2 SAMUELA 10:6 - Lacid Common Language Bible

⁶ Amon byumyu" yigi David ri nyangnu" da" gyivoo khyoo" koid pyam bye: ziri boin: loo lang" Berehoba yo' Zoba voomoo" mo Suri gyizoo: eig moin- Toba voomoo" mo damoin eig khyeing" yo' Mekha khokham yo' dage" gyizoo: dakhyeing" ri nyangnu" vhoo" lhung: yu bye: da:.

2 SAMUELA 10:6 ပူးပေါင်းရင်းမြစ်များ

APOEM AYANG: 34:30

Yaku gi Simun yo' Levi tang: ri «Re" tang: gi nga" jang" moo yau: khe" khyoo: ci: lo boem ago". Akhid" gi Khanan byumyu" yi Perizi byumyu" yi yo' he: moug: moo nyid mo, dangain" bang: ngoo ri ngheing" boem wam bye:. Ngoo gi byu myoo" sho' we' ayoo". Nyangnu" dangain" yoem: shoin" lho: ngoo ri thougtheung gyi zain: lo nghoid rigi nyha" yhoem: byu dangain" said pyam zi shoug" wa bye:» ga: tid.

2 SAMUELA 10:5

Hougsu" yoomo nyangnu" yhoem: khyoo: doem tau" loo wa shid re" gye sho' nyid boem ago". Hau: bue" da" khyoo: dangain" ziri David shoug" gyoo: lang" nyangnu" nhoid mei: adoem yug cang cang gi athu loo looza: Yerikho voogung moo nyid nyid ge' ga: nyang: dang: pyeung: kaid da:.

2 SAMUELA 10:7

Hau: lu dang: ri David shoug" gyoo: lang" nyangnu" ri meing: yhe: zain: wa shid re" Yoab yo' gyizoo: dangain" bang: ri nhang: kaid bye:.

2 SAMUELA 16:21

Ahithophela gi «Khokham vang" zung" wa shid re" nyhid: too" kho' da" re" phoo da" dangcang: yi yo' gung shoo" yhe: zoem" khoug: we'. Houg: lang" re" phoo nang ri nya: gyi khyo" soin: yu ziyo' re" thang: cang bang: dangain" yoem: yoo" wa ziri Israela byumyu" yugkhang" moo" si' wa zi nghoid» ga: tid bye:.

2 SAMUELA 8:12

Edom- Moba- Amon- Philisti yo' Amaleg byumyu" yi jang" mo nyang: ci: lo da" lanyhoeb ngei sheing: joem we' Hadadeza jang" mo shoug" yu da" jo, nu' joem ri we' shugbyid: bye: zi nghoid.

2 SAMUELA 8:3

Hau: thang: nyang: gi Uphrad gyid lang da" gyid moin du mo mougmyid ri doem yo" vhoebkhang" wa shid re" Zoba mung" ri vhoebkhang" da" Rehob nya: zoo: Suri khokham Hadadeza ri meing: zain: oung: pyam bye: zi nghoid.

2 SAMUELA 8:5

Damasku voomoo" mo Suri byu yi khokham Hadadeza ri re" bo pang" wa shid re" gyi daphung: ri nhang: kaid uri houg: bang: ri David khaid said yoomo byu eig moin eig khyeing" ri said pyam bye: zi nghoid.

1 KHOKHAM 11:24

tarha" acang da" phung: daphung: da" vhujhung: bue" lo da:. (He: zigi David wigi Hadadeza ri zain: oung: wigi nya: bidnoem gyiphung: nghoid da" Suri byumyu" yiri zain: khyo' pyam thang: ri bue" khyoo: nghoid.) Rezon yo' nya: byu yi Damasku moo yhe: nyid wigi houg moo nya: byu yigi nyang: ri Suri khokham koid nhang: bye:.

2 KHOKHAM 7:6

Aseing gi Suri byumyu" yiri myang: joem gyi myang: rheing" joem yo' gyidab moo" zeing ju" re" nyid da" thui: yhang: te" ziri shoug" gyoo: nhang: da:. Houg: lho: Suri byumyu" yigi nyangnu" ri zain: wa shid re" Israela khokham gi Hiti yo' Egutu' khokham yo' nyangnu" gyizoo: yiri lhoung: boem tuang ga: jho: ago".

COUNG" NGHEI 48:4

Ziun boem ri re" zain: wa shid re" khokham yi dage" zeung: foem nyid abye: go.

THU' LO" MOUGSOUG" 5:21

Nyangnu" Moshe yo' Arun ri «Aseing gi re" tang: koid bye: da" ziri yu" wigi khokham yo' nya: moo" voin bang: ngoonu" ri ngheing" nhang: yoomo re" tang: ri dam byid: wa zi nghoid. Ngoonu" ri said wa shid re" re" tang: nyangnu" ri koid nhang: bye: nhung» ga: tid.

DANG: ZHOEM 25:8

Nang shau" myang da" daja" ja: khyoo: ri tarha" yung" khyoo: yhi: wa zi ahain:- re" thang: khyo" sagse: phoo gi nang tid zi ajoo, ga: tid nghoid ri nang khasu" koid wa.

YEREMIA 40:8

Houg: yoomo Nethania da" yuggi zoo: Ishmaela- Karea da" yuggi zoo: Yohanan- Tanhumet da" yuggi zoo: Seraia- Netopha mo Ephai da" yuggi- zoo: yi Makha mo Yezania bang: gi nyangnu" byu yi yo' dage" Mizpa moo nyid da" Gedalia jhang yhe: lo" ago".

YEREMIA 46:21

Nyang: wigi lhung: to" da" gyizoo: yi lang" gi yoem: abo da" nu: nu" joem yhang: ti" bue" jo, da:. Nyangnu" to' yab wigi gyi: azain: nghoid ago". Nyangnu" dangain" bang: tau" wigi tang" phang: loo" goo" wa. Nyangnu" joem: loo" wa bidnyid yo' nyangnu" byo, yoin" wa ayo, ju" lo abye:.

TARHA" TID POIN" 3:14

Manashe byu kung: mo Yaira gi Geshura yo' Makhathi mougkyoo" ju" sho' nghoid da" Bashan- Argoba khung" goin" ri seing: yu da:. Nyang: gi hau: voogung joem ri nya: myeing ri cang lho: myeing myheing da:. Hau: voogung joem gi Yaira da" voogung joem khyo" myeing akhid" ju" sho' yo" jo, ashi".)

TARHA" AGYI 11:3

Yebtha gi nya: mang: nhung" yi jang" mo thu lo" wigi Toba mung" mo yhe: nyid da:. Houg: moo byugang: yi daphung: ri nyang: zheing" yu lho: nyangnu" gi nyang: yo' dage" so" lam" yen" ago".

TARHA" AGYI 11:5

Hid su" bui" lang" Gilead mo vhujhung: yigi Toba mung" mo Yebtha ri yhe: doem tau" shu" yu ago".

1 SAMUELA 13:4

Sholu gi Philisti dab phyo' pyam da" khyoo: we' Philisti bang: nyangnu" ri ngheing" nyid khyoo: ri we' Israela byumyu" yi dangain" shoug" gyo. Hougsu" yoomo byumyu" yigi Sholu ri Gilgala moo shoug" goo" shang ga: doem khe: kaid.

1 SAMUELA 27:12

Nghoid loug we' Akhisha gi David ri loem ziyo' «David gi nya: Israela byumyu" yi wigi gye" ngheing" nyid yoomo ngoo ri dapyaid goin" dei byid: nyid wa bye:» ga: myid nyid.