2~KORINTHU 7:8 - Lacid Common Language Bible

⁸ Ngoo lhid" foin: kaid da" mougsoug" gi nanu" ri nheig to' kug nhang: zebi: nghoid rigi hau: mougsoug" shau" lhid" kaid ziri-dayo' daboin: kug nhang: zi shau" nyid ga: ziri ngoo boin yoomo koug khyoo: gi jo, lid: loo" bye.

2~KORINTHU 7:8 ပူးပေါင်းရင်းမြစ်များ

Pang Shug 3:19

Ngoo gi ngoo nyang: jheddab mo, dangain" ri jhau" mho' lho: yoobo dam kaid' nyid houg: yoo mo nang gi yhoug: gyen: khyo" koid nyid lho: re" yooboo mo nheigloem: thed' loo re.

2~KORINTHU 7:11

Nanu" da" nheig koug nheig shu: khyoo: ri Mangsoo: khakhyo" ci: nyid ziri yu" yu" ge". Hau zigi nanu" ri khayhi' nheigloem: too, nhang:- nanu" moo yooboo adab loo: ein: da" khyoo" toin" shid' nhang"- ge da" khyoo: ri byui" nhang: noug yoomo nheigloem: gye" to' lo ziyo' nheig dain yoo: nau khyoo" nheigloem: khoug: moo kham, zo: khyoo:- nanu da" loem" jeung" khyoo: moo nheigloem: zug zi shoid' vhang: su: ri shen" yhin wa shid re" jen" jen" nghoid nyid da" khyoo: gi khyoo: khaid gu: khang" moo" moo nanu" ce" yooboo adab loo: ein: ziri toin" shed nyid bye.

2~KORINTHU 7:6

Nghoid loug we' nheig koug nheig nge nyid bang: ri_ pang" thoug yoem: byid: nyid da" Mangsoo gi ngoonu: jang" moo ju" re" da" Titu khyo' wigi ngoonu" ri nheung loem: yoem: doem bo loo nhang.

YOHAN 21:17

Soem" lheing: ein: lheing: we' yesu gi Yohan nya: zoo: Simun we"- nang ngoori jheddab la"» ga: doem myid. Hid: su" soem" lheing: ju" sho' myid: nyid yoomo Petru gi nheig koug lo wigi Aseing: we" nang gi ce: noem ri we' dangain" si' su: nhgoid' - nang ri ngoo jheddab zigi nang se' ga: doem tid. Yesu gi nga" yang joem ri zung" nyid' we' ga: doem tid.

YOHAN 16:6

He: da" khyoo: ri ngoo tid kyoo" yoomo nanu" gi nheig gye" gye" gyo: koug nyid boem ago".

NGOUG JI: 3:32

Nyang: gi ngoonu" shid re" kougshu: nhang: nghoid loug we' ngoonu" ri jheddab khyoo: gi deung wigi yoem: bo nyid.

2~KORINTHU 7:7

Titu ju" ri " yoomo za: we' anghoid- nyang: ri nanu" khakhyo" yoem: lhoem: byid: da" khyoo: ri tid khyoo" yoomo we' ngoonu" myid pyo: khyoo: ri yo" kham: yu boem. Hau: tho' moo gootu: nanu" gi ngoo yo' khayhi' myang goo" nau khyoo: khayhi' nheig nge khyoo: ri nanu" khayhi' nheig koug nheig shu: nyid da" khyoo: joem- ngoori zung: lhoug goin coung: wa da" khyoo:- soin too" bye: khyoo: ri tid kyoo" byid: yoomo we' ngoo akhid" je" wigi gau yi ngeipyo: nyid.

2~KORINTHU 7:9

Nghoid loug we' akhid" koem gi ngoo gau yi nyid bye. Hau: zigi ngoo nanu" ri kug nhang: yoomo anghoid. Nanu" da" nheig koug da" khyoo: gi nanu" da" xang: she" yo' mo kangso' dei da" khyoo: moo-nheugloem: thed, shai" loo bye: yoomo nghoid. Mangsoo gi hau: nheig koug khyoo: ri ci: yhoung: nyid yoomo ngoonu" gi nanu" ri nheig koug noo nhang: khyoo: gi ci" we' aze" bui" loo.

2~KORINTHU 7:12

Hougsu" wigi ngoo hau: mougsoug" ri lhid" foin: kaid nghoid loug we' shoid vhang: nyid su: yoomo we' shoid vhang: shug" su: yoomo anghoid. Mangso shid moo ngoonu" ri nanu" khayhi' jheddab nheig nge" nyid ziri myang nhang: noug yoomo lhid" kaid da" khyoo: nghoid.