2 SAMUELA 4:4 - Lacid Common Language Bible

⁴ Sholu yo' Yonathan: said pyam zi shoug" uri Sholu da" gootu: akung: mo Yonathan nya: zoo: Mephiboshed gi wim zain nghoid bye:. Yezrela voomoo" moo nya: tang: shid: bye: ga: da" lu dang: ju" loo lang" zooshu" su: gi zooshang: ri koid: vu, wigi phang: loo" bye:. Nghoid loug we' nyang: sung hain: yoomo zooshang: ri vu, phyid khyo' lho: khyid: gyau: lo" byug da:.

2 SAMUELA 4:4 ပူးပေါင်းရင်းမြစ်များ

2 SAMUELA 21:7

Nghoid loug we' nyang: yo' Yonathan koid to" da geing: teing dangsoo" yoomo David gi Sholu da" nya: myid: Yonathan da" nya: zoo: Mephiboshed ri loid nhang: to" da:.

2 SAMUELA 9:13

Hougsu" yoomo Yerusalem mo khyid: eig shoid goin" gyau: da" Mephiboshed gi khokham zoo: shug zoobui" moo nya: zooshug ri zo: nyid da:.

2 SAMUELA 9:3

Khokham gi nyang: gi «Ngoo koid wa ein: Mangso shidkhoin" moo dangsoo" byid: to" ziyo' dayhang: ti" deingmain" ziyo' nheig khyeug shoomyen: khyoo: Sholu ikoin deungkhu: byu yiri ci: shug wa shid re" nyangnu" dayug yug nyid boem shi" ago" lha"» ga: myid: da:. Ziba gi «Yonathan zooshang: yi mo dayug nyid ashi"- nyang: gi khyid: gyau: nyid da» ga: tid.

2 SAMUELA 9:6

Yonathan da" nya: zoo: Sholu da" nya: myid: Mephiboshed ju" lang" David shidkhoin" moo phau" myang: ziyo' goeb pid bye: zi nghoid. David gi «Mephiboshed» ga: yoid lang" nyang: we' «Aseing: we" re" dei zoo: hid: moo nyid» ga: doem phug tid bye:.

1 KHOKHAM 11:17

Egutu khyoo: phang: yhi: mo, nghoid da" Hadada yo' nya: phoo dei zoo: yi Edom byu dayham" za: dadeing da:. (Hau: ayo, ri Hadada gi zooshang: zoo: danghoid shi").

1 KHOKHAM MHOOMYID: 8:34

Yonathan gi Meribala da" nya: phoo- Meribala gi Mikha da" nya: phoo nghoid da:.

1 KHOKHAM MHOOMYID: 9:40

Yonathan gi Meribala da" nya: phoo nghoid. Meribala gi Mikha nya: phoo nghoid da:.

1 SAMUELA 29:1

Israela byumyu" yi Yezrela langkhung" gyid gyung: zoo: ayam moo dab koid lho: nyid boem ri Philisti byumyu" yi we' nyangnu" gyiphung: ri Aphed joyoo moo zeing: foem: nyid nhang: da:.

1 SAMUELA 29:11

Houg: yoomo David yo' nya: byu yigi thang: nab kyoo' no' mo to' lho: Philisti mung" khyoo: tau" yhe: loo" bye: ziyo' Philisti byumyu" yigi Yezrela joyoo khyoo: doem so" yhe: lo" boem bye:.