2 SAMUELA 7:1 - Lacid Common Language Bible

¹ Khokham David gi nya: khokham vang" moo nyid nyid lho: Aseing gi nya: gyivoo dangain" jang mo nyang: ri lhoug zung" nyid da:.

2 SAMUELA 7:1 ပူးပေါင်းရင်းမြစ်များ

2 SAMUELA 5:11

Turu khokham Hiram gi phaga: phung: daphung: ri David jhang khyoo: nhang: kaid da:. Nyang: gi khokham kho" zhug wa shid re" shamu seig thi" yo' dage" lo, moo" zi: bang: yi yo' lugxi' bang: ri pang" thoug kaid da:.

2 SAMUELA 6:23

Sholu da" myiyi: zoo: Mikhala gi khanham we' zooshang: ayoo" nghoid da:.

1 KHOKHAM 5:4

Nghoid loug we' akhid" gi nga" mungdain: mougkyoo" dangain" cang myenjham" yug yo khyoo: ri nga" Aseing Mangsoo ngoo ri byid: bye:. Nga" jang" moo: gyivoo anyid loo: wigi gyoug pho" meing: zain: khyoo: we' ajo, loo.

1 KHOKHAM MHOOMYID: 22:6

Nyang: gi nya: yuggi zoo: Sholumon ri khe: yu lho: Israela da" Aseing Mangso shid re" Noku Yhoem: Moo" koid wa shid re" nyang: ri amyeing" byid: da:.

1 KHOKHAM MHOOMYID: 22:7

David gi nyang: ri «Nga" zoo: we"- ngoo gi nga" Aseing Mangsoo ri ngi: shab byid: wa shid re" Noku Yhoem: Moo" koid nau da:.

1 KHOKHAM MHOOMYID: 28:2

David gi nyangnu" shidkhoin" moo yab jo, lho: mungdang: tid da:. Nyang: tid zigi «Nga" mung" byu yi we"- nga" dang: ri: tam" gyo: yu" ge'. Ngoo gi Mangsoo Aseing da" khyid: nang: jang: nghoid da" Dang: Theing Kuid: shid re" yhoem: daloem: koid nau da:. Ngoo gi nyang: ri ngi: shab wa da" Noku Yhoem: Moo" shid re" soin' nyheing too" bye:.

2 KHOKHAM MHOOMYID: 14:6

Hau: ayo, moo nyang: gi Yuda mung" mo voomoo" joem shid re" gyi khoug: joyoo teing sho' koid lho: myoo" sho' zain gyi: khaid pui" ajo, nghoid da:. Ciwim gari Aseing gi ngei pyo: yug yo ziri byid: too" yoomo nghoid.

2 KHOKHAM MHOOMYID: 20:30

Houg: yoomo Yehoshaphad gi ngei pyoo: yug yoo za: vhoeb da:. Mangsoo gi shoid khang" moo" moo nyang: ri goem loem byid: da:.

COUNG" NGHEI 18:1

Aseing we" ngoo gi nang ri atho' tid loo sho' jheddab nyid. nang gi nga" gyivoo joem ri ve: pyam byid: su nghoid.

DANG: ZHOEM 16:7

Aseing ri nang nheugshid: nheugdeug nhang: ri nang gi re: gyivoo joem ri bidnoem yo" koid yu wa zi nghoid.

MATHE 25:16

Sheing: kyab wim: khyeing" yoo" su: we' dalheing: dam- phaga: yhe: cang koid: lho: amyaid sheing: kyab wim: khyeing" yo" yu too" bye.

ACTS 7:46

David khokham" gi Mangso shid khoin" moo myonhoo: yo" wigi Yaku da" Mangsoo nyid nyid wa shid re" joyoo koid wa shid mo akhang" mho' nyid,

YOSHU 21:44

Nyangnu" phoug" phyid" yiri dangsoo" byid: to" ziyo' dakhyo" Aseing gi mungdain: goin" ri yug yo khyoo: nyangnu" ri byid: bye:. Nyangnu" da" gyivoo yi dangain" mo dayug we' gyi ayo" khaid goo" nghoid ago". Ciwim gari Aseing gi Israela byumyu" yiri nyangnu" gyivoo yi dangain" mo dang moo oung: nhang: da:.

YOSHU 23:1

Gye myang" thang: ri Aseing gi Israela byumyu" yiri nyangnu" ri lheing khoem to" da" gyivoo yi lo, mo goem loem byid: da:. Hau: ayo, ri Yoshu gi gye" mang: bye:.