2 SAMUELA 22:3 - Lacid Common Language Bible

³ Nga" Mangsoo gi ngoo khoug: nghi: jang: nghoid. Nyang: yo' dage" ngoo goem loem nyid. Nyang: gi ngoo ri goo yhang: ti" goo byid: Nyang: gi ngoo ri lhoug zung" ziyo' goem loem nyid nhang: da:. Nyang: gi ngoo ri khyoid yu su: nghoid. Nyang: gi ngoo ri pyi: joem: sho: khaid said jang" mo lhoug zung" ziyo' goem loem byid: su: nghoid.

2 SAMUELA 22:3 ပူးပေါင်းရင်းမြစ်များ

APOEM AYANG: 15:1

Hau: thang: Abram gi pang shug yoeb myang daja: myang lho: Aseing khyo" nyang: ri tid da" dang: ri shau" gyo: kaid zigi «Abram we" agyug lhe". Ngoo gi nang ri shid: gyoin mo goem loem byid: lho: ngi: shab jhungshug zeing nang ri byid: wa» ga: tid.

2 SAMUELA 22:31

He: Mangsoo koid da" moo" zoo" joem gi gye" joeb byeung" nyid. Nya: dangsoo" khoin" joem we' loem ge" nyid. Nyang: gi nyang: ri loem khau: loo mo, dangain" shid re" goo yhang: ti" nghoid.

2 SAMUELA 22:47

Aseing gi dei nyid su: nghoid- nyang: ri lhoug zung" nyid su: ri coung" nghei ge'. Ngoo ri: khyoid yu da" Mangso gyi: thang khyoo: ri nyho: fu" nyid ge'.

2 SAMUELA 22:49

Gyivoo joem da" lo, mo ngoo ri khyoid yu. O" Aseing we" nang gi ngoo ri nga" gyivoo joem ri oung: loo" nhang: lho: wigi akhyeung" byu yi da" gyi mo ngoo ri goem coung: yu bye:.

2 SAMUELA 22:51

Mangsoo gi nya: khokham ri gyi" sho' da" oung: doid lo" khyoo: byid: bye:. Nyang: gi nyang: khyen: yu to" da" David yo' nyang: byukung: byuko' yiri pyaid moo: too: moo: jheddab nheigloem: toin" shed nyid.

2 SAMUELA 23:3

Israela Mangsoo dang: tid bye:. Israela ri lhoug zung" su: gi ngoo ri «Deingmain" ziyo' vhoeb khang" wigi Mangsoo ri gyoug phoug" wigi tarha" nyeung veung" khyo" vhoeb khang" da" khokham gi

COUNG" NGHEI 14:6

Akhyeing" ashoeb da" byu yigi khyo' nyhoem: su: da" myid soin lo" da" khyoo: ri byo, yoin" loo" nhang: nghoid loug we' Aseing gi nyang: ri zung" lhoug goem coung: nyid.

COUNG" NGHEI 140:1

Aseing we"- akhyeing" ashoeb mo, lo, mo ngoo ri khyoid yu we'. athoug" akhyoug: koid nyid bang: da" lo, mo ngoo ri: gau: nyu: nyid nhang: we'.

COUNG" NGHEI 140:11

Subi" ri shoid vhang: khyo" yooboo zhoug nyid mo, ri aoung: doid loo" nhang:- akhyeing" ashoeb da" moo" zoo" gi athoug" akhyoug: da" byu yiri: khaid myhi: lho: nyangnu" ri phyo' shoin' pyam, goo" baja".

COUNG" NGHEI 140:4

Aseing we"- akhyeing ashoeb, mo, da" yoem: so' mo ngoo ri goem loem yu byid: we'. Ngoo ri: joem: gyo" loo" wa shid mo nyheung soin nyid da" athoug akhyau koid mo, lo, mo- ngoo ri: goem loem gau: nyu: nhang: nyid we'.

COUNG" NGHEI 142:4

Nga" lo, qei: lo, yoo khyoo: yu" kaid ri ngoo ri pang" thoug wa su:- dayug we' amyang. Ngoo ri goem loem byid: wa su: dayug we' anyid: ziri: ngoo myang- ngoo ri yu" coung: su: dayug we' anyid.

COUNG" NGHEI 144:2

Nyang: gi nga" da" goem loem su: yo' gyivi su: nghoid. Nyang: gi nga" da" nghe: khoug: joyoo yo' khyoid yu su: yo' gau nyu: nyid wa shid re" ngoo loem khau: nyid su: nghoid.

