2 SAMUELA 13:1 - Lacid Common Language Bible

¹ David da" nya: zoo: Absalom moo Tama ga: myheing wigi gung du: young" lho: yhoem: ayoo" shi" nya: nhung" myiyi: zoo: dayug nyid da:. Gootu: David da" nya: zoo: yi mo Amnon gi nyang: ri yu" vho: ngei nyid da:.

2 SAMUELA 13:1 ပူးပေါင်းရင်းမြစ်များ

APOEM AYANG: 29:18

Yaku gi Rakhela ri yu" ngei yoomo nyang: tid zigi «Nang ngoo ri Rakhela yo' lo, xo' byid: wa nghoid rigi nang moo ngoo nyhed zain lang: jhang koid wa» ga: tid.

APOEM AYANG: 29:20

Yaku gi Rakhela ri shoug" yu wa shid re" lang: jhang koid da" nyhed zain gi nya: shid re" bidnyid dajhi' za: kyeing" su" jho: nyid. Khasu" wim gari Rakhela ri jheddab yoomo nghoid.

APOEM AYANG: 34:3

Nghoid loug myiyi: nu" gi gye" yung" yoomo nyang: hau: myiyi: nu" ri jha" yu" jheddab wigi jhed kang: dang: jha" sang: bye:.

APOEM AYANG: 6:2

Mougkhung: mougdi nu" yi dayham" gi myiyi: nu" yi yung" ziri myang yoomo yu" ngei yug ri yhoem: seing: myhi' khyo" khyen: yu boem ago".

2 SAMUELA 11:2

Danyid" da" bidnyid myen" thang: zoo" ri David gi daso' zoo: yhoeb wigi to' lo lho: khokham yhoem: mo yhoemkhung: khyoo: do, lo" bye:. Hougmoo nyang: so" lheing: yen" uri myiyi: dayug nya: yhoem: moo gung cid" nyid ziri nyang: myang kaid bye:. Nyang: gi gye" yung" da:.

2 SAMUELA 13:15

Hau: thang: ri Amnon gi nyang: ri gye" nheig no loo" khare". Shid re nyang: ri yu" vho: tho' re" je" wigi yu" ngheung" byug bye:. Houg: yoomo nyang: gi Tama ri «Thu' loo" we'» ga: tid bye:.

2 SAMUELA 13:2

Nyang: gi hau: myiyi zoo: ri gye" yu" jheddab nghoid loug we' hau: myiyi: zoo: gi zoomyi: zoo: shi" danghoid ziyo' dayhang: ti"- yuggi zoo: yi yo' ashoug" goo" nhang: noug shi" nghoid da:. Hougsu" nghoid yoomo myiyi: zoo: yo' nyang: shoug" goo" wa alei wa yhang: ti" myid wim wigi nya: gung moo noo vang lo da:.

2 SAMUELA 14:27

Absalom gi yuggi zoo: soem" yug yo' Tama ga: da" gye" yung" myiyi: zoo: dayug yo" da:.

1 KHOKHAM 11:1

Sholumon gi tungbau myiyi: myoo" sho' ri jheddab nyid bye:. Egutu khokham da" nya: myiyi zoo: moo lid gootu: Hiti myiyi: yi yo' Moba- Amon- Edom- Sidon mung" mo myiyi: yiri nyang: lo, xo' yu bye:.

1 KHOKHAM MHOOMYID: 3:9

He: yuggi zoo: yi dangain tho' mo agoo" David gi nya: dangcang: myhi' yi khu: byid: da" yuggi zoo: yi we' yo" da:. Nyang: gi Tama ga: da" myiyi: zoo: we' yo" da:.

DANG: ZHOEM 31:30

Yu" young" lamyhu: gi mhau, fain" da" khyoo: nghoid wigi gung du: young" zigi byo, yoin" loo" se' nyid. Aseing ri phoug" tab ngi: byid: nyid su: koem gi coung" nghei byid: wa zi moin: yi" nyid.

DANG: ZHOEM 6:25

Nyangnu" da" young" ziri ayu" ngei nyid nyangnu" da" mhau, mhoid" langi: koid myojid" moo: ayhe: myi" nyid.