2 SAMUELA 5:2 - Lacid Common Language Bible

² Lid loo" bye: da" ayo, Sholu ngoonu" da" khokham bue" nyid uri nghoid loug we' meing: zain: jang: moo Israela byumyu" yiri nang shu" vhu" shi: bye: zi nghoid ziyo' nang we' Aseing byumyu" yiri vhu" she: wigi nyangnu" ri vhoebkhang" wa shid re" Aseing nang ri dang: soo" byid: bye: zi nghoid» ga: tid ago".

2 SAMUELA 5:2 ပူးပေါင်းရင်းမြစ်များ

APOEM AYANG: 49:24

Nghoid loug nya: lid: gi sam: sam: deing jo, kho' wigi nya: gyi zi joem gi Yaku da" myhang: thang Mangsoo yoem: so' yo' we' Israela ri goem loem nyid su: da" yang zung" su: khyo" we' yoem: boo nhang: wa.

2 SAMUELA 6:21

David gi «Re" phoo yo' nya: ikoin deungkhu: byu yi da" gungthid Israela byumyu" yi da" vhujhung: ngoo ri koid nhang: wa ga: ngoo ri khyen: yu da" Aseing ri coung" ngei" wa shid re" ngoo go" nyid zi nghoid. Hau: Aseing ri coung" ngei wa shid re" ngoo xo' wigi goo" wa zi nghoid.

2 SAMUELA 7:7

Israela byumyu" yi yo' ngoo gyung: so" yen" da" joyoo khang" moo" moo nga" shid re" shamu seig yo' koid da" Noku Yhoem: Moo" ri nyangnu" ciwim akoid bye: go" lha" ein: khyo" Israela byumyu" vhujhung: yi hang" ri we' ngoo moo" foin: wigi khanham we' amyid: yu"» ga: tid da:.

2 SAMUELA 7:8

«Hougsu" nghoid yoomo Myhang: thang da" ngoo Aseing nyang: ri tid da" dang: nga" dei zoo: David ri tid we'. Khyam: cang nang yang zung" nyid jang" mo ngoo nang ri khe: yu wigi Israela byumyu" yiri vhoebkhang" wa da" zoug: aya: nang ri byid: too" bye:.

2 KHOKHAM 20:5

Aseing da" byumyu" yiri vhoeb yug- Hezekia jhang doem tau" yhe: lho: nyang: ri «Re" phoug" phyid" David da" Aseing: Mangsoo ngoo gi re" akyu" mho' dang: ri gyo: lho: re" ngoug byid ri myang byid: bye:. Ngoo nang ri gi byid: wa- soem" nyid" lang" nang Noku Yhoem: Moo" khyoo: yo" yhe: wa.

1 KHOKHAM MHOOMYID: 11:2

Lai lo da" ayo,- Sholu gi ngoonu" da" khokham koid nyid uri lang" nang gi Israela byu yiri gyi khaid pui" shu" vhu" she: loo bye:. Nya: byumyu" yiri nang shu" vhu" she: wigi nyangnu" ri vhoebkhang" su: bue" loo wa ga: re" Aseing Mangsoo gi nang ri dangsoo" byid: too" bye:» ga: tid ago".

2 KHOKHAM MHOOMYID: 1:10

Houg: yoomo nyangnu" ri vhoebkhang" wa jang" moo ca" da" phajhi" juyhi: yo' lasi phajhi" ngoo ri byid: la. Hougsu" anghoid lang" hid: yhi' myo: lug da" re" byumyu" yiri khasu" yo' vhoeb wa la"» ga: mho' da:.

ESAIA 40:11

Nyang: gi yang zoem: su: yhang: ti" nya: yang kyung ri goin coung: byid: wa. nyang: gi yang nu" joem ri zheing" yu lho: nya: lo, moo hau: joem ri vu, ci: wa. Nyang: gi houg bang: nya: myhi' joem ri nu" nham za: shu" loo wa.

ESAIA 55:4

Ngoo gi nyang: ri vhujhung: yo' byumyu" yi da" gyizoug: bui" nhang: bye:. Nyang: khyo" wigi nga" yoem: so' ri nyangnu" ri ngoo toin" shid bye:.

EZEKIEL 34:23

Nyangnu" da" dayug kyeing" da" yang zung" su: bui" wa shid re" nga" dei zoo: David yo' du da" khokham dayug ngoo nyangnu" ri byid: wa. Houg: lho: nyang: gi nyangnu" ri yu" goin coung: loo wa.

MIKHA 5:4

Nyang: ju" ri" lang" nyang: gi Aseing jang" mo yo" yu da" yoem: vhoo" yo' Aseing Mangsoo nyang: nya: da" yoem: so' moo" yo' nya: byumyu" yiri vhoebkhang" loo wa zi nghoid. Moug: gyab goin" mo byumyu" dangain" bang: gi nya: gyi myang: khyoo: ri boin loo wa yoomo nya: byumyu" yi gau: nyu: za: shoug" nyid wa nghoid wigi

GYUNG: SOO" 27:17

re" shava byu phung: yi yang zung" yug abo da" yang joem yo' dakhyo" abui" goo" baja" gyi khaid jang: moo amyeing" yo" byid: da" byu dayug khyen: too" byid: la'» ga akyu" mho'.

