2 SAMUELA 7:8 - Lacid Common Language Bible

⁸ «Hougsu" nghoid yoomo Myhang: thang da" ngoo Aseing nyang: ri tid da" dang: nga" dei zoo: David ri tid we'. Khyam: cang nang yang zung" nyid jang" mo ngoo nang ri khe: yu wigi Israela byumyu" yiri vhoebkhang" wa da" zoug: aya: nang ri byid: too" bye:.

2 SAMUELA 7:8 ပူးပေါင်းရင်းမြစ်များ

2 SAMUELA 12:7

Nathan gi David ri «Hau: yug gi nang nghoid nyid da:. He: zigi Israela byumyu" yi da" Aseing Mangsoo tid zi nghoid. Akhid" Sholu da" lo, mo nang ri ngoo khyoid yu lho: Israela byumyu" yi da" khokham ngoo nang ri koid nhang: to" zi nghoid.

2 SAMUELA 14:13

Myiyi: myhi' gi nyang: ri «Ciwim yoomo Mangsoo byumyu" yiri houg: yhang: te" shoid da" moo" zoo" nang koid la". Gootu: mungdain: khyoo: khaid pyam da" re" zoo: ri doem tau" loo wa akhang" abyid: nghoid yoomo nanyang: tid ziyo' dayhang: ti" nang dang: phyed bye:.

2 SAMUELA 23:1

Yese da" nya: zoo: David gi Mangso wigi gyi: sheung: nhang: su: nghoid. Nyang: gi Yaku da" Mangsoo wigi khokham koid wa khyen: too" shoug" su: nghoid. Israela byumyu" yi shid re" pyo: da" jikhoin" joem ri lhid" su: nghoid da:. He: zigi David da" thang: thang mungdang: nghoid.

2 SAMUELA 24:17

David gi byumyu" yiri said da" moug: lagyoo: ri myang wigi Aseing ri «Ngoo gi yooboo yoo" su: nghoid. Ngoo gi yooboo koid shoid su: dayug we' nghoid. He: sho" jhen: da" byumyu" gi cikoid shoid bye: lha". Nang gi ngoo yo' nga" ikoin deungkhu: byu yiri dam byid: eung: nyid zi nghoid.

2 SAMUELA 5:2

Lid loo" bye: da" ayo, Sholu ngoonu" da" khokham bue" nyid uri nghoid loug we' meing: zain: jang: moo Israela byumyu" yiri nang shu" vhu" shi: bye: zi nghoid ziyo' nang we' Aseing byumyu" yiri vhu" she: wigi nyangnu" ri vhoebkhang" wa shid re" Aseing nang ri dang: soo" byid: bye: zi nghoid» ga: tid ago".

2 SAMUELA 6:21

David gi «Re" phoo yo' nya: ikoin deungkhu: byu yi da" gungthid Israela byumyu" yi da" vhujhung: ngoo ri koid nhang: wa ga: ngoo ri khyen: yu da" Aseing ri coung" ngei" wa shid re" ngoo go" nyid zi nghoid. Hau: Aseing ri coung" ngei wa shid re" ngoo xo' wigi goo" wa zi nghoid.

1 KHOKHAM 3:6

Sholumon tid zigi «Re" dei zoo: nga" phoo David gi nheig bo- dang: zung" ziyo' loem: lug khyo" nang yo' xo' go" nyid yoomo nang nyang: ri khanham we' jheddab nheigloem: ci: shug bye: zi nghoid. Nya: khokham vang" moo vhoebkhang" wa shid re" yuggi zoo: dayug ri we' akhid" nyid" nyang: ri byid: wigi re" gyi: sheung: geing: teing jheddab myid ri xo' wigi ci: shug nyid da:.

