2 SAMUELA 3:9 - Lacid Common Language Bible

^9-10 Aseing gi Sholu yo' nya: akung: ako' yi jang" mo mungdain: ri yu wigi David ri Israela mung" yo' Yuda mung" dashoid athang: mo gootu: dashoid athang: ju" sho' da" eig mung" goin" shid re" khokham koid nhang: wa zi nghoid ga: dangsoo" khoin" byid: to" da:. Akhid" ngoo he: ziri bui" sho' ayo" koid nghoid rigi Mangsoo ngoo ri shid: sho' baid said wa zi nghoid» ga: phuid: kyo" shug da:.

2 SAMUELA 3:9 ပူးပေါင်းရင်းမြစ်များ

2 SAMUELA 19:13

David gi Amasa ri we' yhe: tid kyoo" wa shid re" nya: tang: ri tid kaid zigi «Nang gi nga" bidnoem seing" cang" nghoid. Akhid" mo wigi ngoo nang ri Yoab da" joyoo moo gyi: phung: ri vhoeb khang" wa shid re" aya: byid: too" bye:. Ngoo hougsu" akoid nghoid rigi Mangsoo ngoo ri shid: sho' said wa zi nghoid.»

2 SAMUELA 19:14

David da" mungdang: gi Yuda byumyu" dangain" mo, da" dang: zung" khyoo: ri yo" yu bye: yoomo nyangnu" gi khokham phoo yo' nya: moo" voin bang: dangain" mo, doem tau" loo wa shid re" khokham phoo jhang khyoo: lu dang: foin: kaid bye:.

2 SAMUELA 3:35

Byu joem gi David ri daja: ja: zoo: wa shid re" danyid" goin" soin' nghoid loug we' nyang: gi «Ngoo gi he: nyid" alid shi" ri daja: ja: zo: nghoid rigi Mangsoo ngoo ri baid said pyam baja" o"» ga: dangsoo" byid: to".

1 KHOKHAM 19:2

Yezebela gi Elia jang" khyoo: mungdang: foin: kaid zigi «Nang lapi: yiri koid bye: yhang: ti" ngoo we' nang ri nab kyoo' he: yo, ri ayo" koid nghoid rigi yu phara" joem wigi ngoo ri shid: sho' baid baja"» ga: foin: kaid bye:.

1 KHOKHAM 2:23

Hau: thang: Sholumon gi Aseing myeing khyang" ri dang: theing theing to" wigi «Hid: yhang: ti" dang: myid: shid re" Adoniya da" kangso' ri ngoo axab pyam nghoid rigi Mangsoo ngoo ri shid: sho' baid said baja".

1 KHOKHAM MHOOMYID: 12:23

David Hebron moo: nyid uri Aseing dangsoo" byid: to" ziyo' dayhang: ti" Sholu khoo: moo: nyang: ri khokham xo' koid nhang: wa shid re" jhau" to" da" gyizoo: yi myoo: sho' nya: gyidab khyoo: re" vang boem ago". Houg: bang: gi Yuda kung: mo goo yo' lham:- gyi khin void da" gyizoo: 6800 yug- Simun kung: mo nyeing" jhau" to" da" gyizoo: 7100 yug- Levi kung: mo 4,600 yug- Arun da" amyed ashen Yehoiada da" thang: cang bang: 3700 yug- Zadog da" bidnoem yi nghoid da" zoolu: gyi zain: vhujhung: 22 yug- Benyamin (Sholu da" kung: bang:) mo 3000 yug (Benyamin kung: mo byu myoo: loo boug gi Sholu ri jhug zug nyid ago".) Ephrim byumyu" kung: nghoid da" nyangnu" akung: ako' mo myeing gyi: da" gyizoo: 20800 yug- Bidvang shoid Manashe akung: mo David ri khokham koid nhang: wa khyen: nhang: kaid shau" bang: 18000 yug- Ishakha akung: mo vhujhung: 200 yug yo' dage" nyangnu" vhoebkhang" vhoo: moo: nyid bang: (He: vhujhung: yigi Israela byumyu" yi cikoid eung: ziyo' hau: ziri koid wa ge' thang da" ayo, ri si bang: nghoid ago".) Zebulun akung: mo gyi jonu" ja: khang" moo" ci: wa jhau" to" da" bang:- jhug zug ziyo' gyi zain: wa jhen" jhen" loem ge" da" gyizoo: 50000 yug- Naphtali akung: mo vhujhung: 1000 yug yo' dage" goo yo' lham: joem ci: da" gyizoo: 37000 yug- Dan kung: mo jhau" to" da" gyizoo: 28600 yug- Ashe kung: mo gyipui" shid re" jen" jen" nghoid da" gyizoo: 40000 yug- Yodan gyung: bidthu shoid mo byumyu" kung: yi nghoid da" Ruben- Gad- Bidthu shoid mo Manashe kung bang: mo gyi jonu" ja: khang" moo" dangain" se' ci: wa shid re" jhau" to" da" gyizoo: 120000 yug nghoid ago".

RUTHA 1:17

Nang shid: joyoo moo ngoo shid: wigi houg: moo nyang: myhoeb shoung: pyam zi kham wa. Shid: yoomo za: anghoid rigi nang yo' ngoo gang: goo" lang" gi Aseing jang" mo xo: thang da" shen" yhen khyoo: ngoo moo ju" baja"» ga: doem tid.

1 SAMUELA 14:44

Sholu gi nyang: ri «Nang akhid" nyang: ashid: nghoid rigi Mangsoo gi hau: tho' agoo" koid baja"» ga: tid.

1 SAMUELA 15:28

Samuela gi nyang: ri «Akhanyid" Aseing gi Israela mung" ri re" jang" mo lang: ceig yu wigi re" tho' je ge da" byu dayug ri byid: pyam bye: zi nghoid.

1 SAMUELA 25:22

Nab soin: aju" shi" da" ayo, ri he: byu joem mo lo" thang yug ri ngoo asaid loo: za: teing to" nghoid rigi Mangsoo wigi ngoo ri baid baja" o" ga: myid soin: yu" nyid da:.

1 SAMUELA 28:17

Aseing ngoo ri tid nhang: ziyo' dayhang: ti" nyang: koid bye: zi nghoid. Mungdain: ri re" jang" mo yu wigi David lo, moo nyang: ab byid: bye:.

1 SAMUELA 3:17

Eli gi «Aseing nang ri citid lha". Ce: noem ri we' azau" too". Nyang: tid dang: dangain" ziri nang ngoo ri atid kyoo" lang" Mangsoo gi nang ri gye" thain: da" dam byid: wa zi nghoid» ga: tid.