2 SAMUELA 19:9 - Lacid Common Language Bible

⁹ Mungdain: goin" moo nyangnu" nya: agyoo: moo myeing" myoo: go" nyid boem bye:. Nyangnu" nyang: cang" nyang: tid go" nyid zigi khokham David gi ngoonu" ri gyivoo yi lo, mo khyoid yu bye:. Philisti byumyu" yi lo, mo we' ngoonu" ri khyoid yu bye:. Nghoid loug we' akhid" koem' gi Absalom shid re" kham zoo: yoomo mungdain: mo thu lo" byug bye:.

2 SAMUELA 19:9 ပူးပေါင်းရင်းမြစ်များ

2 SAMUELA 15:14

Houg: yoomo David gi nyang: yo' dage" Yerusalem moo nyid da" nya: gyizoug: yi dangain" ri nyhang" Absalom lo, mo loid byoin nau nghoid rigi akhid" nyang: myab myab phang: loo: shang- hougsu" anghoid rigi nyang: hid: moo amyang" ri ju" re" wigi nyhang" ri re" zain: oung: lho: he: voomoo" mo byu dangain" ri said pyam wa zi nghoid» ga: tid.

2 SAMUELA 18:17

Nyangnu" gi Absalom da" mang ri yu wigi hau: kyoem: khoug: mo duang: khuang" no, daloem: moo du" zei kaid wigi lugzeing joem yo' nghoeb too" bye:. Israela byumyu" yi dangain" we' nyang: yug nya: yhoem: khyoo: tau" lo" byug bye:.

2 SAMUELA 19:10

Ngoonu" Absalom ri nyha" khokham koid wa khyo" nammain" foid gyoin: byid: bye: nghoid loug we' nyang: ri meing: zain: jang: moo said pyam zi shoug" bye:. Hougsu" yoomo khokham David doem tau" loo wa khyo" ciwim yoomo dayug we' ashu" koid loo go" lha"» ga: tid go" nyid boem.

2 SAMUELA 19:40

Khokham phoo gi bain gu: dab lang" Yuda byu dangain" yo' Israela byu agung dayi" bang: gi cang zung" ziyo' nyang: gi Khimham yo' dage" Gilgala khyoo: yhe: loo" bye:.

2 SAMUELA 22:44

Nang gi ngoo ri thougtheung lo da" mung" byu lo, mo khyoid yu lho: byumyu" bain sho' tho' moo ngoo ri vhoebkhang" nhang: bye:. Ngoo gi ngoonyang: ase' da" byumyu" yiri akhid" vhoebkhang" wa da" amyeing" yo" jo, bye:.

2 SAMUELA 5:20

Houg: yoomo David gi Bala Perazim khyoo: do, lo" wigi hau: joyoo moo Philisti byumyu" joem ri nyang: meing: zain: oung: pyam bye:. Nyang: gi «Aseing gi nga" gyivoo joem ri gyid khyoid khyoid yhang: ti" said tang" pyam bye:» ga: tid. Houg: yoomo hau: joyoo ri Bala Perazim ga: tid boem ago".

COUNG" NGHEI 18:43

Nang gi ngoo ri tu: lhoem" lo da" mung" byu lo, mo khyoid yu lho: byumyu" bain sho' tho' moo ngoo ri vhoeb khang nhang: bye:. Ngoo gi ngoonyang: ase' da" byumyu" yiri akhid" vhoebkhang" wa da" amyeing" yo" jo, bye:.

THU' LO" MOUGSOUG" 32:24

Ngoo gi nyangnu" mo sheing: zi ri ci: ri" ge' ein: tid lang" hau: bang: gi sheing: zi joem khyoid wigi nga" jang" moo ci: re" ago". Ngoo hau: sheing: zi ri myi: moo du" kaid lang" he: nu: soolhoo: bue" loo bye: zi nghoid» ga: tid.

1 SAMUELA 17:50

Hougsu" nghoid yoomo David gi sham: aci: loo: za: lug lhei" pyi' yo' luggo, daloem: yo' za: Goliad ri du" said oung: pyam bye: zi nghoid.

1 SAMUELA 18:25

Sholu gi David ri «Khokham re" jang" mo vhoo: nau gu: dangain" zigi nya: gyivoo yiri latoo: yo" phug byid: sho' said wigi shid: byug bye: da" Philisti byumyu" yi da" shooyid thang: dashoo: ri phoug" soin: byid: wa» ga: tid kyoo" wa shid re" nyangnu" ri amyeing" byid: kaid bye:. (Hau: zi we' Philisti byumyu" yi da" lo, moo: David ri said pyam nhang: wa shid re" Sholu khoug lheing: lheing: da" khyoo: nghoid da:.)

1 SAMUELA 19:5

Nyang: gi nya: kangso' ri ab wigi Goliad ri said pyam bye: yoomo Israela byumyu" yiri Aseing gi oung: pui" zeing byid: bye: zi nghoid. Hau: khyoo: ri nang myang uri nang gau yi ung: pyo nyid bye: zi nghoid. Hougsu" nghoid ziyo' he: yooboo ci: ashoid- ce: yooboo we' adab su: David ri yooboo ayo" jang" moo ciwim yoomo nyang: ri said pyam nau nyid la"» ga: tid bye: da:.