2PETRU 2:1 - Lacid Common Language Bible1 Lai: lo" bye: da" ayo' moo byu yi jang" moo mhau' da" lapi: yi thu' lo boem ziyo' dakhyoo" ti"- nanu" jang" moo we' mhau' da" sara yi thu' loo boem nghoid. Nyangnu" gi lhu: phyo' lhu: shoin, khyoo: adeung amain" jhau" mho' da" khyoo: joem ri shu" vang lo wigi nyang: tu: nyang: ri khyien: yu bye: da" Aseing: ri ngeug pyam boem wa zi nghoid. Hougsu" koid yoomo nyangnu" gi nyangnu" da" atho' moo byo, yoin" lo" khyoo: gi myab myab, ju" loo nhang: boem wa zi nghoid. အခန်းကိုကြည့်ပါ။ |
2PETRU 2:1
73 ပူးပေါင်းရင်းမြစ်များ
«Israela da" Mangsoo- myhang: thang Aseing gi nya: myeing moo nanu" ri mhau' tid da" bang: nghoid boem da" Kolaia da" yuggi zoo: Ahab yo' Maseia da" yuggi zoo: Zedekia da" khyoo: yo' sen: wigi tid to" da:. Nyang: gi nya: eig yug ri Nebukhadneza da" yoem: so' khoug: moo ab pyam wigi hau: yug gi: nanu" myo, jang moo hau: eig yug ri said pyam wa.
Voomoo" mo zoug: yigi khougvhoid jhungshug yoo" wa shid re" vhoebkhang" nyid ago". Khainjung yi we' aphoug" yoo" wa gu: za: tarha" ri phid: jhau" byid: nyid ago". Lapi: yigi ngei yoo" wa shid mo nyangnu" nya: da" yoeb myang ri toin" shid nyid ago". Hau: lho: nyangnu" dangain" mo, «Aseing gi ngoonu" yo' dage" nyid» ga: tid fu" nyid ago". Nyangnu" gi «Ngoonu" moo ce" yau: khe" khyoo: we' aju" wa Mangsoo gi ngoonu" yo' dage" nyid» ga: tid.
Yoem: moo" bo da" Aseing gi hidsu" ga: tid nyid «Ngoo ri dang: phyed wa shid re" nanu" da" mo, phung: gung moo thu myang loo wa. Fa" zo: yen" mo, soem" lid shoo: mo, adeing amain" khyo" jham' tang: mo, vhu" kung: yiri vhu" kung phoug" ashang" mo, coug" zoo: cougmoo" yi yo' being" voo yiri doin: zeig zoo: mo, -ngoo ri aphoug" amyang: mo, dangain" ziri vhu" zhug lho: yooboo dang: phyed wa zi nghoid.
Houg: bang: gi ngoonu" da" Aseing Yesu Khristu da moo" voin mo anghoid. Nyanu' nya: da" zoo: noem kha: ja: shau" zoo wa ashug" zoo: wa da" khyoo: ri za: te: myid yu" mo nghoid. Nyanu" gi nu" nham' cau: main da" dang: ri tid coung" myeing" coung" thui: yo" wigi deingmain" nyid mo ri lang" yo" mhoug zoo: se' ago".
Byu yi dayham" koem gi nyang: ri athang: yham" pyam' nhang: nau boem- houg: bang: gi Khristu Yesu yo' daloem: za: bue" wigi kangso dei nyid yoomo ngoonu" yo" yu bye: da" loid byoin akhang" ri kin-yu koid wa shid re" Khristain mang nhung bue" mhau' lho: yha" da" phung: moo bo gau" vang loo mo, nghoid boem ago- nyangnu" gi ngoonu" ri join, koid noug mo, nghoid nyid boem ago".
Seig zeing moo jen" lhang" too" shau" su: hang" nghoid loug we' Mangsoo da" tarha" dang: phyed' zi shau" su: nghoid nyid, ga: wigi jhoem: mougsoug" moo tid to" ziyo' dakhyoo" ti"- Khristu gi ngoonu" da" shid re" tarha" dang: phyed zi shau" byid: khyo" wigi toung: to" da" tarha" dang: phyed jang" mo ngoonu" ri khyoid khyi: yu bye.
Ngoori thougtheung nyid mo, gi nanu" da" atho' moo gye" ge da" nheigloem: ri toin" shid nyid wa nghoid boem ago- nghoid loug we' nyangnu" da" myid soin khyoo: yo' nyangnu" da" myid vho: khyoo: gi nyangnu" gi nanu" da" atho' moo ge, lho, da" nheigloem: toin" shid' ziyo' dakhyoo" ti"- nanu" jang" mo ge, lho da" nheigloem: yo" kham: yu boem sho' nanu" ri ngoo yo' gang: go" loo" nhang: nau boem yoomo koid nyid boem zi nghoid ago".
Khasu" wim gari Khristu gi xoin" du: khyo" shid: kham: ziyo' ngoonu" ri loid byoin, loo" nhang: bye- hau: zigi ngoonu" da" youg: noo yooboo ri khyoid pyam byid: wa da" khyoo: nghoid- nyang: ngoonu" ri hid: yhi' agoin ayu: byid: to" da" Mangso jeju" gi khayhi' gyi: sheung: jo, bye: lha". Nya: da" phajhi" juyhi: khyo" we' nheigloem: phajhi" dangain" yo we'.
