2 KHOKHAM 11:2 - Lacid Common Language Bible

² Ahazia da" yuggi zoo: Yosha dayug kyeing" phang: loid lo" byug da:. Nyang: ri goo" bang: yo' dage" alug said pyam zi shau" da:. Nghoid loug we' khokham Yehoram da" myiyi: zoo:- Ahazia da" nya: nhung" nghoid da" nya: nid Yehosheba wigi khyoid yu to" da:. Nyang: ri said pyam ashau" wa shid re" nyang: ri shu" yu wigi Noku Yhoem: Moo" mo yhoeb yab khyoo: shu" vang yhe: lho: Athalia amyang sho' yhe: shoung: to" da:.

2 KHOKHAM 11:2 ပူးပေါင်းရင်းမြစ်များ

1 KHOKHAM 11:17

Egutu khyoo: phang: yhi: mo, nghoid da" Hadada yo' nya: phoo dei zoo: yi Edom byu dayham" za: dadeing da:. (Hau: ayo, ri Hadada gi zooshang: zoo: danghoid shi").

1 KHOKHAM 6:10

Noku Yhoem: Moo" tunggung shoid pyiyam yo' tain" wigi yab khang" moo" 7 pe: dakhyam" myhang: da" soem" zhang bo ayam yab joem we' koid to" da:. Hau: ziri shamu yam khyang joem yo' xo' to" da:.

1 KHOKHAM 6:8

Ayam mo yab nyhoem: thang pyam: mo khoem" duang: gi Noku Yhoem: Moo" da" mougpyi: shoid moo: phang to" wigi eig zhang yo' soem" zhang shid re" zoem" lhang: we' koid to" da:.

2 KHOKHAM 11:21

Yosha gi apyaid nyhed zain moo Yuda khokham bue" lo da:.

2 KHOKHAM 11:3

Yehosheba gi yuggi nu" ri khyug zain yu" coung: lho: Athalia khokham myhi' khyo" vhoebkhang" da" ayo, gyoo: moo Noku Yhoem: Moo" moo nyang: ri nyhid: to" da:.

2 KHOKHAM 12:1

Israela khokham Yehu vhoeb zi nyhed zain ein: zain moo Yosha gi Yuda khokham bue" lo da:. Nyang: gi Yerusalem moo myid: xi: zain vhoeb da:. Nya: myhi' gi Berasheba voomoo" mo Zibia nghoid da:.

2 KHOKHAM 8:16

Ahab da" yuggi zoo: Yoram gi Israela khokham khyo" vhoeb zi wim: zain nghoid uri Yehoshaphad da" yuggi zoo: Yehoram gi Yuda khokham bue" lo da:.

2 KHOKHAM 8:19

Nghoid loug we' Aseing gi Yuda mung" ri anau phyo' shoin' pyam nghoid da:. Ciwim ga: ri nyang: gi nya: dei zoo: David ri nya: amyed ashen yi xo' lho: khanham we' vhoeb wa dangsoo" byid: to" yoomo nghoid da:.

1 KHOKHAM MHOOMYID: 3:11

Yehoram- Ahazia- Yosha-

2 KHOKHAM MHOOMYID: 22:11

Ahazia gi Yehoiada ga: da" Khainjung dayug yo' lo, xo' da" Yehosheba ga: da" nya: nhammoo" dayug yo" da:. Nyang: gi Ahazia da" yuggi zoo: yi mo dayug nghoid da" Yosha ri said pyam shoug" wa nghoid boem da" khokham nu" gootu: yi mo sam zoo: shu" phang: lo lho: Noku Yhoem: Moo" yhoeb yab dayab moo dei zhoo" wa byu dayug yo' nyhoem" shoung: to" da:. Nyang: gi hougsu" shoung: to" da" khyo" wigi Athalia lo, moo shid: wa jang" mo nyang: ri khyoid yu to" da:.

THU' LO" MOUGSOUG" 8:3

Nila gyid lang moo pooleig gye" byeung" re" wigi hau: zi thu lo wigi re" khokham kho"- re" yhoeb yab- re" yoeb yoo- re" gyizoug: yi yhoem: joem re" byu yi re" zooyho' phoid da" myikhyoem yo' zooyho' kang: da" oug" phain' khyoo: lang" do, lo boem goo" wa.

DANG: ZHOEM 21:30

Aseing nang ri thougtheung gyi koid nghoid rigi xangsu: byu yi da" phajhi: koung yeug da" vhu" nug lasi- nheigloem: phajhi" gi nang ri ayo" pang" thoug.

ESAIA 37:35

Ngoo nya: gung ri ngi: shab da" shid mo we' nga" dei zoo: David ri ngoo byid: to" da" dangsoo" yoomo we' ngoo gi he: voomoo ri" lhoug zung" lho: goem loem byid: wa» ga: tid da:.

YEREMIA 33:17

David da" amyed ashen dayug gi khanham we' Israela da" khokham koid loo wa yo'

YEREMIA 33:21

Houg yo' dayhang: ti" ngoo gi khanham we' amyed ashen dayug khokham bui" wa ein: da" khyoo: ri nga" dei zoo: David yo' dang: theing koid too" bye:. Houg: lho: nyangnu" ngoo ri khanham we' dei byid: wa ein: ziri Levi kung: mo khainjung yi yo' ngoo dang: theing koid too" bye:. Hau: dang: theing joem gi khanham we' age byo, yoin" wa.

YEREMIA 33:26

Ngoo tid su" gyeing" nyang: koid bye: ziyo' dayhang: ti"- Yaku da" amyed ashen yi yo' nga" dei zoo: David yo' koid to" da" nga" dang: theing ri ngoo zoem: ci: wa. Abraham- Isag- Yaku bang: da" amyed ashen yiri vhoeb wa shid re" David da" amyed ashen yi' mo dayug ri ngoo khyen: yu wa. Nga" byumyu" yiri ngoo nheig khyeug shoo" myen: wigi nyangnu" ri doem nyid ge yab gi nhang: wa.

YEREMIA 35:2

«Rekhab byumyu" kung: moo bo boem bang: jhang yhe: wigi dang: yhe: tid we'. Hau: thang: nyangnu" ri Noku Yhoem: Moo" moo jo, da" yab dayab khyoo: nyangnu" ri shu" vang yhe: wigi nyangnu" ri zabyid yhid: dajhi' doo" byid: we'» ga: tid.

YEREMIA 36:26

Hau: thang: nyang: gi ngoo yo' nga" moo" seing: Barug ri myheig yu wa shid re" khokham nya: zoo: Yeramela ri yo' Azriela da" yuggi zoo: Zeraia- Abadela da" yuggi zoo: Shelemia bang: ri amyeing" byid: kaid da:. Nghoid loug we' Aseing gi nga" tang: ri shoung: pyam da:.

EZEKIEL 40:45

Hau: yug ngoo ri tid. ‹Hau: mougpyi: shoid khyoo: myonhoo: shu: to" da" yab gi Noku Yhoem: Moo" ri dei byid: nyid da" khainjung shid re" nghoid.

TARHA" AGYI 9:5

Nyang: gi Ophra mo nya: pho yhoem: khyoo: yhe: lho: Gideon da" nya: yuggi zoo: yi nya: mang: nhung" nyhed xi: yug ri lug moo" boem daloem: adang moo za: said toem" pyam da:. Nghoid loug we' Gideon da" zoothang yuggi zoo: Yotham gi gau" jo, yoomo said pyam zi ashoug" nghoid da:.