MATHE 2:6

‹Yuda mung" mo nang Bedlehem we"- Yuda voogung yi tho' moo Nang je nge nyid zi anghoid. Nga" da" amyu" Israela ri shu" vhu" khu: wa da" zoug: gi nang mo thu' loo wa ga: wigi nyang: ri tid kyo" boem.›»

YOHAN 10:11

Ngoo gi ge da" yang zung" su: nghoid. ge da" yang zung" su: gi yang joem shid' re" nya: kangso' dain, pyam nyid.

HEBRE 2:10

Nya: zoo: yi myoo" sho' we' myonhoo: phung" yoeb, ri shau" kham: yu wa shid re" Jo, moo jo, ri phain" to" lho: yu goin yu" coung: zung" loug nyid da" Mangsoo gi Yesu Khristu ri kyi" khyeug jamjau shau" nhang: khyo" wigi joeb, byeung" su: bue" loo nhang: da" khyoo: gi yu" du, jo eung: da" khyoo: nghoid. Khasu" wim gari Yesu gi nyangnu" ri khyoid yu da" khyoo: khyoo"- shu" yhe: loo" su: nghoid nyid.

1 SAMUELA 13:14

Nghoid loug we' akhid" gi nang yo" vhoeb khang" loo: wa zi anghoid. Nang nya: da" dang: ri atam" gyoo: yoomo Aseing gi nyang: yu" vho: da" byu ri sho: wigi nya: byumyu" yiri vhoebkhang" nhang: wa zi nghoid» ga: tid bye:.

1 SAMUELA 16:1

Aseing gi Samuela ri «Sholu shid re" nang khamyhang ju" sho' nang nheig kug nyid shi" wa la". Nyang: ri ngoo Israela khokham aya: mo khyo' pyam bye: zi nghoid. Nghoid loug we' zhainloin: xu: dajhi' ri ci: wigi Yese ga: su: nyid da" Bedlehem voogung khyoo: yhe: yu" we' ciwim gari nya: yuggi zoo: yi mo dayug ri khokham koid wa shid re" ngoo khyen: too" bye: zi nghoid» ga: tid bye:.

1 SAMUELA 18:13

Hougsu" nghoid yoomo Sholu gi nyang: ri byu dakhyeing" ri vhoeb nhang: wigi nyang: ri vi: khyoo: nhang: kaid bye:. David gi nya: byu yiri vhu" she: lho: meing: zain: jhang" khyoo: yhi: loug we'

1 SAMUELA 18:16

Nghoid loug we' David gi oung: doid da" vhujhung: nghoid nyid yoomo Israela yo' Yuda byumyu" khang" moo" nyang: ri jheddab nyid boem.

1 SAMUELA 18:5

David gi Sholu wigi nyang: ri nhang: da" moo" zoo" dangain" oungdoid yoomo Sholu gi nyang: ri nya: gyidab mo gyizoug: koid nhang: to" da:. Hougsu" yoomo Sholu da" moo" voin bang: yo' byu yi dangain" gi yu" gau nyid boem.

1 SAMUELA 25:28

Aseing we" jeju" mo ngoo koid shoid da" yooboo joem ri khyoid pyam byid: la o". Nang koem gi nang dei nyid da" ayo, ri age da" moo" zoo" ciwe' akoid ziyo' nya: da" meing: zain: pui" ri zain: byid: nyid yoomo Aseing gi nang ri we' re" akung: ako'' yiri we' khokham bui" nhang: wa zi nghoid.

1 SAMUELA 25:30

Hau: Aseing gi nang ri dang: soo" khoin" byid: too" bye: ziyo' dayhang: ti" ge da" moo" zoo" dangain" zi bain koid lang" nang ri Israela khokham bui" nhang: wa zi nghoid yoomo

1 SAMUELA 9:16

«Nab yo nyid" he: da" ayo, koo: ri Benyamin akung: mo byu dayug ri re" jhang khyoo: ngoo nhang: kaid wa zi nghoid. Nyang: gi nga" Israela byumyu" yiri vhoebkhang" wa shid re" nyang: ri Main kaid xu: foid gyoin byid: ca" wa zi nghoid. Houg: yoomo nyang: gi nyangnu" ri Philisti byu yi lo, mo khyoid yu wa su: nghoid. Nga" byumyu" yi kham zo: nyid da" yau: khe" khyoo: ri ngoo myang bye: ziyo' bo pang" wa shid re" nyangnu" yoid ngau nyid ziri ngoo shoug" gyoo: bye:» ga: tid.