2 SAMUELA 5:3 - Lacid Common Language Bible

³ Hougsu" nghoid yoomo Israela vhujhung: yi dangain" zi Hebron voomoo" khyoo: khokham David jhang yhe: boem ago". Nyang: gi nyangnu" yo' deungbyeung" da" dang: theing to" wigi nyangnu" we' nyang: ri xu: joid byid: lho: nyang: we' Israela byumyu" yi da" khokham bue" loo bye: zi nghoid.

2 SAMUELA 5:3 ပူးပေါင်းရင်းမြစ်များ

2 SAMUELA 2:4

Hau: thang: Yuda byumyu" yi Hebron khyoo: re" wigi David ri nammain" xu: joid byid: lho: Yuda khokham aya: too' byid: ago". Gilead mung" mo Yabesha byu yi Sholu ri myhoeb pyam bye: ga: ziri David shoug" gyoo: lang"

2 SAMUELA 2:7

Yoem: kaid wigi seing" yang" nyid boem ge'. Nanu" khokham Sholu shid: bye: yoomo Yuda byumyu" yigi ngoo ri xu: joid byid: wigi nyangnu" khokham koid nhang: bye: zi nghoid» ga: pyeung: kaid.

2 SAMUELA 3:21

Abna gi David ri «Ngoo akhid" yhe: wigi Israela byumyu" dangain" ziri aseing: khokham shidkhoin" khyoo: shu" vang loo wa zi nghoid. Nyangnu" gi nang ri khokham yhang: ti" khab yu wigi hau: thang: ri nang vho: ziri yo" yu lho: hau: mungdain: dangain" ziri yo' vhoebkhang" wa zi nghoid» ga: tid. David gi Abna ri goug: wa shid re" kookham: byid: kaid wigi yhi: nhang: kaid bye:.

1 KHOKHAM 1:34

Houg moo: Zadog yo' Nathan gi nyang: ri Israela byumyu" yi da" khokham bue" loo wa shid re" mainkaid xu: foid gyoin: byid: wa zi nghoid. Hau: thang: laboo" moid kaid wigi «Khokham Sholumon kangso' sheing: baja" o"» ein: nyho: tid boem wa zi nghoid.

2 KHOKHAM 11:17

Khainjung Yehoiada gi khokham Yosha yo' mung" byu yiri nyangnu" Aseing da" byumyu" yo" bue" wa shid re" Aseing yo' dang: theing koid to" da:. Nyang: gi mung" byu yi yo' khokham agyoo: moo we' dang: theing to" da:.

1 KHOKHAM MHOOMYID: 11:1

Israela byumyu" yi dangain" gi Hebron mo David jhang yhe: wigi tid boem zigi «Ngoonu" gi re" shoo" re" suid" nghoid.

1 KHOKHAM MHOOMYID: 11:3

Houg: yoomo Israela vhujhung: yi dangain" gi Hebron mo khokham David jhang re" lo ago". Nyang: gi nyangnu" yo' gyeung" shang: myid veing" bidnoem koid da:. Nyangnu" gi nyang: ri xu: joid byid: wigi Samuela khyo" wigi Aseing dangsoo" byid: to" ziyo' dayhang: ti" David gi Israela khokham bue" lo da:.

1 KHOKHAM MHOOMYID: 28:4

Israela da" Aseing Mangsoo gi Israela byumyu" yiri apyaid atoo: vhoeb wa shid re" ngoo ri we' nga" amyed ashen yiri we' khyen: yu bye:. Nyang: gi vhujhung: koid nhang: wa shid re" Yuda byumyu" kung: ri khyen: yu lho: Yuda byumyu" mo nga" phoo yhoemkhung: ri nyang: khyen: yu da:. Hau: yhoemkhung: byu dangain" mo ngoo ri khyen: yu wa vho: lho: Israela dangain" ri vhoeb da" khokham ngoo ri koid nhang: da:.

2 KHOKHAM MHOOMYID: 23:16

Khainjung Yehoiada gi khokham Yosha yo' byumyu" yi ri Aseing da" byumyu" yi bui" wa shid re" nyang: yo' dage" dang: theing koid nhang: da:.

NEHEMIA 9:38

Bue" lo khyoo: dangain" gang mo Israela byu yi ngoonu" gi hid moo: geing: teing da" myid veing" aso" lhid" wigi ngoonu" da" vhujhung: yi ngoonu" da" Levi byu yi yo' ngoonu" da" khainjung yigi hau: dang moo nyangnu" dazid ri thung" to" ago".

THU' LO" MOUGSOUG" 3:16

Yhe: wigi Israela byumyu" vhujhung: yiri dage" khe: zheing" lho: nanu" phoug" phyid" da" Mangsoo- Abraham- Isag- Yaku da" Mangsoo Ngoo Aseing gi nanu" jang" moo thu shug bye: ein: nyangnu" ri tid we'. Ngoo nyangnu" jhang ri" lho: nyangnu" ri Egutu byumyu" yi khasu" koid bye: ziri shau" myang bye: ein: tid kyoo" we'.

YOSHU 10:36

Hau: thang: Yoshu yo' nya: gyidab gi Eglon mo zi boem moug: Hebron khyoo: do, yhe: lho: meing: yhe: zain: wigi

TARHA" AGYI 11:11

Houg: yoomo Yebtha gi Gilead mo vhujhung: yi yo' dage" cang yhe: lho: byumyu" yigi nyang: ri nyangnu" da" vhoebkhang" su: yo' vhujhung: khyo" koid nhang: ago". Yebtha gi Aseing shidkhoin" Mizpa joyoo moo nya: khyoo: ri tid pyo: kaid da:.

1 SAMUELA 11:15

Hougsu" nghoid yoomo nyangnu" dangain" bang: gi Gilgala khyoo: yhe: wigi Sholu gi khokham nghoid bye:- ein: ziri hau: deing byeung" da" joyoo moo tid fu" boem bye:. Nyangnu" we' zoem" khau: da" xoin" ri ngei" byid: boem wigi Sholu yo' Israela byumyu" yi dangain" pui" koid nyid boem bye:.

1 SAMUELA 16:13

Samuela gi zhainloin: xu: ri yu wigi nya: mang: bang: shidkhoin" moo David ri mainkaid xu: foid shoin" byid: bye:. Dalheing dam Aseing da" Venyi: gi David ri vhoeb khang" wigi hau: nyid" mo nyang: yo' dage" nghoid nyid. Hau: thang: ri Samuela gi Rama khyoo: doem loo" khari" bye:.

1 SAMUELA 23:18

Nya: eig tang: gi dayug yo' dayug byencang" bue" nyid wa shid re" deingbyeing" da" dangsoo" to" too" bye: da:. David gi Horesha moo nyid kho' lho: Yonathan gi yhoem: khyoo: loo" khare" bye: da:.