2PETRU 3:9 - Lacid Common Language Bible

⁹ Byu dayham: bang: myed ziyo' dakhyoo" ti"- Mangsoo gi nyang: dang: soo" khoin" byid: too": bye: ziri cang" zei: pyeung wa shid re" ayo' ri lang" lho: nhe" nyid zi anghoid. Nghoid sho' loug we' byu xangsu: dangain" mo, youg: noo yooboo mo lheung: lo wigi hang" we' byo, yoin" lo" zi ashaoug" baja" ga: nyang: vho: nyid yoomo nyang: nanu" tho' moo gyi: sheung: da" nheug loem: toin: shed; nyid.

2PETRU 3:9 ပူးပေါင်းရင်းမြစ်များ

COUNG" NGHEI 77:8

Nyang: gi ngoonu" ri jheddab khyoo: jha" no: pyam lo: wa la". Nya: da" dangsoo" khoin" ri we' phyo' shoin' pyam wam: bye: la".

COUNG" NGHEI 86:15

Nghoid loug we' Aseing we" nang gi nheug khyeug shoo" myen: se' ziyo' jheddab se' da" Mangsoo nghoid. Nang gi khanham we' kham zeing: su: nheigloem: zung" su: yo' nheug khyeug su nghoid.

THU' LO" MOUGSOUG" 18:23

Mangso da" amyeing" dang: yo' dakhyoo" ti" nang he: ziri koid nghoid rigi nang myung: wa zi anghoid. Hau: byumyu" yi dangain" we' nyangnu" moo" bain lho: yhoem: khyoo: yo" loo" wa zi nghoid» ga: tid da:.

THU' LO" MOUGSOUG" 32:32

Jeju" mo nyangnu" yooboo ri khyoid pyam byid: la. Nghoid loug we' nang akhyoid pyam byid: nghoid rigi re" byumyu" yi da" myeing ri nang lhid" to" da" mougsoug" pug mo nga" myeing ri phyug pyam byid: we'» ga: tid.

THU' LO" MOUGSOUG" 33:11

Aseing gi Moshe yo' byu dayug byencang" yo' meing go" nyid yhang: ti" myo, noo: yo' myo, noo: yu" go" wigi dang: doem go" nyid wa zi nghoid. Hau: thang: Moshe gi dab khyoo: doem tau" lo. Nghoid loug we' nya: da" moo" pang" byencang" nghoid da" Nun da" nya: zoolu: zoo: Yoshu gi zoem" da" akhoug: moo nyid kho' shi" wa zi nghoid.

THU' LO" MOUGSOUG" 34:6

Hau: thang: Aseing gi nya: shidkhoin" khyo" lo" wigi «Ngoo Aseing Mangsoo gi jheddab ziyo' nheig khyeug shoomyen: da" myid byeung" su: nghoid. Ngoo gi lo, lei za: nheig se' yoo: su: anghoid. Ngoo gi jhed myid yo' jhug zug myid ci: shug su: nghoid.

PHAJHI" DANG: 8:11

Byu yigi ciwim yoomo yooboo sho: moo" ri lei lei za: koid thu boem loug la". Ciwim gari yooboo moo" ri yooboo dam myab abyid: boem yoomo nghoid da:.

ESAIA 30:18

Nghoid loug we' Aseing gi nanu" ri nheig khyeug yu wa shid re" lang" nyid wa. Nyang: gi khanham we' jo zi koid yoomo nanu" ri nheig khyeug yu wa jen" jen" nghoid da:. Aseing ri khau: nghe: bang: gi ngei pyo: ago".

ESAIA 46:13

Ngoo gi oung: doid da" bidnyid ri jhang lo nhang: nyid hau: zigi dajhi' we' avi: loo. Nga" oung: doid khyoo: gi thang: agyoo" wa. Ngoo gi Yerusalem ri khyoid yu lho: Israela ri ngoo ngi: shab byid: wa» ga: tid da:.

EZEKIEL 33:11

Ngoo yoem: moo" bo Aseing gi deing deing dei nyid ziyo' dayhang: ti"- yooboo yoo" bang: shid: lo" ziri ayu" gau ein: ziri nyangnu" ri tid kyoo" we'. Nyangnu" gi yooboo shoid ziri theing: pyam lho: kangso' dei nyid ziri ngoo je myid vho: da:. Israela we"- nang koid nyid da" akhyeing" moo" ri theing: pyam we'. Nang ciwim yoomo shid: nau la"

DANIELA 4:29

Lhammoo" daxe: eig khyab shi" dakyo: thang: ri Babelon mo nya: da" khokham khoo" yhoemkhung: dang mo so" ei" yen" uri

HABAKU 2:3

Hau: zigi bue" loo wa ayo, aju" shi" yoomo lhid" cab yo' nyang: lhid" too" we'. Nghoid loug we' hau: ayo, gi myab myab ju" lo nyid lho: ngoo nang ri toin" shed khyoo: gi gyeing" nyang: bue" loo wa. Bue" loo wa khyoo: ne" nyid yhang: ti" nghoid loug we' dalang" nyid we'. Hau: zigi deing" deing ju" loo wa zi nghoid wigi ne" thang: gyo" nyid wa zi anghoid.

