2 SAMUELA 19:1 - Lacid Common Language Bible

¹ Khokham David gi Absalom shid re" ngougbyid ngougnhab yo' nheig koug nheig nge nyid ga: ziri Yoab ri tid kyo" boem.

2 SAMUELA 19:1 ပူးပေါင်းရင်းမြစ်များ

APOEM AYANG: 37:35

Nya: zo: mung nham: yigi lo lho: nheig teing yoem: byid: dang: lo tid nghoid loug nyang: gi ngeug pyam lho: «Nga" zo: gang mo nheig nyang: dakug nyid shi". Ngoo gi shid: noug bye:» ga: tid wigi nya: zoo: Yoseb shid re" xo' lho: dakug nyid.

2 SAMUELA 18:12

Nghoid loug we' hau: yug gi «Nang- ngoo ri ngei dakhyeing" byid: nghoid loug we' ngoo gi khokham nya: zoo: ri lo, nyhoug" yo' we' zang" wa zi anghoid. Nang ri we' Abishai yo' Itai tang: ri we' khokham phoo gi nga" myonhoo: ri tu: wigi zooyam zoo: Absalom ri azang" byid: goo" ga: da" amyeing" dang: ri nyhang" dangain" shoug" gyoo: bye: zi nghoid.

2 SAMUELA 18:14

Yoab gi «Ngoo- nang yo' gootu: akhyeing: anau ze" pain' loo» ga: tid. Nyang: gi lham: soem" khaid yu ci: wigi shookhi" gam moo ye" lhang" to" da" dei: nyid shi" su: Absalom da" yanggang moo thau" kyang kaid bye:.

2 SAMUELA 18:20

Yoab gi «Anghoid- akhid" nyid" za: gi lu dang: gi ayo" tid kyoo" wa akhid" nyid" gi khokham' nya: zoo: shid: yoomo gootu: danyid" nyid" ri dayo" to' tid kyoo" wa» ga: tid.

2 SAMUELA 18:33

Khokham phoo gi nheig koug nheig nge zi shoug" nyid bye:. Nyang: gi vang khyam: khoem" mhang" mhoug: tho' khyoo: do, lo" wigi ngau nyid da:. Nyang: do, lo" lho: nga" zoo: we"- nga" zoo: Absalom we"- Absalom we"- nga" zoo we" nang shid: wa gungthid ngoo da shid: wa zi nga" zoo: Absalom we" nga" zoo: we"» ga: ngau nyid da:.

2 SAMUELA 18:5

Nyang: gi Yoab- Abishai yo' Itai bang: ri amyeing" byid: kaid zigi «Nga" myonhoo: ri tu: wigi zooyam zoo: Absalom ri lo, aju" nhang: goo"» ga: bye:. Houg: lang" gyiphung: dangain" bang: gi David nya: moo" voin gyizoug: yiri tid ziri dangain" shoug" gyoo: bye: ago".

2 SAMUELA 19:2

Khokham gi nya: zo: shid re" nheig koug nheig nge ziri shau" gyo: yoomo hau: nyid" David gyiphung: shid re" oung: yoomo pyoo: wa gungthid nheig koug jang: bue" byug ago".

DANG: ZHOEM 17:25

Byugang: zoo: gi nya: phoo ri koug nhang: lho: nya: myhi' ri nheigloem: thang nhang: nyid.

ZEKHARIA 12:10

Hougsu" ngoo gi David da" nya: myid: nya: zo: bang: yo' Yerusalem voomoo" moo nyid bang: ri nheig se' khyeug ziyo' akyu" se' mho' da" Venyi: kaid pyeing byid: wa. Nyangnu" thau" said pyam' su: ri coem' yu" lho: nyangnu" gi nyang: nya: zooti" zoo: anghoid lang" zooshid" zoo: shid: lo" yhang: ti" nyang: soo" soo" koug ngau nyid goo" wa zi nghoid.