2PETRU 2:4 - Lacid Common Language Bible

⁴ Mangsoo gi yooboo koid da" moug: lagyoo: yi ri lang" gi khyam" sa: abyid: loo: za: ngarai khyoo: khyo' pyam lho: wigi hau: joyoo mo moug: coid khoug: moo myeug" tei" to" wigi tarha" dang: phyed' wa da" bidnyid ri dalang" nyid nhang.

2PETRU 2:4 ပူးပေါင်းရင်းမြစ်များ

YOBA 21:30

Mangsoo nheig yo: wigi yooboo dam byid: da" bidnyid moo Khanham we' nheig se' khyeug su: gi akhyeing" ashoeb su: bue" lo da:.

YOBA 4:18

Mangsoo gi mougkhung: mo nya: dei zoo: yiri aloem. Nyang: gi nya: da" moug: lagyoo: yiri lang" yooboo yo" myang byid: da:.

COUNG" NGHEI 78:50

Nyang: gi nya: da" nheug yo: nheigloem: ri ano: too" loo: za: Nyangnu" da" kangso' ri ce: vhoo" abyed loo: za: noobau: phyoobau: yo' nyangnu" ri said pyam bye:.

ESAIA 14:12

O" nab soin: boo" myhu"- Nab soin: moug: bo" nya: zoo: we"- nang gi mougkhung: mo gyo" byug bye: nhung: la". Lai lo da" ayo, moo nang gi byumyu" yiri oung: lo da:. Nghoid loug we' akhid" nang gi myidgung khyoo: du" khyo' pyam zi shau" abye:.

EZEKIEL 5:11

«Houg: yoomo ngoo gi kangso' dei da" Mangsoo nghoid ziyo' dayhang: ti" he: zigi yoem moo" bo Aseing da" mungdang: nghoid. Nang gi nga" Noku Yhoem: Moo" ri akhyeing" moo" dangain" yo' nang koid bye: da" aco' ajhoid moo" wigi ayung" alho' bui" nhang: pyam yoomo ngoo gi nang ri nheig khyeug myid aboo loo: za: thougtheung pyam wa.

EZEKIEL 7:4

Ngoo gi khyam" sa: abyid: wa anghoid lang" nheig khyeug myid dajhi we' aci: shug wa. Nang koid lid: lo da" aco' ajhoid moo" zoo" joem gang mo nang ri ngoo yooboo dam byid: loo: wa. Houg: lang" ngoo Aseing nghoid ziri nang se' loo wa"» ga: tid.

EZEKIEL 7:9

Ngoo gi khyam" sa: abyid: wa anghoid lang" nheig khyeug myid dajhi we' aci: shug wa. Nang koid lid: lo da" aco' ajhoid moo" zoo" joem gang mo nang ri ngoo yooboo dam byid: loo: wa. Houg: lang" ngoo Aseing nghoid ziyo' nanu" ri yooboo dam byid: su: nghoid ziri se' loo wa» ga: tid.

MATHE 25:41

«Hau: da" thang: ri khokham" gi lo, koung" shoid khyoo nyid mo, ri ‹joem: so: zhung" da" byu yi we"- nga" jang" mo gang: loo" ge'. Yu satan: yo' nya: lagyoo: yi shid re" ein: nyheing to" da:- moo myi: apyaid atoo: thoem" khyoo vang loo" ge'› ga: tid.

MATHE 8:29

Nya: eig yug gi «Mangso da" nya: zoo we"- nga" eig yug nang yo" cisen: lha". ayo, aju" shi" ri nga" eig yug ri shen" wa ein: nang ju" re" la"» ga: wigi nyho: tid ago".

MARKU 5:7

Houg: su" wigi nyang: thui: zeing yo' nyho: tid zigi myhang: thang da" Mangso: nya: zoo: Yesu we"- nang yo" ngoo cisen: go" lha". ngoori ashen" baja"- Mangsoo myeung lang: lho: ngoo mho' da:- ga: tid.

LUKA 10:18

Yesu phoug tu" zigi-Moug khung: mo -satan gi lhab, myeig yhang: ti" byed gyoo" lo" zi ngoo myang.

LUKA 8:31

Yu joem gi nyangnu" ri no, thang da" duang: khoug: moo akoin" khyo kaid ga: toung" pain: ago".