Roma 13:11

Nanu" gi nyang: nya: yhoeb' jo yoo mo so" to' loo wa ayo, ju" bye: zi ri si' yoomo jhed' khyeing: kang: khyeing: tei" go" boem ca" bye. Khasu" ga: ri ngoonu" khyoid' yu shau" wa da" ayo, bidnyid gi Aseing Yesu' ri ngoonu" loem" jeung" shid" da" ayo mo je" ri jhang ju" lo nyid bye: yoomo nghoid.

Roma 13:12

Myen" ayo, lid lo" nyid bye. Nyid" kyo' ju" loo wam bye:- houg: yoomo ngoonu" gi moug: coid' mo da thung" khing sam" ved ri acang boem looza: bidbang moo ci: ca" da" gyikhin' lagnag ri yu ci: boem ca" bye.

Roma 2:4

Houg: za: we' anghoid shi" - nang gi Aseing jheddab nheig khyeug nyid da khyoo: - nheigloem: sheing: byid nyid khyoo: yo' kham' zeing: byid nyid da" khyoo: ri aphoug" akhyoid' koid' bye. Mangsoo: gi nang ri ngheig loem: thid' loo wa shid' re" - khyoo: shid' byid: nyid yoomo - Mangsoo: jheddab nheig khyeug da" khyoo: ri nang deing" deing si bye.

Roma 9:22

Mangsoo: we' - houg: yo" dakhyoo" ti" koid. Mangsoo: gi - yo: phoin: myo nhoo: toin" shid' lho: nya yoem vhoo" phung" ri se' lo boem wa shid' re" - vho: ngei nyid. Nghoidloug we' nheig yo: zi thoung" shau" lho: byo yoin" shid: joem: loo" moin: mo ri gye kham zeing: yau: nyid.

1 TIMOTHI 1:16

Nghoid loug we' Mangsoo ngoori nheig khyeug yu da" khyoo: gi thang: phyang" pyaid Aseing: ri loem" jeung" wigi apyaid' ato: kangso' yo" yu wa bang: dangain" mo, shid re" yu" yu ge da" khoo" shid: daloem: bue" jo, baja"- Khristu Yesu gi ngoo yhang: te" da" yooboo yoo" mo, mo ca" thang su: da" atho' moo nya: da" nheigloem: gyi: sheung: kham, zeung: khyoo: ri toin" shid' byid: nyid zi nghoid.

1 TIMOTHI 2:4

Nyang: gi byu dangain" mo, khyoid yu zi shau" lho: hau: deingmain" da" khyoo: ri se' loo wa shid re" vho: ngei nyid khyoo: nghoid.

HEBRE 10:37

Khasu" wim gari jhoem: mungdang: moo " daso' ri ju" ri" wa su: gi ayo, daso' lang" ju" ri" wam: bye- Nyang: gi no: nyid theung: nyid wa zi anghoid.

1PETERU 3:20

Hau: da" venyi joem gi No-a sangphoo' yhoem: zhug nyid uri Mangsoo gi nheigloem: sheing: sheing: lang" nyid da" ayo, moo nya: mungdang: ri atam" gyoo: mo, da" venyi joem nghoid. nghoid loug we' gyid mo yo" khyoid yu mo, gi sangphoo' khoug: moo dajhi' za: date: bo lho: nghab shang ein: rigi shed' yug za: date: nghoid.

2PETRU 1:4

He: khyoo: yoomo gye" gyi: sheung: wigi phoug" dab da" jeju" jhung: shug yo' sen: lho: wigi-dang: soo" khoin" joem nyhang" ri byid: too" bye. Hougsu" nghoid yoomo he: da" jeju" joem khoug: moo-ngoonu" gi moug myed tho' moo lhu: phyo' lhu: shoin' se' da" vhoo: boo loug gyi: khyoo: mo loid byoin lo" lho: Mangso aved' ri yo" wang zhoug" yu goo" baja".

2PETRU 3:15

Ngoonu" jheddab da" mangnhung" Polu we' Mangsoo byid: ga" phajhi" juyhi: yo' dakhyo": ti"- nanu" jhang da' khyoo: mougsoug" lhid" kaid ziyo' dakhyoo: ti"- yha" Mangsoo kham, zeung: lho: lang" nyid khyoo: gi nanu" khyoid yu zi shau" wa shid re" akhang" byid: ziri myang se' nyid ge'.

Pang Shug 2:21

Nyang: ri nya: yooboo mo nheigloem: thed loo wa shid re" ngoo ayo, byid: too" bye- nghoid loug we' nyang: gi nya: avoid avhu: koid khyoo: mo nheigloem: anau htid' loo: nghoid da.