2 SAMUELA 11:1 - Lacid Common Language Bible

¹ Thang: zain vang yo, nghoid da" khokham joem meing: zain: yo, doem ju" lo uri David gi Yoab we' nya: moo" voin bang: we' Israela gyizoo: yiri nhang: kaid wigi nyangnu" gi Amon byu yiri oung: pyam lho: Raba voogung ri vang: lheing to" ago" da:. Nghoid loug we' David koem' gi Yerusalem voomoo" moo da nyid nyid da:.

2 SAMUELA 11:1 ပူးပေါင်းရင်းမြစ်များ

2 SAMUELA 10:14

Suri byu yi tang" phang: lo" ziri Amon byu yi myang lang" nyangnu" we' Abishai mo phang: loo" khari" wigi voomoo" khyoo: tau" loo" bye:. Hau: thang: Yoab gi Amon byumyu" yiri khaid zain: nyid jang" mo doem tau" wigi Yerusalem khyoo: tau" loo" khari" bye:.

1 KHOKHAM 20:22

Hau: thang: lapi: phoo gi khokham Ahab jang" yhe: wigi «Doem tau" lo" wigi re" gyi yoem: ri lo" khe: lung: we' akhyoo" ri nyheing" za: lo" koid we'. Ciwim ga: ri Suri khokham gi sang: nheig zain vang khoem" ri doem zain: wa» ga: tid.

1 KHOKHAM 20:26

Zain vang khoem" doem ju" lo uri nyang: gi nya: byu yiri khe: yu lho: Israela byumyu" yiri zain: wa shid re" nyangnu" gi Aphed voomoo" khyoo: yhe: lo" boem bye:.

1 KHOKHAM MHOOMYID: 20:1

Hau: zain- zain vang khoem" ayo, moo: khokham yi gyipui" khyoo: lhung yhe: boem uri Yoab gi gyidab ri shu" vhu" she: wigi Amon mung" khyoo: jhen" vang yhe: da:. Nghoid loug we' khokham David gi Yerusalem moo: nyid nyid da:. Nyangnu" gi Raba voomoo" ri yhe: vang: wigi hau: ziri khaid zain: da:. Houg: lho: hau: ziri phyo' shoin' pyam da:.

2 KHOKHAM MHOOMYID: 36:10

Zain vang khoem" ju" lo lang" Nebukhadneza gi Yehoiakhin ri thung: byu khyo" Babelon khyoo: myheig shu" lo" lho: noku yhoem: jonu" joem ri de" lo" byug da:. Hau: thang: Nebukhadneza gi Yehoiakhin da" nya: goin Zedekia ri Yuda yo' Yerusalem da" khokham koid nhang: da:.

COUNG" NGHEI 60:9

Mangsoo we"- hau: geung: teung da" voomoo" khyoo: ngoo ri hang" shu" yhi: wa nghoid lha". Edom khyoo: ngoo ri hang" shu" yhi: wa lha".

PHAJHI" DANG: 3:8

Nyang: gi jheddab da" ayo, yo" ngheing" da" ayo, meing: zain: da" ayo, yo' meing: dam da" ayo, ri asoo" to" to" da:.

YEREMIA 49:2

Nghoid loug we' Raba voomoo" zeing mo byu yiri gyi khaid pui" thui: ri shoug" gyoo: nhang: wa ayo, ju" lo nyid da:. Hau: voomoo" zeing gi byo, yoin" jo, wigi nya: da" voogung joem gi myidgung khyoo: nge" gyoeb gyo" pyam shoug" wa. Houg: lang" Israela gi hau: mougmyid ri nyangnu" mo yu pyam byid: su: da" lo, mo doem yu wa.

YEREMIA 49:3

Heshbon yi we"- kyi: ngau ge'. Ai voomoo" gi phyo' pyam shau" abye:. Raba myiyi: yi we"- koug ngau ge'. Jid: moo" byimi void wigi koug ngau ge'. Anhung akhoid gei ge'. Nanu" da" yu phara" Moleg gi nya: khainjung yi yo' khokham nu" yi yo' dage" pyoung" shu" lo" zi shau" goo" wa.

EZEKIEL 21:20

Khyoo: dakhaid gi khokham phoo ri Amon voomoo" Raba khyoo: toin" shed wa. Gootu: dakhaid gi Yuda mung" gyidab voomoo" Yerusalem khyoo: toin" shed wa zi nghoid.

AMO 1:14

Houg: yoomo ngoo gi Raba vang khyam: tho' moo myi: ri khyo kaid lho: houg: mo nya: da" gyikhoug: zung joem ri nghe' jhoem" pyam byid: wa nghoid. Houg: gyi zain: nyid da" bidnyid mo yoid nyhoo: thui: thu loo wa ziyo' uglid hau' lo thui: yhang: ti" nheig joem: yo: da" thui: gi damyeung tei" too" wa.

ZEKHARIA 14:3

Hau: thang: ri Aseing gi shid phyang" nyang: meing: zain: lo yu" bye: yhang: ti" nyangnu" ri shu" thu lo" lho: hau: byumyu" yiri zain: loo wa zi nghoid.

TARHA" TID POIN" 3:11

Khokham Oga gi Rephim byumyu" mo lo" thang yug nghoid da:. Nya: gung: ri lugzeing yo' koid wigi tarha" vang da" laki' yo' ke' ri gyi: khyoo: khyug pe: sheing: khyoo: daxe: myid: pe: koo: bo da:. Hau: ziri Amon byu yi da" Raba voomoo" moo akhid" ju" sho' yo" myang ashi".)

1 SAMUELA 18:30

Philisti gyi yi re" said nghoid loug we' gootu: Sholu da" gyizoo: yi tho' David gi je wigi oung: doid nyid bye: zi nghoid. Hougsu" nghoid yoomo David gi je myeing gyi: su: bue" loo bye: zi nghoid.