2 SAMUELA 17:10 - Lacid Common Language Bible

¹⁰ Hau: thang: re" phoo gi gye" bue" da" gyizoo: nghoid ziyo' nya: byu yi we' gyi yo" zain: bang: nghoid ziri Israela byumyu" dangain" mo, si' wa yoomo khang: khyi yhang: ti" agyug bang: lang" gyoug boem wa zi nghoid.

2 SAMUELA 17:10 ပူးပေါင်းရင်းမြစ်များ

APOEM AYANG: 49:9

Yuda gi khangkhyi dadu: yhang: ti" bue" nyid bye:- Nya: zoo: shoo" ri ngaid said lho: nya: khyung: khyoo: doem tau" lo wigi Gung nyhang: lho: vhoeb nyid bye:. Nyang: ri hang" we' avoem" re" zi" loo.

2 SAMUELA 1:23

Sholu yo' Yonathan nyid ri we' dage" shid: ri we' dage" nghoid yoomo gye" mau" ziyo' jheddab myid nghoid da:. Zoin bung: tho' myab wigi khangkhyi tho' yoem: je gyi: da:.

2 SAMUELA 17:9

Akhid" nyang: nyang: gi lug-ug anghoid lang" dakhyi' khyi' moo gau" jo, wa bye:. David gi re" byu yiri khaid zain: ziyo' dalheing: dam- hau: ziri shoug" gyoo: su: hang" nghoid loug we' re" byu yi soem" byug bye: ga: tid boem wa zi nghoid.

2 SAMUELA 23:20

Kabzela voogung mo gootu: myeing gyi: da" gyizoo: dayug gi Yehoiada da" nya: zoo: Benania ga: su: nghoid. Nyang: koid lid lo da" seing" yang" moo" zoo" myoo" sho' nghoid jang" mo Moba gyizoo: lu: gi eig yug ri we' said pyam bye:. Dalheing: ri we' gyu: khyo' byeung" to" da" bidnyid moo duang: khuang" khyoo: vang yhe: lho: khangkhyi dadu: ri said pyam bye:.

COUNG" NGHEI 89:19

Goonham' dalheung: ri re" da" yoeb myang daloem: moo re" nheigloem: zung" da" dei zoo: yiri nang tid zigi hid: su" nghoid. Myeung gye" fu" da" gyizoo: dayug ri ngoo khyen: yu wigi khokham zhungtang ab byid: bye:.

THU' LO" MOUGSOUG" 15:15

Edom vhujhung: yi gyoug dain nyid ago". Moba sarhi' yi gyoug nain" nyid ago". Khanan byumyu" yigi nyangnu" da" voem" da" myid byug byug ago".

DANG: ZHOEM 28:1

Akhyeing" ashoeb bang: gi nyangnu" ri hang" wigi akhaid nghoid loug we' lhoung phang: lo" ago". Nghoid loug we' nheigloem: deingmain" nyid su: koem gi khang khyi yo" dakhyoo" ti"- seing" deing khid" yo" nyid nyid da:.

SHOLUMON JIKHOIN" 3:7

Sholumon gi nya: zhungtang moo zhoung: wigi dang lo nyid ago". Israela mung" mo reung: thang da" gyizoo: yi nghoid da" kangso' zung" bang: khyug xi: yug we' bo da:.

ESAIA 13:7

Yugkhang" moo" da" lo, gi gyau: loo" khare" lho: yugkhang" moo" da" yoem: gi gyau: loo" khari" wa.

ESAIA 19:1

He: zigi Egutu yo' sen: da" mungdang: nghoid. Aseing gi myab da" jhoem: thei" adang moo zhung: wigi Egutu mung" khyoo: re" lo nyid da:. Egutu byu yi da" yu phara" soolhoo: joem gi nya: shidkhoin" moo ko' ko' nain" lho: Egutu byumyu" yigi nyangnu" da" voem" myid thang byug abye: go".

EZEKIEL 21:15

Hau: zigi nga" byumyu" yiri yoem: gyau: nhang: wigi khyid: vhu" thung" leung nhang: da:. Ngoo gi moug: lhab' myeig yhang: ti" yi: yi: bang lho: said wa jen" jen" nghoid da" shamcoin" wigi nyangnu" da" voomoo" ri kyug nhain nyid bye:.

TARHA" TID POIN" 1:28

Ngoonu" ciwim yoomo houg: khyoo: yhi: ca" wa lha". Ngoonu" gyoug da:. Houg: moo nyid da" byu yigi ngoonu" tho' je yoem: bo je gyi: je myang: mo, nghoid ziyo' nyangnu" gi mougkhung: ri myhi: da" vang khyam: bo voo moo" joem moo nyid boem go" da" khyoo: ri nanu" wigi nhang: kaid da" bang: wigi ngoonu" ri lo tid kyo" boem ago". Nyangnu" gi houg: moo byu gyi: byu zeing joem ri yhe: myang ago"›» ga: tid boem.

HEBRE 11:34

Gye" thain: nge" da" myi: so' ri we' yo" said' pyam boem wigi sube" sham: soo" mo we' yo" loid byoin, lo" boem bye. Nyang: nu" gi yoem: nu: boem nghoid loug we' yoem: foin, byid: zi yo" yu boem yoomo gyi zain: jang: moosa" rhi, yo" koid boem ziyo' tungbau gyiphung: joem ri yo" zain: oung: lo" boem.

1 SAMUELA 16:18

Nya: byu phung: mo dei zoo: dayug gi Bedlehem voogung moo nyid da" Yese jang" moo music gye" se' da" zooshang: dayug nyid. Nyang: gi seing" yang" ziyo' avoid asam" yung" su: nghoid. Gyi moo loem ge" da" gyizoo: we' nghoid wigi dang: tid bui" su: dayug we' nghoid nyid. Aseing we' nyang: yo' dage" nghoid nyid da» ga: tid kyo" da:.

1 SAMUELA 18:17

Hau: thang: Sholu gi David ri «he: zigi nga" zoo: bi: moo" Merab nghoid. Nang gi nga" shid re" seing" yang" ziyo' dang: zung" bo wigi hau: Aseing da" meing: zain: jang" moo bo vang zei: bye: yoomo re" yhoem: seing: myhi koid wa shid re" ngoo nyang: ri byid: wa zi nghoid» ga: tid da:. (Sholu koem gi hid: su" wigi nya: gung nyang: ayhe: zang" loo: za Philisti byu joem David ri said pyam goo" baja" ga: myid da" khyoo: nghoid nyid da:.)