2 SAMUELA 4:12 - Lacid Common Language Bible

¹² David gi amyeing" byid: kaid wigi nya: gyizoo: joem gi Rekhab' yo' Bana ri said pyam lho: nya: tang: lo, yo' khyid: ri phyed yu wigi Hebron gyid thoem" yam moo yhe: tei" lang" to" da:. Nyangnu" gi Ishboshed da" vhuloem ri koid: yu wigi Hebron mo Abna da" loeb moo yhe: myhoeb too" bye: zi nghoid.

2 SAMUELA 4:12 ပူးပေါင်းရင်းမြစ်များ

2 SAMUELA 1:15

Hau: thang: ri David gi nya: byu dayug ri khe: yu wigi «Nyang: ri said pyam we'» ga: tid. Hau: yuggi zoo: gi Amaleg byu ri said pyam da:.

2 SAMUELA 16:8

Nang gi Sholu da" mungdain: ri yu pyam su: nghoid ziyo' nang gi Sholu ikoin deungkhu: byu yiri gye" said pyam bye: yoomo akhid" Aseing dam byid: zi nghoid. Nyang: gi byu said ziyo' byo, yhoin su: nghoid yoomo aseing: gi mungdain: ri re" zoo: Absalom jhang byid: bye:» ga: tid.

2 SAMUELA 2:8

Sholu da" gyizoo: yi mo - Nera da" nya: zoo: gyizoug: Abna gi Sholu da" nya: zoo: Ishboshed yo' dage" Yodan gyid lang ri gu: wigi Mahanaim voomoo" khyoo: phang: yhe: lo" ago".

2 SAMUELA 21:9

David gi nyangnu" ri Gibeon byumyu" yiri ab byid: wigi nyangnu" we' boem gung mo Aseing shidkhoin" moo tei" lhang" too" bye:. Nyangnu" nyhed yug goin" zi dalheing: dam shid: byug boem abye:. Nyangnu" shid: shau" da" ayo, gi Yoono, yham" shid" lo" da" xung" bain lo" nyid ayo, ri nghoid.

2 SAMUELA 3:32

Abna ri Hebron moo myhoeb ziyo' khokham gi loeb moo nyho: ngau nyid wigi byumyu" yi dangain" we' nyho: ngoug bye: zi nghoid.

COUNG" NGHEI 55:23

Nghoid loug we' Mangsoo we"- nang gi byu said mo, yo mhau, fain" da" byu yi rigi nyangnu" da" pyaid agung lang" ayo" kho' shi" ri nyangnu" da" loeb duang: khuang" khyoo: khyo' pyam wa zi nghoid. Ngoo koem gi nang ri loem khau nyid wa zi nghoid.

MATHE 7:2

Khasu" wim gari Nangnu" nyang: yooboo byid: khyo" cang wigi nanu" ri we' yooboo byid: dang: kho' zi shau" goo" wa. Nanu" nyang: leig byid: kaid da" tang mo nanu" nyang: ri doem leig byid: wa.