2 SAMUELA 22:1 - Lacid Common Language Bible

¹ Aseing gi David ri Sholu yo' nya: da" gootu: gyivoo joem lo, mo khyoid uri David gi he: jikhoin" yo' Aseing ri coung" bye:.

2 SAMUELA 22:1 ပူးပေါင်းရင်းမြစ်များ

2 SAMUELA 12:7

Nathan gi David ri «Hau: yug gi nang nghoid nyid da:. He: zigi Israela byumyu" yi da" Aseing Mangsoo tid zi nghoid. Akhid" Sholu da" lo, mo nang ri ngoo khyoid yu lho: Israela byumyu" yi da" khokham ngoo nang ri koid nhang: to" zi nghoid.

2 SAMUELA 22:49

Gyivoo joem da" lo, mo ngoo ri khyoid yu. O" Aseing we" nang gi ngoo ri nga" gyivoo joem ri oung: loo" nhang: lho: wigi akhyeung" byu yi da" gyi mo ngoo ri goem coung: yu bye:.

1 KHOKHAM MHOOMYID: 16:7

David gi hougsu" khyoo" Asab yo' gootu: Levi byu yiri Aseing ri jikhoin" yo' coung" wa shid re" xang: shi" yoovoin byid: shid" da:.

COUNG" NGHEI 34:19

Byu yigi yau: khe" khyoo: myoo" sho' shoug" nyid nghoid loug we' Aseing gi houg: yhang: te" khyoo: dangain" jang" mo nyangnu" ri khyoid yu nyid.

COUNG" NGHEI 50:14

Jeju" boin: coung" ngei zigi Mangsoo ri: nghei" byid: da" re" xoin" nghoid baja". nang dangsoo" byid: to" zi dangain- gyi: myhang: Mangsoo ri byid: pyam we'.

THU' LO" MOUGSOUG" 15:1

Hau: thang: Moshe yo' Israela byumyu" yigi he: jikhoin" yo' Aseing ri coung" nyid. «Ngoo Aseing ri jikhoin" khoin" wa. Ciwim gari phung" yoeb yo' oung: doid khyoo: ri yo" yu su: nghoid. Nyang: gi myang: joem yo' myang: jui: mo, ri thoem" khyoo: du" zei pyam bye:.

2~KORINTHU 1:10

Nyang: gi houg: yhang: te" da" gyoug pho" shid: no khyoo: mo ngoonu" ri yo" khyoid yu bye: yoomo akhid" we' khyoid yu shi" wa ein: wigi ngoonu" nyang: ri damyid byu lang nyid boem shi".

TARHA" TID POIN" 31:30

Hau: thang: Moshe gi Israela byumyu" yi dangain" tam" gyo: nyid uri jikhoin" bain sho' ri zhang: kyo" da:.

2 TIMOTHI 4:18

Hau" Aseing: gi akhyeing" ashoeb khyoo: dangain" jang" mo nya: moug: khoung: mungdain: moo ju" sho' goem, loem byid: wigi shu" loo" wa zi nghoid nyid. Nyang: moo apyaid' atoo: mo myonhoo: phung" yoeb, gi dabo, jo, nyid baja" o". Amen.

TARHA" AGYI 5:1

Hau: bidnyid moo Debora yo' Abinoam da" yuggi zoo: Barag gi he: jikhoin" ri khoin" da:.

1 SAMUELA 23:14

David gi boem moug: nghoid da" Zipha nam mo kyoem: khoug: cang goug" nyid yen" da:. Sholu gi nyang: ri khanham we' sho: nyid nghoid loug we' Mangsoo gi David ri nya: lo, khyoo: a ab pyam nghoid da:.

1 SAMUELA 24:15

Nyha" tang: mo hang" shoid ga: ziri hau: Aseing dang: phyed wigi ngoo ri khoem yu wigi re" lo, mo we' khyoid yu baja" o"» ga: wigi tid da:.

1 SAMUELA 25:29

Nang ri khaid zain: ziyo' said pyam wa shid re" yoem phain" nyid mo, nyid nghoid loug we' byu gi phau" dab da" jonu" ri lhoug zung" nyid yhang: ti" re" Aseing Mangsoo we' nang ri goug: sho' lhoug zung" wa zi nghoid. Re" gyivoo yi shidre koem gi byu dayug luggo, ri luglhei" pyi' yo' lhei" pyam yhang: ti" nang gi nyangnu" ri we' she: lhei" pyam wa zi nghoid.

1 SAMUELA 26:24

Akhanyid" Ngoo re" kangso' ri Lhoid pyoin' kaid yhang: ti" Aseing we' yau: khi" dangain" jang" mo houg yhang: ti" ngoo ri: lhoid kaid wa zi nghoid.»

1 SAMUELA 27:1

David gi «Danyid" nyid" ri Sholu gi ngoo ri said pyam wa myang. Philisti byumyu" yi jhang khyoo: phang: vang rigi nga" shid re" je gi wa. Hau: thang: Sholu gi Israela mungdain moo ngoo ri sho: nyid zi theing: byug lang" gau: nyu: nyid wa zi nghoid» ga: nya: oungkhoug: moo: myid nyid da:.