COUNG" NGHEI 18:2

Aseing gi nga" goem coung: lhoug zung" su- nyang: gi ngoo loem ge" geung: da" gyidab, nghoid. Nga" da" Mangsoo gi ngoo ri lhoug zung" goem coung: khyoo: yoomo nyang: moo: ngoo myen tab, gau: nyu: nyid. Nyang: gi goo, yhang: ti" ngoo ri gooloo goem byid: nyid. Nyang: gi nga" gyivoo joem ri ve, pyam byid: lho: ngoo ri goug: nyu: tung" nyid nhang: to".

COUNG" NGHEI 27:5

Yau: khe" kyi" khyeug zi thoung" shau" da" bidnyid ri Aseing nyang: ngoo ri lhoug zung" byid: wa zi nghoid. Nya: da" Noku Yhoem: Moo" moo ngoo ri myenjham" nyid nhang: lho: myhang: da" lug moo" boem tho' moo ngoo ri gau: nyu: nhang: nyid.

COUNG" NGHEI 28:7

Aseing gi ngoo ri goem coung: lhoug zung" byid: lho: gyivoo joem ri ve, pyam byid:. Ngoo gi nyang: moo: loem khau: nyid- nyang: gi ngoo ri pang" thoug byid: wigi ngoo ri gau, yi ngei pyoo: nhang:. Ngoo gi nyang: ri coung" nghei nyid.

COUNG" NGHEI 3:3

Nghoid loug we' Aseing we" nang gi khanham we' gyoug ci' joyoo mo goem loem yu nyid da" goo nghoid. Nang gi ngoo ri oung: lo" khyoo: phang byid: ziyo' ngoo ri sarhi' yo" koid da" nheigloem: kaid byid: nyid.

COUNG" NGHEI 32:7

Nang gi nga" khoug: loo lug ug- nang ngoo ri yau: khe" khyoo: mo khyoid yu loo wa zi nghoid. Nang gi ngoo ri lhoug zung" goin coung: byid: yoomo ngoo gi re" da" khyoid yu khyoo: ri thui: moo" yo' coung" nghei jikhoin" khoin" nyid wa zi nghoid.

COUNG" NGHEI 46:1

Mangsoo gi ngoonu" da" nghe: khoug: joyoo yo' yoem: vhoo" nghoid nyid. Kyi" khyeug nyid da" ayo, moo pang" thoug yu wa shid re" kha: u" we' jen" nyid gu nghoid.

COUNG" NGHEI 46:11

Gyi: myhang: da" Aseing gi ngoonu" yo' dage" nyid. Yaku da" Mangsoo gi ngoonu" da" khoug: loo joyoo nghoid.

COUNG" NGHEI 46:2

Houg: yoomo mougmyid gi nain" lo- boem lang joem gi nammugdara thi" khyoo: noeb gyoo" lo" rilang" gi ngoonu" gi gyoug dain zi shoug" wa anghoid.

COUNG" NGHEI 46:7

Gyi: myhang: da" Aseing gi ngoonu" yo' dage" nyid nyid. Yaku da" Mangsoo gi ngoonu" da" phang: khoug: jang: lug ug nghoid.

COUNG" NGHEI 5:12

Aseing we" nang gi nang ri tam" gyo: nyid mo, ri mainkaid wigi ngoonu" ri goo yhang: ti" lhoug zung" byid: nyid.

COUNG" NGHEI 55:9

Aseing we"- nga" gyivoo joem tid nyid da" dang: ri lhu: lheug pyam byid: we'. Voomoo" khoug: moo: athoug" akhyoug: anhung akhoid khyoo: ri ngoo myang.

COUNG" NGHEI 59:16

Nghoid loug we' re" yoem: zeing so, mo" khyoo: ri ngoo gi jikhoin" yo' coung" nghei nyid wa. Re" da" geung: teung jhed khyeing: kang: khyeing: ri nab soin: ayo, khang" moo" moo ngoo thui: zeing yo' jihkoin" nyid wa. Nang gi nga" da" phang: khoug: jang: bue" jo, wigi ngoo yau: khi" zi shoug" nyid ayo, moo gau: da" khoug: loo joyoo nghoid.

