2PETRU 3:2 - Lacid Common Language Bible

² Gyeungshang: da" lapi: yi shid phyang" tid kyo" to" dang: ri we'-nanu" lagyoo: yi da" lo, khyo" wigi khyoid yu da" Aseing: tid to" amyeung" dang: joem ri we' ngoo nanu" ri doem myed boin: nhang: nau nyid.

2PETRU 3:2 ပူးပေါင်းရင်းမြစ်များ

LUKA 1:70

Aseing: gi ngoonu" ri gyivoo yi da" lo, mo we' ngoonu" ri ngheing" mo, da" lo, mo we' khyoid yu wa da" shid' re"

LUKA 24:27

Hau: thang: ri-Yesu gi xang: shi" da" Moshe da" mougsoug" pug moo boda" jhoem: dang: mo wigi Lapi: yi tid to" da" mungdang: dangain" moo nyang yo" sen: da" jhoem: mungdang: dangain" ri he: eig yug ri tid pang kyo".

LUKA 24:44

Hau: thang: ri nyang: gi Moshe da" tarha"- Lapi: yi da" tarha" mungdang: yo"- coung" nghei mougsoug" moo nga" khyoo: yo" sen: wigi lhid" to" da" khyoo: joem gi bui" nyang: bue" loo wa ein: wigi nanu" yo" dage" nyid shi" uri ngoo tid kyoo" bye: the,- ga: nyangnu" ri tid.

ACTS 10:43

Nyang: ri loem" jeing" bang: yug khang" moo" gi nya: myeing mo amyeing" akhang" khyo" wigi yooboo khyoid pyam' byid: zi shau" wa shid re" nya: khyoo: yo' sen: lho: lapi: yi dangain" bang: gi tid boem abye: go" ga: tid.

ACTS 28:23

Houg: yoomo nyangnu" gi Polu yo' bidnyid deing go" ci: ago". deing go" to" da" bidnyid moo Polu nyid da" joyoo moo byu myoo" sho' zeung: ju" re" boem ago". Polu gi nab, kyoo mo zi moug: coid' sho' Mangso mungdain yo' sen: da" mungdang: joem nyangnu" ri phoid: sho' kyo" wigi Moshe tarha" yo' Lapi: yi da" jhoem: mungdang: ri gung: nhi" kaid' lho: Yesu ri nyangnu" gi loem" jeung" loo sho' kho" kyo".

ACTS 3:18

Mangsoo nya: da" Meshia gi dayam, dayoo: kham, zoo: wa nghoid ga- Mangsoo gi goonhaam gooco, mo Lapi: yi dangain" khyo" tid fu" to" lho: hau: lapi: dang: gi hid: bue" nyid khyo" wigi joed byeung" loo nhang: bye.

ACTS 3:21

Mangsoo gi goonham mo Nya: gyeungshang: da" Lapi: yi nhoid dang: khoin" thui: khyo" tid kyo" to" ziyo' dakhyoo" ti" ja: khang" moo" ri aseig doem koid pyam da" ayo, aju" ju" gi Nyang: gi moug: khung: tho' moo nyid nyid ca" da.

GALATI 6:2

Nanu" nyang: cang" dayoug yoovoin, ri dayug- bo pang" voin goo" ge'- houg: su" nghoid lang" gi nanu" Khristu da" Tarha" ri cang pyeung zi nghoid wa.

Ephesu 2:20

Nanu" gi lagyoo: yi yo' lapi: yi zhoug to" da"-apoem: ayang: moo poug zhug do, loo" shau" mo, we' nghoid- Khristu Yesu nyang: koem gi hau" yhoem: mo geung: teung ayang: lug boem nyang: nghoid bye.

Ephesu 3:5

Lai loo" bye: da" ayo, joem moo he: no, thang da" khyoo: byu xangsu: yi ri atid kyo" yu" shi"- Nghoid loug we' Mangsoo gi akhid" nya: da" gyeungshang: lagyoo: yi yo' Lapi: yi ri hau: venyi khyo" wigi pang shug byid: bye.

1 TIMOTHI 6:14

Nang gi nang ri amyeing" byid: to" da" khyoo: ri tam" gyo: wigi Khristu doem, thu myang loo wa da" ayo, bidnyid ju" sho' kyed, kyed za: cang pyeung nyid we'.

2PETRU 2:21

Deung byeung" khyoo: ri bain se' yu lho: nyangnu" ri ab byid: too" bye- hau: gyeungshang: da" amyeung" mungdang: mo ve: gang: loo" wa tho' moo hau: khyoo: ri dajhi' we' asi loo: nyid rigi je ge nyid.

2PETRU 3:15

Ngoonu" jheddab da" mangnhung" Polu we' Mangsoo byid: ga" phajhi" juyhi: yo' dakhyo": ti"- nanu" jhang da' khyoo: mougsoug" lhid" kaid ziyo' dakhyoo: ti"- yha" Mangsoo kham, zeung: lho: lang" nyid khyoo: gi nanu" khyoid yu zi shau" wa shid re" akhang" byid: ziri myang se' nyid ge'.

2PETRU 3:16

Polu gi he: khyoo: yo' sen: lho: nyang: lhid" da" mougsoug" jhoem moo houg yo' dakhyoo" ti" lhid" shed nyid. Nya: mougsoug" moo bo da" akhyoo" dayham" gi-se' gyoo: wa zi youg; yoo mo akoo" afang: bang: yo' nheig loem: khyeing" khyang: avim bang: gi shoid' vang ago" khyo" dangkang: phoid: yu ago". Gootu: da" Jhoem: mungdang: ri we' hougsu" shoid yoomo nyangnu" da" byo, yoin ‹ lo" khyoo: ri nyangnu" nyang: koid yu boem ago".

YUDA 1:17

Nhgoid sho' loug we' jheddab da" bidnoem yi we"- ngoonu" da" Aseing Yesu Khristu lagyoo: yi - shid' phyang" khasu" ga: tid too" khare" khyoo: ri myid' boin: nyid ge'.

Pang Shug 19:10

Ngoo gi nyang: ri pid' wa ein:- nya: khyid: yang: moo goeb khyoo, nghoid loug we' Nyang: gi " Houg: su" akoid- ngoo gi nang yo' re" mang: nhung" yi yo' dakhyoo" te"- dei zoo: dayug nghoid lho: Yesu da" pang shug da" deingmain" khyoo: ri zei: ci: mo, danghoid. Mangso ri noku we' ga: ngoori tid. Khasu" wim gari Yesu da" pang (shug deingmain" da" khyoo: gi Lapi: yi ri venyi yoem: byid: nyid zi nghoid.