2 TIMOTHI 2:14 - Lacid Common Language Bible

¹⁴ Byu yi ri khyoo: he: khaid ri tid poin" tid kyeung" nyid we' dang: tid ziyo' ngeug byo, go" khyoo: aboo wa shid re" Mangso da" shid khoin" moo nyangnu" ri thain: thain: zid" nhang: too" we'. Hougsu" hi: go" ngeug byo, go" nyid da" khyoo; gi ce" akyu" we' abo tho' moo agoo"- tam" gyoo: bang: ri lhu: phyo' lhu: shoin, byid: da" khyoo: za: bui" nhang: nyid.

2 TIMOTHI 2:14 ပူးပေါင်းရင်းမြစ်များ

YEREMIA 16:19

Aseing we"- nang gi ngoo ri goem loem byid: su: yoem vhoo" byid: su: nghoid. Nang gi ngoo ri yau: khi" shau" da" ayo, gu: moo pang" thoug byid: da:. Byumyu" yigi moug: thang: myid thang: mo zi re" jhang re" wigi hid su" ga: tid loo goo" wa. «Ngoonu" da" phoug" phyid" yigi yu phara" mo jain" wigi ci we' ajo, ce: akyu" abo da" soolhoo: joem mo lid: wigi ci we' ayoo" nghoid ago".

YEREMIA 2:11

Gootu: kha: byumyu" yi we' Mangsoo gyeing" anghoid da" Nyangnu" yu phara" joem ri athed pyam yu" nghoid da:. Nghoid loug we' nga" byumyu" yigi nyangnu" ri ngi: shab byid lo da" Mangsoo ngoo ri Nyangnu" shid re" ci ayo" koid byid: da" yu phara" joem yo' thid go" pyam abye: go".

YEREMIA 2:8

Khainjung yigi «Aseing khayoo: nghoid la"» ga: amyid: nghoid ago". Nga" da" khainjung yi ngoo ri asi' nghoid ago". Vhoeb khang" bang: gi ngoo ri thougtheung gyi koid ago". Lapi: yigi Bala myeing khyo" dang: tid boem. Houg: lho: akyu" abo da" soolhoo: joem ri no' ago".

YEREMIA 23:32

Ngoo Aseing tid da" dang: ri tam" gyoo: ge'. Mhau' fain" dang: byeung" jo, da" nyangnu" yhoebmo, joem ri tid boem da" lapi: yiri ngoo thougtheung da:. Nyangnu" gi hau: joem ri tid wigi nyangnu" mhau' fain" da" dang: yo' phau: tid da" dang: wigi nga" byumyu" yiri khyoo: vhang: shu" vhang: da:. Ngoo gi nyangnu" ri anhang: kaid. Yhi: wa shid re" we' nyangnu" ri amyeing" abyid: wigi nyangnu" gi byumyu" yiri dajhi' we' ayo" pang" byid: nghoid ago". Ngoo Aseing tid too" bye:» ga: tid.

YEREMIA 23:36

Houg: yoomo nyangnu" gi ‹Aseing da" yoovoin› ga: da" dang: khoin" ri khanham we' aci: loo: goo" wa. Ciwim gari dayug yug ci: nghoid rigi nga" mungdang: gi gyeing" nyang: nya: shid re" yoovoin lid: ngoo bui" nhang: wa. Byumyu" yigi myhang: thang Aseing- kangso' dei Mangsoo- nyangnu" Mangso da" dang: joem ri adu goo" sho' koid pyam abye: go".

YEREMIA 7:8

Yu" ge'. Nanu" gi mhoug fain" da" dang: joem ri myid loem nyid ago".

HABAKU 2:18

Phara" soolhoo: gi ce" noem akyu" bo lha". Hau: zigi byu wigi koid to" da" lo, moo" te: nghoid lho: ce" dang: we' ase' tid. Mhau' to" da" khyoo: za: danghoid. Dang: lang" ase' tid da" yu phara" ri loem khoug: wa ga: koid too" su: shid re" ce" noem akyu" yo" byid: wa lha".

MATHE 16:26

Byu ein: zigi Mougmyid gyab goin" ziri yo" vhoeb zeing to"- yhi' nghoid loug we' nyang: nya: da" kangso' soem" lo" rigi ce: noem akyu" se boo wa lha". nyang: nya: da" kangso' ri ce: noem yo, yo" khyoid yu loo: wa lha".