COUNG" NGHEI 61:3

Khasu" wim gari nang gi ngoo ri lhoug zung" su: yo' gyivoo joem ri lhoem: yo" thougtheung su:- nga" da" geung: teung theung shang" joyoo nghoid nyid.

COUNG" NGHEI 71:7

Nang gi nga" yoem bo da gyivo su" nghoid nyid yoomo nga" apyaid gi byu myoo" sho' mo, da" shidkhoin" moo khoo" shid: bue" nyid bye:.

COUNG" NGHEI 72:14

Nyangnu" da" kangso joem gi nya: shidkhoin" moo: phoug" dab, nyid yoomo nyang: gi nyangnu" ri doin: zeig zoo: bang: yo' athoug" akhyoug: da" moo" zoo" mo we' khyoid yu wa zi nghoid.

COUNG" NGHEI 84:11

Aseing gi ngoonu" ri goem loem byid: su: yo'- myonhoo: phung" yoeb yo' byeung" da" khokham nghoid wigi nheug khyeug shoo" myen: ziyo' phoug" tab ngi: byid: khyo" wigi ngoonu" ri mainkaid byid: nyid. Nyang: gi deungmain" da" moo" zei: bang: ri ge da" khyoo: ci: we' byid: wa shid re" he: ngeug nyid su: anghoid.

COUNG" NGHEI 84:9

Mangsoo we"- nang khyen: nyheung too" bye: da- ngoonu" da" khokham phoo ri mainkaid byid: we'.

COUNG" NGHEI 86:14

Mangsoo we"- nghoid boin: lho: phau: khuang nyid da" byu yigi ngoo ri re" tu: lhoem" nyid ago". Nang ri cishu: anhang: bang: yo' nheig khyeug shoo" myen: ase da" byu daphung: bang: gi ngoo ri said pyam wa ga: soin' nyid ago".

COUNG" NGHEI 9:10

Aseing we" nang ri si bang: gi nang ri loem" jeung" loem khau: lo boem wa zi nghoid. nang gi re" jhang khyoo: tain" tab, loo bang: hang" ri we' alhoem: khaid pyam.

COUNG" NGHEI 9:9

Aseing gi doin: zeug shoug" bang: da" phang: khoug: jang- yau: khe" kyi" khyeug shau" da" uri loid byoin myenjham" joyoo nghoid.

THU' LO" MOUGSOUG" 15:2

Aseing gi nga" yoem: bo thang da" goem loem su: nghoid. Nyang: gi ngoo ri khyoid yu su: nghoid. Nyang: gi nga" Mangsoo nghoid yoomo ngoo nyang: ri coung" nghei wa. Nga" pho da" Mangsoo nghoid yoomo nya: gyi: sheung: khyoo: ri ngoo jikhoin" khoin" wa.

DANG: ZHOEM 18:10

Aseing gi geung: teung da" gyipyu, zung nghoid- Hougmoo: deingmain" mo, yo' yhe: lho: goug: nyu: tung" yo" khau: nyid ago".

DANG: ZHOEM 30:5

Mangsoo gi nyang: tid to" da" dangsoo" khoin" joem ri cang byeung" nyid. Nyang: wigi goin' coung: byid: baja" ga: sho: nyid mo, ri nyang: gi goo, yo' dakhyoo" ti" bui byid: nyid.

ESAIA 12:2

Mangsoo gi nga" khyoid yu aseing nghoid ngoo gi nyang: ri khoug nghe: lho: ngoo agyug nghoid da:. Aseing gi ngoo ri yoem: so' yo' yoem: boo nhang: da:. Nyang: gi nga" khyoid yu Aseing nghoid da:.

ESAIA 32:2

Nyangnu" mo yugkhang" moo" gi lid mo khau: nghi: wa joyoo- Uglid mo phang: goug" wa joyoo yo' dayhang: ti" nghoid loo wa. Nyangnu" gi dain" pyoid yoo moo yau da" gyid zoo: gyung: yo' dakhyo"- moug: kyug myid kyug moo jo, da" lug moo" da" bid shoem: yoeb yo' dakhyoo" ti" nghoid nyid da:.

ESAIA 45:21

Nanu" da" moo" ri tarha" yung" moo re" tid we'. Yooboo voin shau" bang: gi nyang: cang" nyang: sham: goo" baja". Bue" ri" wa ga: shid phyang" lapi: pe: su: hang" nghoid la". Nya: byu yiri khyoid yu su: gi ngoo Aseing Mangsoo anghoid rhe". Mangsoo gootu: anyid.

