2 SAMUELA 7:9 - Lacid Common Language Bible

⁹ Nang so" yen" da" joyoo khang" moo" ngoo nang yo' dage" nyid nyid nang oung: doid wa shid re" re" gyivoo yi dangain" ri ngoo khaid zain: pyam byid: bye:. Mougmyid gyab goin" jang" moo nyid da" gyi: thang vhujhung: yi dangain" bang: yhang: ti" ngoo nang ri myeing gyi: nhang: wa zi nghoid.

2 SAMUELA 7:9 ပူးပေါင်းရင်းမြစ်များ

APOEM AYANG: 12:2

Ngoo gi nang ri amyed ashen myoo" sho' byid: wa. Nyangnu" gi byumyu" zeing bue" loo wa nghoid. Nang gi mainkaid jeju" yoo" wa shid re" ngoo gi nang ri mainkaid byid: lho: re" myeing ri gyi: sheung: fu" loo" nhang: wa.

2 SAMUELA 22:1

Aseing gi David ri Sholu yo' nya: da" gootu: gyivoo joem lo, mo khyoid uri David gi he: jikhoin" yo' Aseing ri coung" bye:.

2 SAMUELA 22:30

Nang gi gyivoo joem yo' zain: goo" wa da" yoem: so' we' Nyangnu" da" dab zeing ri phyo' pyam wa da" yoem: vhoo" ri we' ngoo ri byid: nyid.

2 SAMUELA 22:43

Lid hau' tang" lo da" pheipyang" yhang: ti" bue" loo" wa shid re" nyangnu" ri ngoo mhoin' pyam bye:. Khyoogung mo thoem" boeb, ri yhang: ti" nyangnu" tho' moo: ngoo nang: pye" pyam bye:.

2 SAMUELA 23:1

Yese da" nya: zoo: David gi Mangso wigi gyi: sheung: nhang: su: nghoid. Nyang: gi Yaku da" Mangsoo wigi khokham koid wa khyen: too" shoug" su: nghoid. Israela byumyu" yi shid re" pyo: da" jikhoin" joem ri lhid" su: nghoid da:. He: zigi David da" thang: thang mungdang: nghoid.

2 SAMUELA 5:10

Myhang: thang da" Aseing Mangsoo gi nyang: yo' dage" nghoid nyid yoomo nyang: gi ayo, loem: khang" moo" moo je" gyi: sheung: lo nyid.

2 SAMUELA 8:13

David gi xoo" langkhung" moo Edom byumyu" yi damoin shid khyeing" ri yo" said pyam lho: doem tau" lo uri je" wigi myeing gyi: loo bye: da:.

2 SAMUELA 8:14

David gi Edom mung" dangain" jang" mo gyidab koid to" wigi nyangnu" dangain" mo, we' nyang: vhoebkhang" akhoug: moo nyid nyid boem ago". Aseing we' David ri joyoo khyi' khang" mo" moo oung: doid nhang: nyid da:.

2 SAMUELA 8:6

Hau: thang: nyang: gi nyangnu" moug: moo gyidab koid to" lho: nyangnu" we' nya: da" vhoebkhang" akhoug: moo nyid nyid ziyo' nyang: ri we' kheing" kaid byid: boem ago". Aseing we' David ri khyi khang" moo" moo oung: doid nhang: byid: da:.

1 KHOKHAM MHOOMYID: 17:8

Ngoo gi nang khamoo: nyid khamoo: nang yo' dage" nyid lo wigi nang gyi zain: yhe: lo" uri ngoo gi re" gyivoo gi dangain" ri nang oung: sho' koid bye:. Ngoo gi mougmyid tho' moo: gyi: sheung: thang da" vhujhung: yi yhi nang ri myeing gyi: nhang: bye:.

COUNG" NGHEI 21:6

Re" da" mainkaid jeju" gi nyang: moo: khanham we' byeung: abyed dajo, jo, lho: re" shidkhoin" moo: nyang: nyid nyid yoomo ngei pyo: khyoo: byeung" jo.

COUNG" NGHEI 89:23

Nya: gyivoo joem ri ngoo ne, mhoin pyam byid: wa ziyo' nyang: ri ngheing" bang: hang" ri we' Ngoo said pyam byid: wa zi nghoid.

LUKA 1:52

khokham" zeing ri nya: khoo" mo tu: khyo kaid wa nyhoem thang jo, mo, rigi tu: to' kaid wa.

YOSHU 6:27

Houg: yoomo Aseing gi Yoshu yo' dage" nyid wigi nya: myeing gyi: khyoo: gi damung" goin" khyoo: fu" lo" da:.

1 SAMUELA 18:14

Nyang: gi Aseing yo' dage" nghoid nyid yoomo nyang: koid zi dangain" oung: doid nyid da:.

1 SAMUELA 18:30

Philisti gyi yi re" said nghoid loug we' gootu: Sholu da" gyizoo: yi tho' David gi je wigi oung: doid nyid bye: zi nghoid. Hougsu" nghoid yoomo David gi je myeing gyi: su: bue" loo bye: zi nghoid.

1 SAMUELA 2:8

Sho" jhen: bang: ri zhoo" phei" boem khoug: moo lang: tu: to' yu wigi yau: khi" shoug" bang: ri nyang: gi myiyab boem mo lang: tu: to' yu nyid da:. Nyang: gi nyangnu" ri khokham zooshang: yug gi zoo: yi yo' byencang" bui" nhang: nyid wigi nyangnu" ri myonhoo: ngilang: boo tung" to" to". Mougmyid da" apoem: ayang: ri Aseing nyang: seung: nyid wigi hau: atho' moo mougmyid gyab ri nyang: zhoug too" bye:.

1 SAMUELA 31:6

He: zigi Sholu we' nya: zoo: yi we' yuggi zoo: we' shid: lo" khyoo: nghoid. Sholu da" byu dangain" we' hau: nyid" ri zheing: shid: byug bye:.

1 SAMUELA 5:10

Hougsu" nghoid yoomo nyangnu" gi gootu: Philisti voogung nghoid da" Ekron voogung khyoo: hau: Dang: Theing Kuid: ri byid: kaid ago". Nghoid loug we' Kuid: gi houg: moo ju" lo" da" uri byumyu" yigi «Ngoonu" ri said pyam wa ga: Israela byumyu" yi da" Mangso Dang: Theing Kuid: ri nyangnu" hid: khyoo: ci: ri goo" nhung:» ga: yoid ngau nyid ago".