2 SAMUELA 3:3 - Lacid Common Language Bible

³ Kharmela voogung mo Nabala da" cougmoo" myhi' Abigela da" nya: zoo: Khilab- Geshura khokham Talamai da" nya: zoo: myiyi: nu" Makha da" nya: zoo: Absalom.

2 SAMUELA 3:3 ပူးပေါင်းရင်းမြစ်များ

2 SAMUELA 13:1

David da" nya: zoo: Absalom moo Tama ga: myheing wigi gung du: young" lho: yhoem: ayoo" shi" nya: nhung" myiyi: zoo: dayug nyid da:. Gootu: David da" nya: zoo: yi mo Amnon gi nyang: ri yu" vho: ngei nyid da:.

2 SAMUELA 14:23

Hau: thang: nyang: Geshura khyoo: yhe: lho: Absalom ri Yerusalem voogung khyoo: shu" loo bye:.

2 SAMUELA 14:24

Nghoid loug we' khokham phoo gi Absalom ri khokham vang" moo ayo" nyid ga: amyeing" byid: too" bye:. Khokham phoo gi «Ngoo nyang: ri anau yu"» ga: tid. Houg: yoomo Absalom we nya: yhoem: moo nyid wigi khokham pho shidkhoin" moo athu shug nghoid da:.

2 SAMUELA 14:32

Absalom gi «Ngoo nang ri re" khi: nhang: ri nang aloo yoomo nghoid. Ngoo nang ri khokham jhang yhe: nhang: lho: nya: jhang nga" shid re" hid: su" ein: yhe: tid we'. Ngoo Geshura voomoo" mo hid: khyoo: cikoid thu lo lha". Ngoo hau: voogung moo nyid zigi nga" shid re" je ge nyid da» ga: tid. Absalom gi xo' lho: «Ngoo khokham ri yo" myang wa shid re" nang ri koid nhang: nau ziyo' nga" jang yooboo bo nghoid ri nyang: ngoo ri said pyam baja"» ga: tid.

2 SAMUELA 15:7

Myid: zain myang" thang: ri Absalom gi khokham ri Aseing jhang ngoo to" da" dangsoo" khoin" ri yo" cang pyeing baja". Hebron voomoo" khyoo: ngoo ri yhi: nhang: we'.

2 SAMUELA 15:8

Suri mung" Geshuri voogung moo ngoo nyid ayo, ri Yerusalem voogung khyoo: doem shu" lo nghoid rigi Hebron voogung moo ngoo nang ri noku wa ein: Aseing ri dang: soo" byid: too" bye:» ga: tid.

2 SAMUELA 18:33

Khokham phoo gi nheig koug nheig nge zi shoug" nyid bye:. Nyang: gi vang khyam: khoem" mhang" mhoug: tho' khyoo: do, lo" wigi ngau nyid da:. Nyang: do, lo" lho: nga" zoo: we"- nga" zoo: Absalom we"- Absalom we"- nga" zoo we" nang shid: wa gungthid ngoo da shid: wa zi nga" zoo: Absalom we" nga" zoo: we"» ga: ngau nyid da:.

2 SAMUELA 2:2

Hougsu" nghoid yoomo David gi nya: yhoem: seing: myhi' nghoid da" Yezrela voogung mo Ahinoam yo' Kharmela voomoo" mo Nabala da" cougmoo" myhi' Abigela tang: ri shu" wigi Hebron voomoo" khyoo: yhe: lo" boem go".

1 KHOKHAM 2:15

Nyang: gi «Ngoo gi khokham bui" eung: nyid ziyo' Israela byumyu" yugkhang" moo" we' hau: ziri nheig byu nyid ziri nang si' bye: zi nghoid. Nghoid loug we' hau: moo" zoo" gi shai" lo" byug bye:. Aseing da" myid vho: khyo" nghoid yoomo nga" nhung" khokham bue" loo bye: zi nghoid.

1 KHOKHAM MHOOMYID: 3:1

Vhoo: mo bang: gi David Hebron moo: nyid da" uri khu: boem da" nya: yuggi zoo: yi nghoid wigi nyangnu" apyaid ri cang lho: lhid" to" zi nghoid. Houg: bang: gi Amnon- hau: yug nya: myhi' gi Yezrela mo Ahinoam nghoid da:. Daniela- hau: yug nya: myhi' gi Khamela mo Abigela nghoid da:. Absalom- hau: yug nya: myhi' gi Geshura khokham Talamai da" myiyi: zoo: Makha nghoid da:. Adoniya- hau: yug nya: myhi' gi Hagid nghoid da:. Shephatia- hau: yug nya: myhi' gi Abitala nghoid da:. Ithream- hau: yug nya: myhi' gi Egla nghoid da:.

TARHA" TID POIN" 3:14

Manashe byu kung: mo Yaira gi Geshura yo' Makhathi mougkyoo" ju" sho' nghoid da" Bashan- Argoba khung" goin" ri seing: yu da:. Nyang: gi hau: voogung joem ri nya: myeing ri cang lho: myeing myheing da:. Hau: voogung joem gi Yaira da" voogung joem khyo" myeing akhid" ju" sho' yo" jo, ashi".)

YOSHU 13:13

Nghoid loug we' Israela byumyu" yigi Gashuri yo' Makhathi byumyu" yiri akhaid thu pyam nghoid ago". Nyangnu" gi Israela mung" moo: nyid nyid boem ashi".

1 SAMUELA 25:42

Nyang: gi myab myab to' lho: nya: loo zei: moo zhung: bye:. Nya: dei zoo: dang cang: myiyi: yi wim: yug we' David da" dei zoo: yi yo' dage" cang lo" wigi nya: yhoem: seing: myhi lo" bue" nyid bye: zi nghoid.

1 SAMUELA 27:8

Hau: ayo, ri David yo' nya: byu yigi hau: joyoo moo shidphyang" mo nyid da" Geshuri- Girazi yo' Amaleg byu yiri meing: yhe: zain: boem ago". Nyang: gi nyangnu" mougmyid ri Egutu mung" khyoo: gyoo" yhe: da" Shura voogung ju" sho' khaid zain: lho: