2 SAMUELA 24:1 - Lacid Common Language Bible

¹ Aseing gi Israela byu yiri dalheing: doem nheig yo: wigi nyangnu" jhang khyoo: nyang: gi David khyo" ci: loo" nhang: bye:. Aseing nyang: ri «Israela yo' Yuda byumyu" yiri yhe: nghab yu" we'» ga: tid.

2 SAMUELA 24:1 ပူးပေါင်းရင်းမြစ်များ

APOEM AYANG: 45:5

Nanu" ngoo ri hid: khyoo: oung" zo: kaid da" gang mo amyen akhyoid awim goo"- nya: gung nyang: yooboo afoin: nyid goo". Hougsu" bue" lo zigi mung" byu yi da" kang: ri khyoid yu wa shid re" Mangsoo gi nanu" da" shid vhu" khyoo: nhang: kaid zi nyang: danghoid.

APOEM AYANG: 50:20

Nanu" gi ngoo ri age khyo" koid kaid nghoid loug bue" loo bye: da" moo" zoo" gang mo akhid" nyid" dei nyid bang:- mung" byu yi da" kangso' yo" khyoid yu wa shid re" Mangsoo gi houg: age ziri ge khyo" koid byid: bye:.

2 SAMUELA 12:11

Nang ri yau: khi" byid: wa shid re" ngoo gi nang seing: da" re" ikoin deungkhu: mo dayug yug ri bui" nhang: wa ein: ngoo nang ri jham' tang: bye: zi nghoid. Re" lo, mo re" yhoem: seing: myhi' yiri ngoo yu pyam byid: wigi gootu: byu dayug da" lo, moo ab byid: ziri we' nang shau" myang wa zi nghoid. Houg: lang" nyang: gi nyid" dang: gung tu: da" ayo, ri re" yhoem: seing: myhi' yi yo' myiyi: yuggi gung shoo" zoem" khau: shug wa zi nghoid.

2 SAMUELA 16:10

Khokham gi Abishai yo' nya: mang: Yoab ri «He: zigi re" tang: moo" anghoid- Aseing tid nhang: yoomo nyang: nheing" nyid zi nghoid rigi nyang: hougsu" koid nyid ziri hang" yhe: myid: wa akhang" yo" nyid la"» ga: myid:.

2 KHOKHAM 3:6

Dalheing: dam khokham Yoram gi Samari mo thu wigi nya: gyidab dangain" ri zheing" yu da:.

1 KHOKHAM MHOOMYID: 21:1

Satan gi Israela byu yi dang moo yau: khe" kyi" khyeug bui" nhang: nau wigi nyang: gi byu zhayhen" koid: yu wa David ri myid phyed nhang: da:.

1 KHOKHAM MHOOMYID: 7:2

Tola gi Uzi- Rephaia- Yeriela- Yamai- Ibsam yo' Shemuela ga: da" yuggi zoo: khyug" yug yo" da:. Nyangnu" gi Tola kung: mo yhoemkhung: yi da' vhujhung: yi nghoid wigi myeing gyi: da" gyizoo: yi nghoid ago". Khokham David da" apyaid moo: nyangnu" da" amyed ashen yigi 22,600 yug nghoid ago".

1 KHOKHAM MHOOMYID: 7:40

Hid: bang: dangain" gi Ashe da" amyed ashen yi nghoid da:. Nyangnu" gi yhoemkhung: joem da" vhujhung: yi nghoid. Myeing gyi: da" gyi khaid bang:- bugthu sheing" jhu" da" bang: nghoid. Ashe da" amyed ashen yigi gyi moo" voin wa shid re" tarha" vang byu 26,000 yug bo bo ago".

2 KHOKHAM MHOOMYID: 32:25

Nghoid loug we' Hezekia gi Aseing wigi nya: shid re" koid da" jeju" ri ci: shug wa shid re" sung nghoid boin: wigi Yuda yo' Yerusalem gi hau: shid re" yau: khi" kham zo: ago".

