2 SAMUELA 14:3 - Lacid Common Language Bible

³ Hau: thang: khokham phoo jhang khyoo: vang yhe: lho: ngoo nang ri khasu" tid wa ein: tid to" ziyo' dayhang: ti" nyang: ri tid wa zi nghoid» ga: tid da:. Hau: thang: khasu" tid wa khyoo: ri Yoab we' myiyi: myhi' ri tid kyoo" bye: da:.

2 SAMUELA 14:3 ပူးပေါင်းရင်းမြစ်များ

2 SAMUELA 14:19

David gi nyang: ri «He: moo" zoo" nang ri Yoab koid nhang: anghoid la"» ga: myid: bye:. Myiyi: myhi' gi «Nang myid: da" dang: khoin" ri mhau' phug tid zi anghoid ein: deing byeung" da" aseing: khokham mo dang: theing too" bye: zi nghoid. He: zigi gyeing" nyang: re" gyizoug: Yoab gi ngoo ri khasu" koid wa khasu" tid wa tid kyoo" bye: zi nghoid.

2 SAMUELA 14:4

Hau: myiyi: gi khokham phoo jhang yhe: lho: phau" myang: ziyo' goeb pid wigi «Aseing: khokham we" ngoo ri bo pang" we' o"» ga: tid.

EZRA 8:17

Ngoo gi nyangnu" ri Khasiphi' mo byuphung: vhujhung: Ido jang" khyoo: nhang: kaid wigi nyang: yo' nya: byencang" yiri Noku Yhoem: Moo" moo Mangso moo" zoo" zei: wa shid re" ngoonu" jang" khyoo: noku yhoem: moo moo" zei: mo, ri nhang: byid: we' ga: pyeung: kaid.

THU' LO" MOUGSOUG" 4:15

Nang nyang: ri dang: yo" tid wa nghoid yoomo nang cenoem tid wa ein: zi nyang: ri tid kyoo" we'. Re" eig yug goin" citid wa ein: zi ngoo bo pang" wa. Re" eig yug goin" cikoid wa ein: zi ngoo tid kyoo" wa.

ESAIA 51:16

Mougkhung: ri ngoo pyo: nghoeb wigi mougmyid da" apoem: ayang: ri zhug to" da:. Ngoo gi Yerusalem ri «Nang gi nga" byumyu" nghoid. Nga" jhau" shid khyoo: ngoo nang ri byid: too" bye:. Houg: lho: nga" lo, wigi ngoo nang ri goem loem byid: bye:» ein: zi nghoid.

ESAIA 59:21

Houg: lho: ngoo nanu" yo' dang: theing koid to". Nanu" ri ngoo byid: to" da" nga" yoem: so' yo' nga" jhau" shid khyoo: gi nanu" shid re" apyaid atoo: nghoid wa. Houglho: akhid" mo zi nanu" gi ngoo ri tid dang: gyo: wigi nanu" da" zoo: shang: yi yo' nanu" da" amyed ashen yiri ju" loo wa da" ayo, goin" moo ngoo ri tid dang: gyoo: wa shid re" jhau" shid ge'» ga: tid da:.

YEREMIA 1:9

Houg: lang" Aseing gi lo, yhoin" kaid lho: nga" nhoid yid ri tain" byid: da:. Houg: lho: nyang: gi ngoo ri «Tam" gyoo: we' ngoo gi nang tid ca" da" dang: khoin" joem ri byid: wa» ga: tid da:.

GYUNG: SOO" 23:5

Aseing gi Balam ri citid wa ziri tid kyo" lho: pyeing: dang: lo" tid kyoo" wa shid re" Balag jhang khyoo: nhang: kaid bye:.

TARHA" TID POIN" 18:18

Ngoo gi nang yhang: te" da" lapi: dayug ri nyangnu" nya: byumyu" yi khoug: mo nyangnu" jhang nhang: kaid byid: wa. Ngoo gi nyang: ri citid wa ein: ziri tid kyo" wigi nyang: gi ngoo amyeing" byid: zi ja: khang" moo" byumyu" yiri xo tid kyo" loo wa.