangnu" ri thung: lhoung pyam.

APOEM AYANG: 50:9

Myang: rheing" khaid mo, yo' myang: zhung: gyizoo: yi we' nyang: yo' dage" bo cang lo" boem wigi hau: zigi byu phung: moo" zeing nyang: nghoid bye:.

MARKU 6:29

Yohan da" cangzoo: yi gi he: khyoo: ri zheung: shau" gyo: lang" nyangnu" re" lho: nya: mang ri zheung: koid: myhoeb pyam byid: boem bye.