2 SAMUELA 15:12 - Lacid Common Language Bible

¹² Khokham David da" phajhi" boo dayug nghoid da" Ahithophela gi Gilo voogung moo xoin" ngei" byid: nyid ri Absalom khe: yu bye:. Khokham ri goemlu gyi koid zigi yoem: gyi: re" wigi Absalom jang" moo cang bang: je myo: lug lo da:.

2 SAMUELA 15:12 ပူးပေါင်းရင်းမြစ်များ

COUNG" NGHEI 41:9

Ngoo ri: je nghe: khau: lho: ngoo yo' dage" voem: shoin" zo: da- nga" seing" tain" byencang" yi lang ngoo ri atoug" khyo" gyi dakoid lo.

2 SAMUELA 15:31

Ahithophela gi Absalom da" gyivoo phung: khyoo: vang loo" bye: ga: ziri David shoug" gyoo: lang" nyang: gi «Jeju" mo Aseing we"- Ahithophela da" phajhi" byid: dang: ri dang: kang: aboo wa khyo" thid byid: we' o"» ga: akyu" mho' nyid da:.

YOSHU 15:51

Goshen- Holon- Gilo voomoo" joem nghoid. hau: joem dangain" gi daxe: davoo nghoid wigi hau: aqei: ayam mo voogung joem we' bo da:.

2 SAMUELA 17:23

Ahithophela gi nya: phajhi" byid: dang: ri azheing: cang ziri shau" myang lang" nya: loo zei: moo zhung: wigi nya: co' phyed moug: khyoo: tau" loo" khari" bye:. Nyang: soin' to" moo" zoo" ri bain koid thang: ri nya: gung nyang: tei" lhang" shid: bye:. Nyang: ri ikoin deungkhu: byu yi da" loeb yoo moo myhoeb too" bye:.

2 SAMUELA 17:14

Absalom yo' Israela byumyu" yi dangain gi «Ahithophela da" phajhi" byid: dang: tho' Hushai byid: da" phajhi" dang: gi je" ge da» ga: tid. Absalom adang moo yau: khi" kyi" khyeug shoug" nhang: wa shid re" Ahithophela da" ge phajhi" byid: dang: khyoo: acang wa shid re" Aseing myid phyed to" khyoo: nghoid.

TITU 1:16

Nyang: nu" gi Mangsoo ri se' boem bye"- ga: tid nyid boem nghoid loug we' nyangnu" da" koid moozoo" joem gi nyangnu" ri abo pang" thoug nghoid da. Nyang: nu" gi aco' ajhoid zi nghoid nyid boem wigi yu" vho: phoo" adoid bang- ge da" moozoo" daja: ja: ri zei: soo, wa da" yoem: vhoo" aboo bang: nghoid nyid boem.

YOHAN 13:18

Nanu" dangain" mo, ri ngoo yeung lho: tid zi anghoid. Ngoo khyen: too" mo, ri ngoo se' nyid. Nghoidloug we' Jhoem: mungdang: moo nga" voem: zoo: su: gi ngoori khoo: thang: theing wa ga: lhid" to" zi nghoid.

DANG: ZHOEM 21:27

Akhyeing" ashoeb, mo, xoin" ngei" byid: ziri Aseing ngheung" nyid. Nyangnu" da" nheigloem: moo: age ziri myid lho: ngei" byid: xoin" ri je" ngheung" nyid.

1 KHOKHAM MHOOMYID: 27:33

Ahithophela gi khokham ri phajhi" byid: su: nghoid wigi Akhi byumyu" Hushai gi khokham pho da" byencang" yo' byen phyoo" sham: khyoo: shid su: nghoid da:.

1 KHOKHAM 21:12

Nyangnu" gi zoo: noem jang" wa bidnyid danyid" koid wa khyo" lu dang: fu" bye:. Byumyu" yiri we' dage" khe: zheing" too" bye: ziyo' Nabod ri we' ngi: shab joyoo byid: to" ago".

1 KHOKHAM 21:9

Mougsoug" moo bo zigi «Zoo: noem jang" wa da" bidnyid danyid" ri lu dang: fu" kaid ge'. Byumyu" yiri we' khe: zheing" too" ge'. Nabod ri ngi: shab joyoo byid: to" ge'.

GYUNG: SOO" 23:30

Balag gi nyang: tid ziyo' dayhang: ti" koid bye:. Phoin: loem: khang" moo" moo nuloo: dadu: yo' yang loo: dadu: du: ngei" byid: bye:.

GYUNG: SOO" 23:14

Balag gi nyang: ri Pisga boem gung mo Zophim jang: pa: khyoo: shu" yhe: da:. Houg moo: we' nyang: gi phoin: nyhed loem: ri koid lho: phoin: khang" moo" moo: nuloo: dadu: yo' yang loo: dadu: du: xoin" ngei" byid: da:.

GYUNG: SOO" 23:1

Nyang: gi Balag ri «Nga" shid re" phoin: nyhed loem: ri hid: moo: koid byid: lho: nuloo: nyhed du: yo' yang loo: nyhed du: ri nga" jhang khyoo: she: ri" byid: we'» ga: tid.

2 SAMUELA 16:15

Absalom yo' nya: jhang cang yen" da" Israela byumyu" yi dangain" gi Yerusalem voogung khyoo: vang lo boem wigi nyangnu" yo' dage" Ahithophela we' bo nyid da:.

COUNG" NGHEI 41:10

Aseing we" ngoo ri nheug khyeug yu lho: yang" zain" loo wa khyoo: ngoo ri doem kaid byid: we' houg: lang" nga" gyivoo joem ri latoo: doem yo" phug wa zi nghoid.

DANG: ZHOEM 15:8

Aseing gi byu gi yi akyu" mho' dang: ri vho: ngei nyid. Nghoid loug we' tarha" aci: bang: ci: re" da" xoin" du: joem ri nyang: gi ngheung" nyid.

YEREMIA 6:20

Nyangnu" Sheba mo zi nga" jang" moo ci: ri" byid: da" nam pyo: xu: joem ri ngoo cishu: nhang: byid: la". Moug: vi: mo ci: loo byid: da" xoin" phei" joem ri ngoo cishu: nhang: byid: la". Ngoo gi nyangnu" jhungshug xoin" ri akham: yu byid: wa. Nyangnu" xoin" joem ri we' alhoem: ngei" byid: wa.