YEREMIA 16:19

Aseing we"- nang gi ngoo ri goem loem byid: su: yoem vhoo" byid: su: nghoid. Nang gi ngoo ri yau: khi" shau" da" ayo, gu: moo pang" thoug byid: da:. Byumyu" yigi moug: thang: myid thang: mo zi re" jhang re" wigi hid su" ga: tid loo goo" wa. «Ngoonu" da" phoug" phyid" yigi yu phara" mo jain" wigi ci we' ajo, ce: akyu" abo da" soolhoo: joem mo lid: wigi ci we' ayoo" nghoid ago".

YEREMIA 16:9

Ngoo myhang: thang Aseing- Israela da" Mangsoo tid ziri tam" gyoo: we'. Ngoo gi gau yi thui: yo' ngei pyo: thui: joem ri yo' lo, xo' pui" mo pyo: da" thui: joem ri jham" coug: youg bue" lo" byug nhang: wa. Hid moo nyid da" bang: gi he: khyoo: bue" ziri shau" myang goo" wa.

LUKA 1:47

Khyoid yu Aseing: Mangsoo koid: to" moozoo" yoomo nga" Venyi: gi gau yi ngei pyo: nyid.

LUKA 1:69

Shid' phyang" re- gyeungshang: gyeungshang: da" lapi: yi mo wigi tid to" ziyo' dakhyoo" ti"-

LUKA 1:71

Aseing: Mangso da" dei zoo:- David da" akung: mo, yoem: bo da" Aseing: ri thu' loo nhang: bye.

TARHA" TID POIN" 32:37

Houg: lang" Aseing gi nya: byumyu" yiri ‹Nanu" loem jeing" nyid da" myhang: thang yu phara" joem gi khayoo: la"› ga: myid:.

TARHA" TID POIN" 32:4

Aseing gi nanu" da" myhang: thang da" goem loem yu su: nghoid. Nyang: gi khyoo: khaid khang" moo" mo joeb byeung" ziyo' tarha" nyeung veung" da:. Nanu" Mangsoo gi jhug zug ziyo' deingmain" da:. Nyang: gi jo ziyo' tarha" ziri koid da:.

TARHA" TID POIN" 33:29

Israela we"- nanu" gi khayhi' pyo: nyid la". Aseing wigi khyoid yu shau" da" nanu" yhang: ti" byumyu" anyid goo" nghoid da:. Aseing nyang: nyang: nanu" ri gyi khouggoo koid byid: wigi oung: doid nhang: wa shid re" nanu" da" goo yo' shamcoin" bui" byid: nyid da:. Nanu" gyivoo joem gi nheig khyeug yu wa shid re" nanu" jhang re" mho' yoid loo goo" wa. Houg: lho: nanu" gi nyangnu" ri yo" nang: pye" pyam wa zi nghoid.

TITU 3:4

Nghoid loug we' ngoonu" da" khyoid' yu Aseing: Mangso da" jeju" yo' athang agoin da' nheigloem: thu myhang lo da" uri gi

TITU 3:6

Mangsoo gi nyhang" ri khyoid yu Aseing Yesu khoug: moo gyeungshang: da" Venyi ri yha" da" atho' moo agoin ayu: foid shoin" byid: bye.

HEBRE 2:13

Hau: lho: Yesu doem tid zigi " Ngoo gi Mangsoo ri loem" jeung" khau: nghe: nyid wa nghoid,, ga: wigi we' Mangsoo ngoori byid: too" bye: da" nya: myid: nya: zoo: yi yo' dage" He: joyoo moo nyid nyid,, ga: wigi we' tid nyid.

1 SAMUELA 2:1

Hana akyu" mho' khyoo: gi «Aseing gi nga" nheigloem: moo gau yi ziyo' pyeing byid: bye:. Nyang: bain koid bye: moo" zoo" yoomo khayhi' pyo: lha". Nga" gyivoo joem shidkhoin" moo ngoo yo" yi bye:. Mangsoo ngoo ri pang" thoug yoomo ngoo khayhi' pyo: lha".

1 SAMUELA 2:2

Aseing yhang: te" gyeung" shang: zigi hang" we' anyid loo. Nyang: yhang: te" zi hang" anyid- ngoonu" da" Mangsoo yhang: ti" yo" goem loem byid: su: hang" we' anyid.