2 SAMUELA 5:9 - Lacid Common Language Bible

⁹ Hau: gyidab ri bain phyo' oung: pyam thang: ri David hougmoo: nyid wigi hau: ziri «David voomoo"» ga: myheing ago". Nyang: gi hau: voomoo" lheing khab' yo' bouggung da" bidthu shoid damung" goin" moo voomoo" de: shid" lo" nyid bye: zi nghoid.

2 SAMUELA 5:9 ပူးပေါင်းရင်းမြစ်များ

2 SAMUELA 5:7

(Nghoid loug we' David gi nyangnu" da" Ziun gyidab ri zain: oung: pyam wigi hau: ziri David da" voomoo" ga: myheing too" bye:.

2 SAMUELA 5:8

Hau: nyid" ri David gi nya: byu yiri «Ngoo Yebusi byumyu" yiri ngheing" yhi' gootu: byu yi nyid shi" ago" lha". Nyangnu" ri said pyam wa zi moin: yi" nyid anghoid goo" lha". Hougsu" nghoid yoomo gyid khyoo" khyo" wigi do, lo" lho: hau: sho" jhen: da" myo, jid, khyid: gyoug: bang: ri yhe: khaid zain: ge'» ga: tid da:. (Hougsu" nghoid yoomo hau: ziri myo, jid bang: yo' khyid: gyoug: bang: Aseing da" yhoem: khyoo: ayo" vang» ga: tid boem ago".

2 SAMUELA 6:10

Hougsu" nghoid yoomo nyang: gi hau: ziri nyang: yo' dage" Yerusalem khyoo: aci: yhi: looza: gootu: khyoo: khyo" wigi Gad voomoo" moo jo, da" Obed Edom da" yhoem: khyoo: ci: vang loo" bye:.

1 KHOKHAM 11:27

He: zigi gyivoo thu lo da" mhoomyid: shen" dam nghoid. Sholumon gi Yerusalem bidthu shoid moo myidzhoo" du: pyeing nyid ziyo' voomoo" vangkhyam joem ri so' koid nyid da:.

1 KHOKHAM 2:10

David shid: bye: yoomo David da" voogung moo: myhoeb too" bye:.

1 KHOKHAM 9:15

Khokham Sholumon gi Noku Yhoem: Moo" koid moo" zoo" khokham kho" koid moo" zoo" voomoo" bidthu shoid moo myidzhoo" du: pyeing moo" zoo" yo' voomoo" vang khyam: kyam' moo" zoo" moo vhookung: yoem: yo' koid loo bye:. Nyang: gi Hazora- Megido- yo' Gezera voogung joem ri we' doem so' koid bye:.

1 KHOKHAM 9:24

Sholumon gi nya: yhoem: seing: myhi' nghoid da" Egutu khokham myiyi: zoo: ri David voomoo" mo zi nya: shid re" koid too" byid: bye: da" khokham kho" khyoo: thoid lo" thang: ri voomoo" bidthu shoid moo myidzhoo" du: boem" bye:.

2 KHOKHAM 12:20

Khokham Yosha da" gyizoug: yigi nyang: ri thougtheung gyi koid boem ago". Houg bang: moo Shimead da" yuggi zoo: Yozakha yo' Shome da" yuggi zoo: Yehozabad eig yug gi Yerusalem bidthu shoid Sila khyoo: gyoo" yhe: da" khyoo: yam myidzhoo" khyi' joem byeung" jo, da" myidjang moo koid to" da" yhoem: moo nyang: ri said pyam ago". Yosha ri David da" voomoo" khokham loeb yoo moo myhoeb pyam ago". Nya: yuggi zoo: Amazia gi nya: khoo: moo: khokham xo' koid da:.

1 KHOKHAM MHOOMYID: 11:8

Nyang: gi voomoo" ri doem zhug da:. Boug gung da" bidthu shoid moo: myidzhoo" ri pyeing wigi koid shid" da:. Yoab gi voomoo" da" deing jo, du ri koid da:.

2 KHOKHAM MHOOMYID: 32:5

Khokham phoo gi vang ri doem nyheing- hau: dang moo pyuzung koid- tung: gung shoid moo vang ri zhug wigi voomoo" ri yoem: boo nhang: da:. Hau: tho' agoo"- Yerusalem axoug" da" bidthu shoid mo myidzhoo" boem" to" da" joyoo moo zhug to" da" gyi zung" jang: joem ri doem nyheing koid da:. Nyang: gi lham: yo' goo joem myoo: sho' ri we' koid da:.

NEHEMIA 3:15

Kohoze da" yuggi zoo: Shalum ga: da" Mizpa mung" du ri vhoebkhang" su: gi gyid thu khoem" moo" ri doem xo' zhug da:. Nyang: gi khoem" moo" duang dangain" ri bo zhug wigi khoem" moo" joem ri nyang: nya: joyoo moo tab to" lho: khoem" kyang yo' seig khyung" joem ri tab to" da:. Nyang: gi Shela gyid thoem" mo David da" voomoo" mo gyo" lo da" zoem" lhang: ju" sho' khokham khyam: yo' tab jo, da" gu: ri doem zhug da:.

COUNG" NGHEI 122:3

Yerusalem voomoo" gi asoo: bo lho: young" du, tung" zhoug to" da" voomoo" nghoid.

ESAIA 29:1

Mangso da" phoin: nghoid da" Yerusalem gi joem: abye:. David da" dab voomoo" gi joem: abye:. Zooshug pui" yo' pui" joem koid wigi dazain thang: dazain lid: loo" nhang: we'.

TARHA" AGYI 9:20

Nghoid loug we' hougsu" anghoid rigi Abimeleg mo myiyham: thu re" lho: Shekhem yo' Bethmilo bang: ri nge" pyam baja". Shekhem yo' Bethmilo bang: mo myiyham: thu re" lho: Abimeleg ri nge" pyam baja"» ga: tid da:.

TARHA" AGYI 9:6

Hau: thang: Shekhem voobyu yi dangain" yo' Bethmilo moo nyid bang: dangain" gi zeing: foem: lho: Shekhem mo gyeing" lho' Shookhi" gam khyoo: yhe: wigi houg: moo: nyangnu" gi Abimeleg ri khokham koid nhang: ago".