2 SAMUELA 4:9 - Lacid Common Language Bible

⁹ David gi nya: tang: ri «Yau: khi" dangain" jang" mo ngoo ri khyoid yu da" hau: dei nyid da" Aseing moo ngoo dang: theing to" zi nghoid.

2 SAMUELA 4:9 ပူးပေါင်းရင်းမြစ်များ

APOEM AYANG: 48:16

«Ngoo ri dam dab zu: azang" sho' khyoid khyu: lo da" moug: lagyoo: gi nyangnu" ri mainkaid byid: baja". Nga" myeing khyang" yo' nga" phoug" phyid" Abraham yo' Isag da" myeing khyang" gi he: zooshang: tang: khyo" xo' geing: jo, baja". Nyangnu" gi zooshang: myoo: sho' amyed ashen myoo: sho' yo" loo goo" baja"» ga: mainkaid byid:.

2 SAMUELA 4:2

Ishboshed jhang Berod mo Benyamin akung:- Rimon da" nya: zoo: tang: Bana yo' Rakhab ga: da" meing: khaid gyiphung: mo zoug: eig yug nyid da:. (Berod gi Benyamin mung" moo bo nyid da:.

1 KHOKHAM 1:29

Hau: thang: nyang: gi Bathsheba ri «Nga" yau: khi" dangain" jang" mo ngoo ri khyoid yu da" kangso' Aseing jang" moo ngoo nang ri dangsoo" byid: to" ziyo' dayhang: ti"

COUNG" NGHEI 103:4

Nyang: gi ngoo ri loeb duang: khoug: mo khyoid yu bye:- nya: da" jheddab nheig khyeug emyed yo' ngoo ri mainkaid byid: bye:.

COUNG" NGHEI 106:10

Nyang: gi nyangnu" ri ngheing" bang: da" lo, mo khyoid yu bye:. Nyangnu" da" gyivoo joem lo, khoug: mo nyangnu" ri khyoid yu bye:.

COUNG" NGHEI 107:2

Nyang yoomo khyoid yu khyoo: shoug" bye: bang: dangain" mo, gi Aseing ri jeju" boin: coung" nghei jang" moo he: dang: ri xo loo: xo' datid nyid we'. Nyang: gi nanu" ri nanu" da" gyivoo joem lo, mo khyoid yu bye: zi nghoid.

COUNG" NGHEI 34:17

Deing: byeung" mo, Aseing ri yoid, lang" nyang: gi tam" gyoo: byid: nyid. Nyang: gi nyangnu" da" kyi" khyeug khyoo: dangain" jang" mo nyangnu" ri khyoid yu bye:.

COUNG" NGHEI 34:22

Aseing gi nya: byumyu" yiri khyoid yu loo wa nghoid. Coung: goem yu wa shid re" nya: jang" moo: tain" yhi: mo, dangain" gi loid byoin lo" zi shau" boem wa nghoid.

COUNG" NGHEI 69:18

Ngoo ri: khyoid yu wa shid mo tain" ri" we'. Nga" gyivoo joem da" lo, mo ngoo ri khyoid khyi: yu we'.

COUNG" NGHEI 71:23

Re" shid mo teing baid uri ngoo gau yi nyho: nyid wa. Nang gi ngoo ri khyoid yu bye: yoomo nga" nheigloem: ung: khoug: gung du dangain" yo' ngoo jikhoin" khoin" nyid wa nghoid.

1 SAMUELA 26:24

Akhanyid" Ngoo re" kangso' ri Lhoid pyoin' kaid yhang: ti" Aseing we' yau: khi" dangain" jang" mo houg yhang: ti" ngoo ri: lhoid kaid wa zi nghoid.»