THU' LO" MOUGSOUG" 7:3

Nghoid loug we' ngoo gi khokham ri nheigloem: thain: nhang: wigi gyoug pho" moo" zoo" myoo: sho' ri Egutu mung" moo koid shug loug we' nyang: gi nanu" tid ziri tam" gyoo: wa zi anghoid. Hau: thang: Ngoo gi Egutu mung" ri gye" xo: da" yooboo dam byid: wigi nga" byumyu" yiri hau: mung" mo shu" thu loo wa.

EZEKIEL 14:9

«Lapi: dayug yug gi shoid da" dang: phuid: ri byid: wa shid re" mhau' fain" zi shoug" nghoid ri ngoo Aseing nyangnu" ri mhau' fain" pyam wigi nghoid. Ngoo gi nyangnu" ri Israela byumyu" yi mo yu pyam wa.

EZEKIEL 20:25

«Houg: lang" ngoo gi nyangnu" ri age da" tarha" joem yo' kangso' abyid: da" amyeing" dang: joem byid: bye:.

XOIN" NGEI" 10:6

Hau: thang: Moshe gi Arun yo' nya: yuggi zoo: tang: nghoid da: Eleaza yo' Ithama tang: ri «Nanu" kougshu: zi ci: shug khyo" wigi vhuloem akyo'- anghoid lang" byimi lang: ceig khyoo: ri akoid go". Nanu" hougsu" koid rigi nanu" shid: boem wa. Aseing gi byu phung: goin" ziri nheig yo: loo wa nghoid. Nghoid loug we' Aseing wigi nhang: kaid da" myi: wigi nge" shid: pyam da" he: shid: mang ri nanu" da" mang: nhung" Israela byumyu" yigi koug ngau wa da" akhang" yo" da:.

GYUNG: SOO" 1:19

Sina dain" pyoid yoo moo: Moshe gi byumyu" yi da" myeing ri koid: yu bye:.

ACTS 4:28

Nyang: nu" gi re" da" yoem: vhoo" yo' nang vho: khyo" myed phyed' ci: gu nghoid da- bue" loo ca da" moozoo" ri koid wa shid mo hougsu" zeung: foem: nyid boem zi nghoid da.

2 THESALONI 2:11

Houg: su" nghoid yoomo hau: da" shoid vhang: khyoo: ri nyangnu" loem" jeung" boem sho' Mangsoo gi hau: yo" loem" shoid' nhang: da" yoem: so'- nyangnu" moo moo" ri zei; wa shid re" nhang: kaid.

TARHA" AGYI 2:14

Houg: yoomo Aseing gi Israela byumyu" yiri nheig joem: yo: lho: gyivoo yiri khaid zain: nhang: wigi nyangnu" ri lhoid zoo: nhang: ago". Nyang: gi houg bang: lheing khoem mo gyivoo yiri nyangnu" ri oung: nhang: wigi Israela byumyu" yigi nyangnu" nya: gung ri ayo" goem loem loo: nghoid ago".

TARHA" AGYI 2:20

Hau: thang: Aseing gi Israela byumyu" yiri nheig joem: yo: wigi «He: byumyu" yigi nyangnu" phoug" phyid" yiri cang pyeing wa ngoo amyeing" byid: to" da" dang: theing ri phyo' pyam abye: go". Nyangnu" nga" dang: ri atam" gyoo: yoomo nghoid.

1 SAMUELA 26:19

Myhang: thang aseing we" ngoo tid wa ziri tam" gyo: yu" we'. Aseing gi nang ngoo ri thougtheung wa shid re" re" myid ri thid nhang: nghoid rigi nyang: ri ngei" da" xoin" gi nya: myid ri yo" thid nhang: wa zi nghoid. Nghoid loug we' byu joem wigi he: ziri koid nghoid rigi hau: Aseing nheing" zigi nyangnu" adang moo zang" baja". Nyangnu" gi ngoo ri Aseing mougmyid mo zi tungbau yu phara" ri za: yo" no' da" moug: khyoo: yhe: wa shid re" khaid nyid ago".