2 KHOKHAM 1:3 - Lacid Common Language Bible

³ Nghoid loug we' Aseing da" moug: lagyoo: gi Tishbe mo Lapi: Elia ri khokham Ahazia da" lagyoo: yi yo' yhe: shoug" nhang: wigi nyangnu" ri «Ekron yu phara" Balazebu ri dang: myid: wa shid re" nanu" ciwim yhi: go" la". Israela mung" moo yu phara" anyid ein: nanu" myid jhoo: yoomo nghoid go" rhe".

2 KHOKHAM 1:3 ပူးပေါင်းရင်းမြစ်များ

1 KHOKHAM 11:33

Ngoo gi hid: su" koid wa zi nghoid. Ciwim gari Sholumon gi ngoo ri he: pyam lho: tungbau yu phara" joem nghoid da" Sidon yu phara" myhi' Astarte- Moba yu phara" Khemosha yo' Amon yu phara" Moleg bang: ri no' loo" yoomo nghoid. Sholumon gi ngoo ri atam" gyoo: loo: nya: phoo David yhang: ti" tarha" yo' amyeing" dang: joem ri acang loo: za: shoid da" moo" zei: nyid da:.

1 KHOKHAM 17:1

Gilead mung" Tishbe voogung mo Elia ga: da" lapi: dayug gi khokham Ahab ri «Ngoo dei byid: nyid da" Kangso' Aseing Israela Mangso da" myeing khyo" wigi ngoo nang ri tid wa. Ngoo hid: su: doem tid da" ayo, thang: eig soem" zain ju" sho' nghain: jhu" agyoo" moug: avoo wa zi nghoid» ga: tid.

1 KHOKHAM 18:1

Moug: kyug myid kyug zi soem" zain ein: zain ri Aseing gi Elia ri «Nang nyang: khokham Ahab' jang" moo yhe: thu shug we'. Ngoo moug: voo nhang: wa» ga: tid.

1 KHOKHAM 18:36

Myen" thang: zoo" xoin" ngei" yo, ri lapi: Elia gi phoin: khyoo: yhe: wigi akyu" mho' zigi «O" Abraham, Isag yo' Yaku bang: da" Aseing Mangsoo we"- nang gi Israela da" Mangsoo nghoid nyid ziri we' ngoo gi re" deizoo: nghoid nyid ziri we' he: zi dangain" re" amyeing" dang: khyo" koid bye: ziri we' akhid" toin" shid loo we'.

1 KHOKHAM 19:5

Nyang: gi seiggam khyid: moo: jhang" jo, wigi yhoeb pyoo: khare" da:. Moug: lagyoo: dayug gi nyeigdain tung" nyang: ri re" tain" wigi «Too' we' zoo: we'» ga: tid.

1 KHOKHAM 19:7

Aseing da" moug: lagyoo: doem re" wigi nyang: ri eig lheing: ein: lheing: doem re" nhoug" lho: «Too' we' zoo: we' re" gyung: khyoo: gye" vi: shi"» ga: tid.

1 KHOKHAM 21:17

Hau: thang: Tishbe mo lapi: Elia ri Aseing gi

2 KHOKHAM 1:2

Israela khokham Ahazia gi Samari mo nya: khokham kho" yhoemkhung: tho' moo jo, da" gyam" tho' mo byid gyo" wigi xoo: sho' dam dab da:. Houg: yoomo nyang: gi nyang: gi wa agi wa ein: ziri si' wa shid re" Ekron voomoo" mo Philisti yi da" yu phara" nghoid da" Balazebu ri yhe: myid: wa shid re" lagyoo: dayham" ri nhang: kaid da:.

2 KHOKHAM 1:6

Nyangnu" gi «Ngoonu" gi Ngoonu" ri doem tau" loo" wa shid re" tid wigi ‹nang ri Ekron yu phara" Balazebu ri dang: myid: wa nang ciwim lagyoo: nhang: kaid lha" Israela mung" moo yu phara" anyid ein: nang myid jhoo: yoomo nghoid rhe". Nang gi dam agi wa. Nang shid: wa zi nghoid ga: Aseing tid da: ein: lo" tid kyoo" we'› ga: tid da" byu dayug yo' shoug" yoomo nghoid» ga: phug tid ago".

2 KHOKHAM 1:8

Nyangnu" gi «Gougnyhoug shooyid yo' koid da" byi: sheing" void ci: wigi shooyid phyid" cu" cu" ci: da:» ga: tid. Khokham phoo gi «Elia nghoid da» ga: tid da:.

2 KHOKHAM 5:15

Nyang: gi nya: byu yi yo' dage" Elisha jhang tau" lo" wigi «Israela da" Mangsoo mo lid yu phara" gootu: anyid ziri akhid" ngoo si' bye:. Houg: yoomo jeju" khyo" nga" jhungshug ri lhoem: yu byid: la,» ga: tid da:.

2 KHOKHAM 5:8

Bue" da" khyoo: ri Lapi: phoo shoug" gyoo: lang" khokham phoo ri «Nang ciwim yoomo houg yhi' nheigloem: thang myid nhung nyid la". Byu hau: yug ri nga" jhang nhang: kaid we'. Israela mung" moo Lapi: dayug nyid da" khyoo: ri ngoo nyang: ri ci: shug wa» ga: dang: pyeung: kaid da:.

COUNG" NGHEI 76:1

Yuda meing: moo gi Mangsoo ri se ago"- nya: myeing khyang" ri Israela meing: moo phoug" tab, ngi: shab nyid boem ago".

ESAIA 8:19

Nghoid loug we' byumyu" yigi mungdang: joem ri lo, kyo' yu" bang:- dang: so' so'- nyhung: nyhung: ga: tid da" join: zei: bang: jhang yhe: myid: yu goo" wa shid re" nanu" ri tid loo goo" wa. Nyangnu" tid zigi «Gyeing" ga: rigi byu gi dei nyid bang: da" gungthid soobyoo joem yo' shid: bye: bang: ri dang: myid: wigi mungdang: joem ri yo" myid: yu da» ga: boem go" wa.

YONA 2:8

Ce" phoug" adab da" yu phara" soolhoo: no' mo, gi nang ri: dang: azung" boem loo:.

MARKU 3:22

Hougsu" wigi Yesusalem mo gyoo" lo da" tarha" sara dayham ba tid zi gi Bezebula qi: nyang moo bo- hau yu zoug: phoo gi yu joem ri yo" khaid thu pyam wa Yoem nyang ri byid yoo mo nghoid ga: tid boem.

ACTS 8:26

Aseing: da" moug: lagyoo: dayug gi philib, ri too' we' - Yerusalem mo zi gaza: khyoo: ju" yhe: lo" da" khyoo: khyo" moug: thang: shoid khyoo: yhe: loo" we'. (He: da" fu" moo" khyoo: gi dain" pyid' yoo khyoo: nghoid nyid)

1 SAMUELA 17:46

Akhid" nyid" hau: Aseing gi nga" lo, khyoo: nang ri ab byid: wigi nang ri zain: oung: lho: re" vhuloem zain: ceing yu wa zi nghoid. Hau: thang: Philisti gyizoo: yi da" shid: mang joem ri ngho' yo' gau: nyoug joem zoo: wa shid re" ngoo byid: pyam wa zi nghoid. Houg: lang" mougmyid gyab goin" zi Israela byumyu" yi jang" moo Mangsoo nyid ga: ziri se' boem wa zi nghoid wigi