2PETRU 3:3 - Lacid Common Language Bible

³ Hau: da" lo" thang bidnyid joem moo gi nyang: tu: nya: gungshoo" aco' ajhoid da" nheugloem: vho: khyo" cang wigi kangso' dei bang: thu' loo wa ziri dangain" da" shid moo se' too" ge'. Nyangnu" gi nanu" ri juang" yi zoore"- Hau: Aseing: doem ju" ri" wa ga: dangsoo" khoin" byid: to" anghoid goo" la". akhid" nyang: khayoo: lo" lha".

2PETRU 3:3 ပူးပေါင်းရင်းမြစ်များ

DANG: ZHOEM 1:22

Nheig agyeung: da" mung" byu we"-nanu" gi khamyhang ju" sho' akhyeing" ashoeb koid nyid goo" wa lha". Nanu" gi khamyhang myang" sho'-lasi phajhi" ri juang" yi nyid wa ein: go" lha". Nanu" gi khanham we' ajhau" yu loo: wa ein: go' la".

DANG: ZHOEM 14:6

Nghoid boin: da" byu yigi khanham we' phajhi" bo byu age bui"- nghoid loug we' lasi phajhi" bo da" byu yi koem gi- phajhi" ri lei za: yo" jhau" yu nyid.

DANG: ZHOEM 3:34

Nheigloem: myhang: lho: nghoid boin: wigi juang" yi nyid mo, ri nyang: gi juang" pyam nghoid loug we' khyo' nyhoem: se' da" byu yiri koem gi jeju" koid byid: nyid.

ESAIA 28:14

Akhid" Yerusalem mo he: byumyu" yi adang mo vhoeb nyid da" khuang bang: we"- Aseing tid nyid ziri tam" gyoo: ge'.

ESAIA 29:20

Hau: zigi subi" gootu: ri zeig zoo: bang: yo' Aseing ri aphoug" akhyoid koid shug bang: da" lo" thang ayo, nghoid wa. Yooboo yoo" bang: yugkhang" moo" ri said toem" pyam wa.

ESAIA 5:19

Nanu" gi ngoonu" hau: ziri shau" myang wa sho' nyang: koid wa ga: tid to" da" moo" ri myab myab Aseing ri koid nhang: boem shang. Nyang: soin" to" da" moo" joem ri Israela da gyeung" shang: Mangsoo ri koid nhang: shang. Nya: myid moo cibo ziri ngoonu" yu" boem shang» ga: tid ago".

HOSEA 7:5

Khokham da" pui" bidnyid moo nyangnu" gi khokham phoo yo' nya: gyizoug: phoo yiri yhid: jhug lho: zabyid yhid: wigi yed nhang: ago".

YOHAN 12:48

Ngoori alhoem yu lho: nga" mungdang: akham: yu su: ri dang: phyed' wa dayug nyid. Houg: nga" Mungdang: wigi nyang:- hau: yug ri lo" thang da" bidnyid moo Tarha" agyi khyo" dang: phyed' wa zi nghoid.

2~KORINTHU 4:2

Nyhang" gi yhoem" too" zau" to"- nghoeb to" da" moozoo" asho, ashed" moo" dangain" ri ngoonu" jhoid she: pyam boem bye. Ngoonu: gi mhau' fain" khyo" akoid loo: za: Mangso da" mungdang: ri we' mhau' fain" vo- aphug alhoin" atid boem ngoonu" gi Mangso da" shid khoin" moo hau: deung main" da" khyo" bidbang moo kangso' yeug co: phyu: da" nheugloem: bo loo sho' zei: so' so" yen" boem.

2 TIMOTHI 3:1

Lo" thang da" bidnyid moo yau: khe" da" ayo, gi ju" loo wa ziri se' nyid we'.

HEBRE 1:2

Nghoid loug we' he: da" lo" thang apyaid' ayo, moo koem gi nya: zo: nhoid mo wigi ngoonu" ri nya: mungdang tid too" byid: bye. Hau: nya: zoo: yo' nyang: jo, moo jo, ri phain" so: too" byid: bye. Lo" thang jang" moo gi mougmyid jo, moo jo, ri vhoeb khang" wa nyang: ri Aseing bui" wa shid re" khyen: nyheung too" bye.

2PETRU 1:20

Hang" nghoid sho' loug we"- nyang: tu: nyang: myed vho: khyo" jhoem: mungdang: mo lapi: dang: khoin" da: dang kang: ayo" koid: yu ziri dangain" da" shid moo xoem" too" ca" nyid.

2PETRU 2:10

Je" wigi gungsho" da" aco' ajhoid- nyam, da" khyoo: mo: zheung: cang nyid boem wigi Mangso da" amyeung" akhang" ri aphoug" akhyoid koid nyid bang: gi houg: yhang: te" khyoo: deung" deung shug wa zi nghoid. He: da" mhau' sara yi gi gye" ngi thu' boem wigi-nghoid boin: boem ziyo' tho' phung" yoeb boo bang: ri phau" myang: khyoo: atoin" loo: za: nyangnu" ri juang" yi geisang: boem da.

1YOHAN 2:18

Nga" zoo: yi we"- lo" thang bidnyid jhang loo, bye. Nanu" ritid kyoo" bye: ziyo' dakhyoo" ti"- Khristu da" gyivoo phoo ein: su: gi ju" nyid bye: nghoid yoomo akhid" lang" gi Khristu da" gyivoo myoo" sho' thu' loo: bye: zi nghoid wigi lo" thang bidnyid jhang bye: ziri ngoonu" se' nyid boem bye.

YUDA 1:16

He: da" byu phung: yi gi khanham we' kyiyang myeung zoore"- byen, cang" ri yooboo za: te: se' foin: nyid bang: nghoid- nyang: nya: da" anyhoin: athoung" akhyeing: ashoeb da" nheigloem: khyo" cang lho: te: se' koid mo, nghoid. Nyang: nya: da" khyoo: ri phau: khuang se' nyid nyang: nya: da" akyu" yo" yu wa jang" moo yen, gi byen, cang" rimhau, coung" byid: se' nyid boem.

YUDA 1:18

Khasu" wim ga: ri lo" thang da" bidnyid moo nanu" ri juang" yi lho: wigi nyang: nya: vhoo: boo: myo, no, da" nheigloem: axoug" ri cang mo gyeungshang: da" Venyi ri ayo" yu mo