2 SAMUELA 8:2 - Lacid Common Language Bible

² Hau: thang: nyang: gi Moba byumyu" yiri meing: zain: oung: pyam bye:. Nyang: gi thung: byu yi yugkhang" moo" ri myidgung moo jhang" nhang: wigi hau: jang" mo soem" yug mo eig yug yug ri she: yu lho: said pyam bye: zi nghoid. Houg: yoomo Moba byumyu" yi we' David da" vhoebkhang" da" akhoug: moo vang wigi nyang: ri kheing" kaid bye: zi nghoid.

2 SAMUELA 8:2 ပူးပေါင်းရင်းမြစ်များ

2 SAMUELA 12:31

Voobyu yiri seig sheig joem joto' khoebmoo" joem joto' voozung: joem ri moo" zei: wa shid re" byid: lho: nyangnu" ri zhoothung" phoid da" moo" zoo" ri akoid atho' zei: nhang: bye: da:. Gootu: Amon voo joem dangain" moo nyid da" byu yiri we' houg yhang: ti" koid nhang: bye: zi nghoid. Hau: thang: nyang: yo' nya: byu yi Yerusalem khyoo: doem tau" loo" bye: da:.

2 SAMUELA 8:6

Hau: thang: nyang: gi nyangnu" moug: moo gyidab koid to" lho: nyangnu" we' nya: da" vhoebkhang" akhoug: moo nyid nyid ziyo' nyang: ri we' kheing" kaid byid: boem ago". Aseing we' David ri khyi khang" moo" moo oung: doid nhang: byid: da:.

1 KHOKHAM 4:21

Sholumon da" mung" gi Uphrad gyid lang mo zi Philisti moug: yo' Egutu mung" moug: kyoo: moo ju" sho' da" mougmyid joem bo nyid da:. Nyangnu" gi Sholumon da" apyaid thang sho' vhoebkhang" da" akhoug: moo nyang: ri khang" doug kaid byid: nyid boem.

2 KHOKHAM 1:1

Israela khokham Ahab shid: thang: ri Moba mungdain: gi Israela ri gyi koid ago".

2 KHOKHAM 17:3

Asuri khosen Shalmanesa gi nyang: ri meing: re" zain: da:. Hoshea gi Shalmanesa ri asoem" byid: wigi zain khang" moo" khang" doug byid: da:.

1 KHOKHAM MHOOMYID: 18:2

Nyang: gi Moba byumyu" yiri we' gyi oung: pyam wigi houg: bang: gi nya: byu yi bue" lo lho: nyang: ri khang" doug kaid ago".

2 KHOKHAM MHOOMYID: 26:8

Amon byu yigi Uzia ri khang" du kaid byid: wigi nya: myeing gi Egutu mung" ju" sho' lang" fu" loo" sho' yoem: bo lo da:.

COUNG" NGHEI 108:9

Nghoid loug we' Moba ri gi nga" da" khyid cid" bain khyo" ci: pyam wa nghoid. Edom tho' moo: we' nga" khyid baid ri du" ke" too" wa hau: zigi ngoo seung: yu wa ein: da" alhoo: nghoid. Philisti da" atho' moo ngoo gi oung: doid lo" da" nyho: phau: loo wa ga: tid.

COUNG" NGHEI 18:45

Nyangnu" gi sarhi' anghoid byoug loo: yoomo nyangnu" da" gyidab, khoug: mo gyoug nain" thu' lo" byoug boem abye:.

COUNG" NGHEI 60:10

Nang gi ngoonu" ri gyeing" gyeing" nyang: she: pyam bye: la". Ngoonu" da" gyiphung: moo" yo' nang athu yhi: loo: wa ein: la".

COUNG" NGHEI 60:8

Nghoid loug we' Hoba rigi nga" khyid: cid" jarung: yhang: ti" ci: wa zi nghoid. Edom da" atho' moo: we' nga" khyid: baid ri du" ke" too" wa zi nghoid. Hau: zigi ngoo seung: yu wa ein: da" alhoo: nghoid. Nga" tho' moo: yo" oung: doid nyho: zheug too" goo" wam: bye: ein: Philisti yi nanu" jho: nyid go" la".

COUNG" NGHEI 83:6

Houg: bang: gi Edom byumyu" yi yo' Ishmela byumyu" yi Moba byumyu" yi yo' Hagara byumyu" yi

ESAIA 36:16

Hezekia dang: atam" gyoo: goo". Asuri khosen gi nanu" ri voomoo" mo thu re" lho: asoem" byid: lo, tu: goo" wa shid re" nanu" ri amyeing" byid: kaid da:. Nanu" dangain" gi nanu" nya: da" zabyid nei mo zabyid shi" ri we' nanu" nya: da" lafoem' gam mo lafoem' shi" ri zo: nhang: wa. Houg lho: nanu" nya: gyid thung" mo gyid ri we' shug nhang: wa.

GYUNG: SOO" 24:17

Ngoo gi ju" loo wa da" ayo, khyoo: yu" kaid ri Israela byumyu" yiri myang. Bang da" kyi: yhang: ti" khokham dayug hau: byumyu" akhoug: mo nyid thu loo wa. Nyang: gi kyi: yo' dakhyo" Israela mo nyid thu wa. Nyang: gi Moba vhujhung: yiri khaid zain: loo wa. Houg: lho: Shed mo byu dangain" ri baid khyo' pyam ri" wa myang.

1 SAMUELA 10:27

Nghoid loug we' byugang: yi dayham" gi «He: yug gi nyha" shid re" ge da" moo" zoo" ri khasu" yo" se' koid byid: wa lha"» ga: tid nyid boem ago". Nyangnu" gi Sholu ri aphoug" akhyoid koid boem wigi nya: shid re" jhungshug we' aci: yhi: nghoid ago".

1 SAMUELA 14:47

Sholu gi Israela khokham bue" thang: ri khyi khang" moo" moo nyid da" nyang: ri gyi koid bang: Moba byumyu" yi Amon yo' Edom byumyu" yi Zoba khokham joem yo' Philisti byumyu" yiri yo" khaid zain: bye:. Nyang: meing: zain: da" joyoo khang" moo" oung: doid zi shoug" yu bye: zi nghoid.

1 SAMUELA 22:3

David gi hau: joyoo mo zi Moba mung" Mizpa voogung khyoo: do, yhe: wigi Moba khokham ri «Mangsoo ngoo ri koid nhang: wa ga: ziri ngoo yo" se da" ayo akhyeing ju" sho' nga" yhid yo' ba" ri re" jang" moo nyid nhang: wa shid re" jeju" mo akhang" byid la o"» ga: tid bye:.

1 SAMUELA 22:4

Hougsu" yoomo David gi nya: myi phoo ri Moba khokham jhang ab to" wigi nyang: gi lug-ug khoug moo: danyid nyid gi nya: tang: we' hougmoo: nyid nyid da:.