YOHAN 8:44

Nanu" gi nya: phoo yu satan da" nya: zoo: nghoid yoomo nanu" nya: phoo vho: da" khyoo: moo cang koid; nyid boem. satan gi xang: shid" mo nyang: byu said da" sarhi' nyang: nghoid. Nyang: moo deingmain" zi ci" we' aboo nghoid yoomo deung main" ziri asi- se' mhau' fain" su: nghoid. Nyang: gi mhoug mo, dangain" da" nya: phoo nghoid yoomo nya: void voo: yo' dakhyoo" ti" mhoug nyid.

Roma 11:21

Mangsoo: gi zhainlun: gam mo akhang: dab gu akung: yhang: ti" nghoid mo ri lang" vhoo" abyid: nghoid rigi - khasu" wigi nang ri vhoo" se' byid: wa la".

Roma 8:32

Mangsoo: gi nya: zoo: gyeing" ri - vhoo" abyid' looza: - ngoonu" dangain" mo shid' re" gung leig xoin" to' pyam' bye: nhung. Ngoonu" shid' re" nya: zoo: ri byid: da" Aseing gi zi jo, moo jo, ngoonu" ri noug noug za: abyid: loo: khasu" se' nyid wa la".

TARHA" TID POIN" 29:20

Aseing gi houg: te" yug ri yooboo akhyoid byid: wa. Hau: gungthid Aseing da" nheig yo: nge" da" myiyham: gi nyang: ri nge" zang" wigi bain joem: shid: sho' he: mougsoug" pug moo lhid" to" da" yau: khe" yoem" dangain" gi nya: adang moo gyo" zang" loo wa.

2PETRU 2:11

He: da" mhau' yen" sara yi tho' moo-yoem: je bo da" moug khung: lagyoo: yi lang" Aseing: da" shid moo nyangnu" ri rue" juang" yi ziyo' yooboo foin: khyoo: akoid yu".

2PETRU 2:5

Mangsoo gi shid phyang" mo da" moug: myed byu xangsu yi ri we'-khyamsa: abyid: loo: za: tarha" aphau" cang da" moug: myed byu xangsu: yi da" moug: myed ri tigyid shi, pyam bye. deung byeung" khyoo: ri tid kyoo" su:- Noa yo" gootu: byu nyhed yug ri za nyang: khyoid yu bye.

2PETRU 2:9

Hougsu" nghoid yoomo Mangsoo gi-tarha" phau" cang nyid bang: ri-nyangnu" thoung" shau" nyid da" jham" cau" da" akoug: mo wigi-khakhyo" khyoid yu wa ziyo'-akhyeung" ashoeb bang: ri tarha" dang: phyed' da" bidnyid ju" sho' khakhyo" wigi shen" yhen wa khyoo: ri we' nyang: se' nyid.

1YOHAN 3:8

Yooboo ri za: daxo, nyhen" zei: loo" su: hang" nghoid loug we' yu satan yo' sen: su: nghoid nyid. Khasu" wim gari yu satan gi xang: shed" mo nyang: yooboo koid su: nghoid nyid. Houg: yoomo yu da" moozoo" ri phyo' shoin, pyam wa shid re" Mangso da" nya: zoo: gi po" thu' loo bye.

YUDA 1:13

Nyang: nu" gi gye" thain: da" panglai being: mhoid' yhang: ti" du nyid wigi nyangnu" koid da" asho, ashid: moozoo" we' panglai gyid nyoeb, yang: ti" thu' nyid. Nyang: nu" gi akhyoo" acang da" kyimeing: lam" kyi: joem yo' we' du nyid nyangnu" shid' re" Mangsoo gi apyaid' ato: joyoo daloem: ri no, athang da" moug: coid' khoug: moo nyheung too" bye.

YUDA 1:6

Nyang: nyang: yo" jo, da" amyeing" akhang" ri ci: lid' lo" lho: wigi nyang: nya: da" joyoo ri she: pyam' kho' da" moug: lagyoo: yi da" khyoo: ri we' myid' boin: yu" ge'. Mangsoo gi nya: tarha" dang: phyed' wa da" bidnyid zeing moo houg: bang: ri yoobo dam kaid' wa shid re" moug: coid' thung: khoug: moo apyaid' ato: da" joto' jangcoo" yo' datei" to.

Pang Shug 20:10

Hau: thang: rinyang: nu" ri mhau' da" main: yu we' myi: yo' fang nge" nyid da" thoem" khoug: khyoo:- du" khyo' kaid' zi shau" bye- hau: jang" moo hau" akhyeung" da" gougnyhoug ni zeing yo' mhau' da" lapi: joem we' loung" jo. Nyang: nu" ginyid" rimyen" ri kyi" kyeig shau" nyid ziyo' apyaid' atoo: moo daloung" jo, boem wa nghoid.