3 Yohan 1:8 - Lacid Common Language Bible

⁸ Houg: su" nghoid yoomo hau: da" deingmain" moozoo" moo nyangnu" yo' dage" moo" bo pang" voin, mo, bui" goo" baja"- ngoonu" Khristain yi gi hid: bang: ri bo pang" thoug boem ca.

3 Yohan 1:8 ပူးပေါင်းရင်းမြစ်များ

COUNG" NGHEI 94:16

Akhyeung" bang: ri tu: lhoin" lo" da" uri kha: yug gi nga" thang: dab, yu" la". Akhyeing" da" moo" zei: mo, ri thougtheung lo" uri kha: yug gi nga" thang: dab, yu" la".

MATHE 10:14

Hang" nghoid loug nanu" ri alhoem: yu- nanu" da" dang: atam" gyo: nghoid rigi nanu" da" khoo: voo: moo dab da" myidzhoo" phei" ri ko: khyo' too" khoo, ge'.

MATHE 10:40

«Nanu" ri lhoem: kham: yu su: gi ngoori we lhoem: kham: yu bye. Ngoori lhoem: kham: yu su: we' ngoori nhang: kaid' da" Mangsoo ri lhoem kham: yu zi nghoid bye.

LUKA 11:7

Yhoem: seing: gi ngoori phi: bu apu- yhoem: khoem" dangain" shung: bye. Zooshang: mi" yo" ngoonu" dangain"- yhoeb' yoo zheing: vang shang boem bye. Houg: yoomo ngoo to lho: nang ri zooyho' joem ri ayo" yu byid: loo: ga: yhoem: khoug: mo tid kaid.

2~KORINTHU 6:1

Nanu" gi Mangsoo da" jeju" yo" kham: yu mo, nghoid ziyo' dakhyoo" ti"- hau: jeju" ri amyib afoo" akoid pyam baja"- ngoonu" gi Mangso da" moozoo" bo pang" zei nyid mo, khyo" wigi nanu" ri mho' sang kaid zi nghoid.

2~KORINTHU 8:23

Titu yo' sen: lho: tid shang ein: rigi nyang: gi nga" da" bo pang thug su: nghoid wigi nanu" ri pang" thoug wa shid re" ngoo yo' dage moo" shoin" zei: su: nghoid nyid. Nyang: yo" dage" bo cang" re" da" gootu: mang: nhung" eig yug gi phung: yi da" lagyoo: yi nghoid wigi-Khristu da" myonhoo: phgung yoeb ri thoin" pang su: eig yug we' nghoid.

PHILIPI 4:3

Nga" da" bo pang" bo thoug da" loem ge" da" byen cang phoo we"- nang khyo" we' hau: myi: yi eig yug ri bo pang" thoug yu we' khasu" wim ga: ri hau: ngei bu: lu dang: kho" kyo" da" khyoo: moo ngoo yo' dage" moo" gye" bo zei: loo bye- nya: eig yug yo' dage" Klemen yo' Mangso kang: so' mougsoug" zhayen" pug moo nyangnu" da" myeing bo- nga" da" moo" voin byen cang" gootu: we' zheung: bo.

KOLOSE 4:11

Yustu ein: we' myheung to" da" Yoshu we' nanu" ri vhu" kaid' hid: bang: seom" yug za: Mangso mungdain shid re" ngoo yo' dage" moo" voin, da" byen, cang" -loem" jeung" da" Yuda byu yi nghoid ago"- hid: bang: gi ngoori gye" bo pang" thoug bye: mo, nghoid ago".

1THESALONI 3:2

Khristu da" ngei bu: lu dang: kho" kyo" jang" moo ngoonu" dage" za: moozoo" ri voin, vu, nyid da" ngoonu" da" mang nhung" phoo Timothi ri nhang: kaid' boem bye.

PHILIMON 1:2

Nga" eig youg da" nham" moo" aphia ri we' nga" eig youg da" gyizoo: byen cang" Arkhipo jhang khyoo: we' re" da" yhoem: moo noku nyid da- Phung: byu yi jhang khyoo: we' mougsoug" lhid" kaid.

PHILIMON 1:24

Houg: yo' dakhyoo: ri kho" kyoo" yoomo ngoo yo' dage" thung: loung" jo, da" nga byen cang" Epaphra gi nang ri vhu" kaid da.

3 Yohan 1:10

Ngoonyang: ju" ri lang" she' nyang: zei: shoid lo" khyoo: ri tid thu' kyoo" byid: wa zi nghoid. Nyang: gi ngoonu" ri gye" akhyeung" da" dang: yo' mhau' da" dang: ri tid nyid hau: gu: za: we' nya: shid re" agi" boin: shi" yoomo Khristain mang nhung" yi zheung: ju" re" uri nyangnu" ri alheom: tau, yu tho' moo agoo"- nyangnu" ri loem: kham: yu noug bang: ri we' nyang: toem, pyam' lho: phung mo khaid thu' pyam nyid.

3 Yohan 1:7

Khasu" wim ga: ri nyangnu" gi aloem" ajeung" da" tung: bau, byu yi jang" mo pang" thoug ziri akham: yu loo: za: Khristu da" moozoo" moo so" yen" bang: nghoid boem ago".

3 Yohan 1:9

Hau: phung khyoo: ngoo mougsoug" dajhi' lhid" kaid' bye- nghoid loug we' nyangnu" da" vhu" jhung: koid nau da" Diotriphi gi ngoo tid kaid' da' thui: ri tam" gyoo: byid: wa zi anghoid.