1 KHOKHAM 8:16

‹Nga" byumyu" yiri Egutu mung" mo shu" tho lo da" ayo, mo ngoo ri noku wa da" yhoem: koid wa joyoo ri Israela mung" dangain" jang" mo voomoo" kha" loem: ri we' ngoo akhyen. Nghoid loug we' nga" byumyu" yiri vhoebkhang" wa shid re" David nang ri ngoo khyen: yu bye:›» ga: tid.

1 KHOKHAM MHOOMYID: 17:7

Houg: yoomo yoem: moo" bo Aseing ngoo nyang: ri tid nyid khyoo: ri nga" dei zoo: David ri tid kyoo" we'. ‹Ngoo gi nang ri coung" yoo moo: yang joem lhoug zung" nyid jang" mo shu" yu lho: nga" Israela byumyu" yiri vhoebkhang" su: khyoo" yoovoin byid: too" bye:.

1 KHOKHAM MHOOMYID: 21:17

David gi «O" Mangsoo we"- yooboo koid su: gi ngoo danghoid. Byu zhayhen" koid: yu wa amyeing" byid: su: gi ngoo danghoid. He: nheig yu" khyeug tung" da" byumyu" yi cikoid bye: la". Nga" Aseing Mangsoo we"- ngoo yo' nga" yhoem: byu yiri yooboo dam byid: we'. He: re" byumyu" yiri teing too" we'» ga: akyu" mho' da:.

AMO 7:15

Nghoid loug we' Aseing gi ngoo ri yang zung" moo" mo shu" yu wigi nya: byumyu" Israela yi jhang khyoo: re" lho: lapi: re" pi: nhang: da:.

ACTS 7:46

David khokham" gi Mangso shid khoin" moo myonhoo: yo" wigi Yaku da" Mangsoo nyid nyid wa shid re" joyoo koid wa shid mo akhang" mho' nyid,

1 SAMUELA 10:1

Hau: thang: ri Samuela gi zhainloin: xu: bo da" jhuang: daloem: yu wigi Sholu da" vhuloem moo foid gyoin: lho: nyang: ri boobug bug wigi Aseing gi nya: Israela byumyu" yiri vhoebkhang" wa shid re" mainkaid xu: foid shoin" byid: nyid zi nghoid. Nang gi nya: byumyu" yiri vhoebkhang" lho: nyangnu" da" gyivoo joem lo, mo we' nyangnu" ri lhoug zung" byid: ca" wa zi nghoid. Xo' wigi he: khyoo: gi Aseing nang ri khyen: yu lho: nya: byumyu" yiri vhoebkhang" wa shid re" nang ri ci: shug da" sagse: nghoid nyid.

1 SAMUELA 2:8

Sho" jhen: bang: ri zhoo" phei" boem khoug: moo lang: tu: to' yu wigi yau: khi" shoug" bang: ri nyang: gi myiyab boem mo lang: tu: to' yu nyid da:. Nyang: gi nyangnu" ri khokham zooshang: yug gi zoo: yi yo' byencang" bui" nhang: nyid wigi nyangnu" ri myonhoo: ngilang: boo tung" to" to". Mougmyid da" apoem: ayang: ri Aseing nyang: seung: nyid wigi hau: atho' moo mougmyid gyab ri nyang: zhoug too" bye:.

1 SAMUELA 9:16

«Nab yo nyid" he: da" ayo, koo: ri Benyamin akung: mo byu dayug ri re" jhang khyoo: ngoo nhang: kaid wa zi nghoid. Nyang: gi nga" Israela byumyu" yiri vhoebkhang" wa shid re" nyang: ri Main kaid xu: foid gyoin byid: ca" wa zi nghoid. Houg: yoomo nyang: gi nyangnu" ri Philisti byu yi lo, mo khyoid yu wa su: nghoid. Nga" byumyu" yi kham zo: nyid da" yau: khe" khyoo: ri ngoo myang bye: ziyo' bo pang" wa shid re" nyangnu" yoid ngau nyid ziri ngoo shoug" gyoo: bye:» ga: tid.