ACTS 13:10

Satan yu da" nya: zoo: we" - nang gi deingmain" ziyo' ge, da" khyoo: dangain" da" gyivoo- akhyeing" ashoeb, mhau' fain" vo, khyoo: yo' to' za: byeung" jo, da" byu nghoid da- nang gi khanham we" Aseung: da" deingmain" khyoo: ri mhau' fain" vo, dang: bui" sho' koid su: nghoid.

ACTS 15:24

Ngoonu" da" phung mo byu dayham" bang: gi ngoonu" wigi ci: we' apyeung: kaid' ziri nanu" jang" moo ju" re" lho: myid myo: ja: dang: aja: ja: ri zheung: tid wigi nanu" ri myid zheung: myoo: nhang: ga: da" thui: ri ngoonu" shau" gyo: loem bye.

Roma 14:1

Nanu" gi Mangsoo: ri loem" jeung" yoem: nu" mo ri kham: yu nyid ge'. Nghoidloug we' - nya: myid soin: koid' lo" khyoo: yo" nyang: yo" angeig goo" goo.

GALATI 1:7

Gyeing" nyang: ga: rigi Aseing Yesu da" khyoo: mo lid lho: ngei bu: lu dang: gootu: ajo. Nghoid loug we' ngoo hid: su" ein: tid zigi Khristu da" ngei bu: lu dang: ri thed' ze" shoin, wa yoem: kaid' nyid da" byu dayham" nyid boem ziyo' nyangnu" gi nanu" ri myid loem vhu" gyam, myid gyam nyid sho' lhu: phyo' lhu: nhoung nyid boem yoomo tid nyid zi nghoid.

Ephesu 4:17

Ce" phoug" adab da" nheig byu khyoo: yo" da" tungbau byu yi yhang" ti"- kangso' adei nyid wa shid re" Aseing: da" myeing khyang" yo' ngoo nanu" ri zed" lhid' nhang: nyid bye.

1THESALONI 4:1

Lo" thang jang" moo gi-mang nhung yi we"- mangsoo vho: ngei wa shid re" nanu" gi kha: khyo" kangso' dei nyid ca" da" khyoo: ngoonu" jang" mo nanu" jhau" yu abye: go- nanu" gi hau: khyoo: khyo" nyang: kangso dei nyid boem bye- hau: tho' moo je" yo" zei: soo, wa shid re" Yesu Khristu da" myeing khyang" khoug: moo nau" ri ngoonu" mho' tung" pain: joug jhoin" kaid' boem.

2 THESALONI 3:6

Mang nhung" yi we"- nei" zoore" kangso' dei nyid bang: dangain" yo' we' ngoonu" jhoug" byid: khyoo: ri acang lo" bang: yo" we' azoem" goo" loo- gootu: sain' sain' koid nyid wa shid re" we' Khristu da" myeing khyang" kyo" nanu" ri ngoonu' tid poin" kaid'.

1 TIMOTHI 1:4

Gyeing" nyang: bue" yu" bye: da" mhoo: myid: shendam joem- phoug" phyid" yi da" byuxeig shab, da" khyoo: ri to" no: pyam boem wa shid re" nyangnu" ri tid poin" we'. Hau: khyoo: joem gi myeing" myoo: yhoo: she:- byo, goo" ngeig go" da" khyoo" riza: dabue" thu' loo nhang: nyid wigi loem" jeung" khyoo: khyo" za: dayo" se' da" Mangsoo nyheung soin' da" khyoo: ri ayo" bui" nhang: nghoid nyid da.

1 TIMOTHI 1:6

Byu yi dayham" bang: gi hau: da" khyoo: joem mo-vhang: lo" boem wigi akoo" apyoid, ga: ngeug byo, go" khyoo: moo nyangnu" da" myid soin' khyoo: ri ci: phyoug pyam boem abye: go.

