2 SAMUELA 15:20 - Lacid Common Language Bible

²⁰ Nang hid: moo nyid zi daso' shi" danghoid ri ciwim yoomo ngoo yo' dage" nang ri ngoo phang: yen" nhang: wa lha". Ngoo khakhyoo: yhe: lo" zi nyang" ngoo asi'. Nang yo' dage" re" moug: mo yuggi yiri shu" lho: tau" loo" loo ge'. Aseing gi nanu" ri nheig myen: ziyo' lhoug zung" nyid baja" o"» ga: tid.

2 SAMUELA 15:20 ပူးပေါင်းရင်းမြစ်များ

1 SAMUELA 23:13

Hougsu" nghoid yoomo David yo' nya: byu yi khyug shoo: koo: nghoid zi dangain" gi Kila voogung mo zi dalheing: dam thu' phang loo" khari" bye:. Kila voogung mo David phang: loo" khari" bye: ga: ziri Sholu shoug" gyoo: lang" nyang: soin' nyid ziri theing: pyam bye:.

2 SAMUELA 2:6

Akhid" Aseing gi nanu" ri nheig khyeug shoomyen: ziyo' mainkaid byid: nyid baja" o". Nanu" koid bye: ziyo' dakhyoo" ti" ngoo we' nanu" ri goolhoo' doem koid byid: wa zi nghoid.

YOHAN 1:17

Mangsoo gi tarha" ri Moshe khyoo" wigi byid: kaid. Nghoidloug we' Jeju" yo" deingmain" zigi Yesu Hkristu khyo" wi ju" loo bye.

AMO 8:12

Mung" byu yigi he: xoo" thoem" mo zi meing: gung panglai: moo ju" sho' xo' lho: wigi mougzhung: mo zi bidthu shoid khyoo: ju" loo" sho' so" lheung: loo" goo" wa zi nghoid. Nyangnu" gi Aseing mungdang: ri joyoo khyi' khang" moo" moo cang sho: yen" goo" wa zi nghoid. Nghoid loug we' nyangnu" gi hau: zigi shau" shoo: goo" wa zi anghoid.

DANG: ZHOEM 14:22

Nang ge da" moo" riza: zei: nyid nghoid rigi byu gooji yi da" loem khau: khyoo: yo' phau" myang: khyoo: ri nang shoug" kham: yu wa zi nghoid. Nang akhyeung" da" moo" ri dazei: nyid nghoid rigi nang shoid abye:.

COUNG" NGHEI 89:14

Re" da" mungdain: gi deingmain" ziyo' nyeung vho, khyoo: moo zheung: tam" to". Nang zei: da" moo" ja: khang" moo" moo jheddab khyoo: yo' zung" da" nheigloem: ri toin" shed nyid.

COUNG" NGHEI 85:10

Jheddab ziyo' zed" lhed nheigloem: zung" da" khyoo: gi dage" bo thu lo wigi deungmain" ziyo' ngei pyo: myenjham" khyoo: gi babug bug go" loo wa zi nghoid.

COUNG" NGHEI 61:7

Mangsoo we"- re" da" shidkhoin" moo nyang: gi apyaid atoo: davhoeb khang" nyid baja". Re" da" geung: teung jhed khyeing: kang: khyeing: yo' nheigloem: zoung" khyoo: khyo" wigi nyang: ri goem loem byid nyid baja".

COUNG" NGHEI 59:15

Nyangnu" gi zoo: noem gyi: sho' ashoug" zo: boem yoomo myeung yen" wigi zoo: noem sho: lheung: yen" da" lakhuid" joem yo' du nyid.

COUNG" NGHEI 57:3

Nyang: gi ngoo ri mougkhung: mo tu" byid: lho: ngoo ri khyoid yu wa zi nghoid. Ngoo ri: zeig zo: nyid bang: ri nyang: oung: pyam wa zi nghoid. Mangsoo gi nya: da" geung: teung jhed khyeing: kang: khyeing: yo' dang: zung" nheigloem: ngoo ri toin" shed loo wa zi nghoid.

COUNG" NGHEI 56:8

Ngoo khasu" kyi" khyeug yau: khe" nyid ziri nang se. Nga" ngougbyid ngougnhab khyoo: ri nang xoem" too" byid: bye:. Re" mougsoug" pug moo: hau: khyoo: boo bye: anghoid la".

COUNG" NGHEI 25:10

Nya: da" deizoo: ri tam" gyoo: byid: lho: nya: dang: thang" cab ri cang ri cang mo, gi jheddab khyo" we' deingmain" khyo" we' khyoo" shed vhu" she: lo" nyid.

DANG: ZHOEM 3:3

Loem, ge" ziyo' jhug zoug da" nheigloem: ri khanham we' ashe: pyam. Hau: ziri re" da" leung zeung: moo" void ci: wigi re" da" nheigloem: khoug: moo: lhed" too" we'.

2 SAMUELA 2:5

Nyang: gi hau: jhang khyoo: lu dang: yo' dage" byu dayham" ri nhang: kaid. «Nyang: ri du: myhoeb pyam khyo" wigi nanu" khokham ri nanu" dang: zung" ziri yo" myang yoomo Aseing nanu" ri mainkaid byid: nyid baja" o".

COUNG" NGHEI 61:8

Houg: yoomo ngoo dang: theing byid: to" ziyo' dakhyoo" ti" nang ri nyid khang" moo" xoin" ngei" byid: nyid wigi nang ri khanham we' jikhoin" yo' coung" nghei byid: nyid wa nghoid.