2 SAMUELA 7:2 - Lacid Common Language Bible

² Hau: thang: ri khokham gi lapi: Nathan ri «Yu" we' ngoo koem' gi shamu seig yo' koid da" yhoem: moo lung" jo, bye: nghoid loug we' Mangso da" Dang: Theing Kuid: gi zoem" moo dabo jo, da» ga: tid.

2 SAMUELA 7:2 ပူးပေါင်းရင်းမြစ်များ

2 SAMUELA 11:11

Uria gi «Israela yo' Yuda byu yigi meing: zain: da" joyoo moo nyid nyid ziyo' nyangnu" yo' dage" Dang: Theing Kuid: we' jo, da:. Nga" gyizoug: Yoab yo' nya: gyizoug: yi we' pa: cang dab koid wigi nyid nyid boem zi danghoid yoomo ngoo khasu" wigi yhoem: khyoo: lo" lho: zoo: gi shug gi nga" yhoem: seing: myhi' yo' ngoo yo" lo" yhoeb wa la". Houg: yhang: te" da" moo" zoo" ri khanham we' ngoo akoid wa ein: deing byeung" da" myeing moo hau: khyoo: dangain" ziri ngoo theing too" bye: zi nghoid» ga: tid khyo" da:.

2 SAMUELA 12:1

Aseing gi lapi: Nathan ri David jhang khyoo: nhang: kaid bye:. Nathan nya: jhang khyoo: yhe: lho: tid zigi «Voogung daloem: moo byu eig yug nyid. Dayug gi yoo" zoo: yoo" shug lho: thang: dayug gi sho" jhen: nyid da:.

2 SAMUELA 5:11

Turu khokham Hiram gi phaga: phung: daphung: ri David jhang khyoo: nhang: kaid da:. Nyang: gi khokham kho" zhug wa shid re" shamu seig thi" yo' dage" lo, moo" zi: bang: yi yo' lugxi' bang: ri pang" thoug kaid da:.

2 SAMUELA 6:17

Kuid: shid re" David koid to" da" zoem" akhoug: nya: joyoo moo nyangnu" hau: ziri to" too" bye:. Hau: thang: ri nyang: gi xoin" yo' zoem" khau: xoin" ri Aseing jhang ngei" byid: bye: zi nghoid.

2 SAMUELA 7:17

Nathan gi Mangsoo nyang: ri pang shug gu: dangain" ziri David ri tid kyoo" bye:.

1 KHOKHAM 1:22

Nyang: dang: datid nyid shi" ri khokham vang" khyoo: Nathan ju" ri" bye:.

1 KHOKHAM 1:8

Nghoid loug we' Khainjung Zadog- Yehoiada da" nya: zoo: Benaia- lapi: Nathan- Shimi- Rei yo' David da" kangso' zung" bang: gi Adoniya da" shoid khyoo: aboo nghoid da:.

1 KHOKHAM 4:5

mungzoug: Nathan da" nya: zoo: Azaria. Khokham ri phajhi" byid: su: Nathan da" nya: zoo: khainjung Zabuda.

1 KHOKHAM 8:17

Xo' lho: Sholumon gi «Israela Aseing Mangsoo ri noku wa shid re" yhoem: daloem: koid wa khyo" nga" phoo David soin' nyid».

1 KHOKHAM MHOOMYID: 14:1

Turu khokham Hiram gi Phaga: phung: daphung: David jhang nhang: kaid da:. Nyang: gi David ri khokham kho" koid wa shid re" shamu seig thung"- lug baid bang:- lo, moo" zei: bang: ri byid: kaid da:.

1 KHOKHAM MHOOMYID: 16:1

Nyangnu" gi Dang: Theing Kuid: ri David wigi hau: shid re" koid too" byid: da" Zoem" khyoo: ci: lo" wigi hau: akhau: moo: to" to" da:. Hau: thang: nyangnu" gi xoin" joem yo' Zoem" khau: xoin" joem Mangsoo ri ngei" byid: da:.

1 KHOKHAM MHOOMYID: 22:7

David gi nyang: ri «Nga" zoo: we"- ngoo gi nga" Aseing Mangsoo ri ngi: shab byid: wa shid re" Noku Yhoem: Moo" koid nau da:.

1 KHOKHAM MHOOMYID: 29:29

Khokham David da" mhoomyid: xang: shi" mo bain sho' ri Lapi: soem" yug nghoid da" Samuela- Nathan yo' Gad bang: da" lhid" xoem" pug moo: lhid" xoem" to" da:.

2 KHOKHAM MHOOMYID: 1:4

(Nghoid loug we' Dang: Theing Kuid: gi Yerusalem moo jo wigi khokham David gi hau: koid: ri Kiriad Yearim mo yhe: dang lo uri koid to" da" zoem" khoug: moo kaid to" ago")

2 KHOKHAM MHOOMYID: 29:25

Khokham gi Aseing wigi khokham David ri khokham da" Lapi: Gad khyo" byid: da" jhau" shid khyoo: yo' Lapi: Nathan khyo" byid: da" jhau" shid khyoo: joem ri cang da:. Nyang: gi Levi byu yiri teing yo' jhabceing yo' dage" Noku Yhoem: Moo" moo joyoo byid: to" da:.

2 KHOKHAM MHOOMYID: 9:29

Sholumon da" mhoomyid: apoem: ayang: mo zi athang: ju" sho' gu: mo deing gu: ri Lapi: Nathan da" mhoomyid: pug moo we' Shilo mo Ahiya da" Lapi: dang: lhid" xoem" pug moo we' Israela khokham Yeroboam da" khyoo: we' bo lhid" to" da" Lapi: Ido da" yoeb myang lhid" xoem" pug moo we' lhid" xoem" to" ago".

COUNG" NGHEI 132:2

Aseing we"- nyang: dangsoo" byid: to" ziri we' Yaku da" myhang: thang Mangsoo- nang ri nyang: dang: theing to" ziri we' myid boin: nyid we'. Hau: dang: gi

THU' LO" MOUGSOUG" 40:21

Hau: thang: nyang: gi koid: ri zoem" akhoug: moo to" wigi yabkyo' pain" ruang: ri khyo' lhang" too" bye:. Hougsu" khyo" wigi nyang: gi Dang: Theing Kuid: ri Aseing amyeing" dang: yo' dakhyoo" ti" go too" bye:.

HAGI 1:4

Nga" byumyu" yi we" nga" yhoem: gi byo, yoin" jo, nyid uri nanu" gi yhoem: gi moo loung" jo, goo" wa la".

YOHAN 2:17

Houg: lang" cangzoo: yi gi ‹‹O"- Mangsoo we"- ngoo coung" nghei seing" gam avoem" da" nheig nhei: jang:- Re" yhoem: moo" ri" jheddab myid gi nheigloem: moo myi: su" nge" nyid bye.» ga: wigi lhid" to" da" jhoem: dang: ri myid boin: boem ago".

ACTS 7:46

David khokham" gi Mangso shid khoin" moo myonhoo: yo" wigi Yaku da" Mangsoo nyid nyid wa shid re" joyoo koid wa shid mo akhang" mho' nyid,