1 TIMOTHI 4:8

Gung shoo" yo' sen: da" khyoo: moo zei: zhang: so' zhang: zigi akyu" dajhi' zoo: boo nghoid loug we' Venyi loem" jeung" khyoo: moo zei: zhang: so' zhang: da" khyoo: gi khyoo: khhaid' khang" moo" moo akyu" bo zi nghoid. Khasu" wim ga: ri hau: khyoo: gi he: da" pyaid yo' thang: phyang" pyaid shid re" dang: soo" bo nyid.

1 TIMOTHI 5:21

Hid: su" tid to" khyoo: ri myonhoo: akhyen: loo nang zei: so' yhe: lo" jang" moo dashoid' shoid khyoo: abo dab, loo: za: tam" gyo: cang loo" wa shid mo Aseing Yesu Khrisru yo' Mangso da" shid' moo we' gyeungshang: da" moug: lagyoo: yi shid' moo we' ngoo nang ri amyeing" byid: kaid.

1 TIMOTHI 6:13

Jo, moo jo, ri kangso' yo" kaid' byid: da" phoo Mangso shid' khoin" moo we' Pilaid' da" shid' khoin" moo we' nyang: loem" jeung da" khyoo: ri geing: geing: teing teing yhen: yu bye: da"Khristu da" shid' khoin" moo we' He: da" moozoo" yoovoin, ri voin, vu, wa shid mo ngoo nang ri amyeing" byid: kaid.

2 TIMOTHI 1:6

Houg: yoomo ngoo nang ri lo, ki" byid: lho: aya: tang: byid: uri Mangso jang" mo nang yo" kham: yu bye: da" jeju" jhung: shug ri Mangso jang" mo nang yo" kham: yu bye: da" jeju" jhung: shug ri xo' lho: wigi dei nyid nhang: shi" wa shid re" nang ri ngoo doem, tid poin" kaid' zi nghoid.

2 TIMOTHI 2:16

Mangsoo yo' gang: go" loo" nhang: da" avoid avhu: anyhoin: athoung" moozoo" koid ziyo' akoo" afang: ga: tid da" dang: ri jang" pyam' nyid we'.

2 TIMOTHI 2:23

Nghoid loug we' afang: akyi: koid ziyo' athung" azhug koid ngeig goo" yang: go" da" dang: khoin" joem ri jang pyam' nyid we'. Houg: yhang: te" mo, da" lo" thang jang" moo gi myeing" myoo; yhoo: she: da" khyoo: za: bue" lo nyid ziri nang se' nyid gu nghoid.

2 TIMOTHI 4:1

Mangso da" shid' khoin" moo we' dei nyid bang: yo' shid: jo, mo, ri tarha" dang: phyed' wa da" Khristu shid' khoin" moo we' hau: Aseing; gi vhoeb, khang" wa da" kho: kham" khyo" ju" ri" wa zi nghoid wigi

TITU 3:1

Mung" dain ri vhoeb khang" nyid bang: yo' amyeing" akhang ci: bang: da" vhoo: moo tam' gyo: nyid wa ziyo' ge da" moozoo" jid: zoo: jo, moo jo, ri zei: soo, wa jen" jen" nghoid nyid wa shid re" re" da" byu yi ri tid poin" nyid we'.

HEBRE 13:9

Shid' phyang" alhoung myang yu"- alhoung gyo: yu" da" jhau" mhoo, byid: da" khyoo: joem ri tungbau byumyu" yi gi nanu" ri hau: deingmain" khyoo: mo ashu" hang: lam" loo" nhang: goo. Zoo: noem, yo' sen: da" cang yhe: tarha" ri tam" gyo: cang pyeung khyoo: anghoid loo: za: Mangso jeju" mo yoem: so' ri yo" kham: yu zigi je ge zi nghoid.

2PETRU 1:13

He: da: kangso' dei nyid shi" ayo' bidnyid gu: moo hau: khyoo: yo' sen: lho: wigi nanu" ri lhid' zid" wa shid' mo tidpoin" wa khyoo: gi ngoo zei eung: da" moo" nghoid ein: ngoo myed yu" nyid.

1 SAMUELA 12:21

Khyoo: vhang: vhang: nhang: da" yu phara" joem jhang khyoo: ayhi: goo". Houg: bang: gi nanu" ri yo" bo pang" wa zi anghoid- houg: bang: gi gyeing" anghoid boem yoomo nanu" ri yo" khyoid yu wa zi we' anghoid.