Houg: bang: gi ngarai mung" moo nyangnu" da" khyoo: lo" thang wa zi nghoid-khasu" wim gari houg: bang: da" Mangsoo gi nyangnu" da" voem: doug: ein: da" gung sho" vhoo: boo myo, no, da" khyoo: nghoid nyid nyangnu" gi asho' ashid: da" khyoo: ri myonhoo: sho: phau: khuang nyid boem ziyo' he: mougmyid mo da" zi yoo joem riza:- nheig tei" nyid boem ago".
Ladu lid' sho' shoid vhang: da" khyoo:- nyang: tu: nya: da" gung du: ri khyo, nyhoem: pyam' wa ziyo' moug: lagyoo: yi ri no" ca" ga: goozu: xen, da" yoeb, myang yo" we' shoid vhang: da" khyo, nyhoem: khyoo: moo nyhen" zei: nyid bang: yo' moug: lagyoo: yi ri noku da" khyo" we' nyang: nya: gung du: ri dangain" tho' moo je" nghoid thang su: ga: khyo" tid phau: nyid mo, -hang" su: wigi we' nanu' ri yoobo dang: phyed' wa da" akhang" abyid: goo"- Houg: yhang: te" da" byu yi gi ce: sei abo da" xang: su: myid soin: khyo" nyang: nya: gung ri tid phau: yu lho.
Khristu da" akhyoo" shed' to" ziyo' dakhyoo" ti"- anghoid loo: za: byu xangsu: yi da" akhyoo" shid' khyoo: mo thu' da" jhau" shed' dang: joem yo' dei moo dei nyid moo nyid ri vhoeb khang" da" yu join: joem jang" mo thu' lo da" jhau" shed' dang: nghoid da" ce" akyu" we' abo mhau' fain" da" xangsu: phajhi" yo' hang" wigi we' nanu" ri join, akoid nhang: pyam' goo"-zed" lhid" nyid ge'.
Byu yi gi hau" deingmain" ziyo' ca yoo abo da" jhoug" myeing" jhoug" thui: ri atam" gyo: boem wigi nyang: tu: nya: nheigloem: aco' ajhoid khyoo: moo za: te: cang lo" boem ziyo' nyangnu" da" nheigloem: moo yo: phoin: loo" sho' nyang: tam" gyoo: nau da" se' jhoug" byid: da" sara: yi je" je, myo: lo boem sho' khyu: zheung" yu da" ayo, gi ju" loo wa zi nghoid.
Nyang: nu" da" tid sang: nyid boem da" nhoid ri nghoeb pyam' byid: boem ca" bye. Ci: yoomo gari nyangnu" gi age jhoug" byid: da" khyoo: ri zheung: jhoug" byid: boem wigi yhoem: goin" goin" ziri byo, sain" loo" nhang: pyam' boem ago". Hau: khyoo: dangain" gi nyangnu" da" asho' ashid: ngei sho: khyoo: za: nghoid nyid.
Houg: su" nghoid rigi Mangso da" nya: zoo: ri aphoug" akhyoid' koid su: gi ngoonu" gi nyang: ri youg: noo yooboo mo ced" gyeing ced" shang: yu da" Mangso dang: theing khoin" yo' sen: da" suid" ri ci: asoin: cishu: anhang: su: gi jeju" byid: nyid da' Venyi ri aphoug" zoo: wa da" shid: gyoin, noo gyoin gi khayhi' je" no, wa lha". damyid yu" ge'.
He: da" mhau' sara yi gi-nyangnu" da" vhooo: boo myo, no' da" nheugloem: yo' nyheung phain" yu da" mhoo: myed: joem ri tid kyo" zoore"-amyaid sho: lo boem wa nghoid. Goonham, mo wigi nyangnu" ri dang: phyed' said pyam wa da" tarha" agyi phoo gi jen" nyid gu: nghoid ziyo' nyangnu" ri lhu: phyo' lhu: shoin' pyam wa sugi- yhoeb' nau lho: yhoeb, nghui" nghue" nyid zi anghoid.
Khasu" wim ga: ri tarha" aci: da" byu dayham" bang: gi aboin: aso" shoid' khyo" lo vang loung" jo, boem bye- nyangnu" gi yha" phoo Mangso da" jeju" mungdang: ri nyangnu" da" akhyeung" khyoo: ri nghoeb, pyam' byid: wa shid re" ci: yhoung: zoore"-dayug kyeung" ngoonu" da" khyoid yu Aseing Yesu Khristu rigi ngeug pyam' bye. Houg: bang: kham' zoo: wa da" yoobo dam gi jhoem: mungdang: moo goo" nham, mo tid lheom: too" bye.
Nyang: gi xang: shed" mo da" akhyeung" gougnyhoug shid khoin" moo mau" pho" alhoo: again joem rikoid shug lho: wigi mougmyid byu yi dangain" ri mhoid" fain" nyid lho: sham: dam tab' nghoid loug we' ashid: loo" loo: dei nyid da" hau" gougnyhoug riphoug" tab ngi shab, khyo" wigi nya: da" soolhoo: daloem: rikoid wa shid re" mougmyid byu yi ri tid kaid.
Nang thoung" shau" nyid da" sho" jhen: jamjau khyoo: ri ngoo se' nyid nang gi damyoug sho" jhen: nyid nghoid loug we' gyeing" nyang: ga: rigi nang yoo" su: di su: nghoid nyid. Nyang: nya: da" gung ri Yuda byumyu" nghoid ga: tid nyid mo, gi nang ri theung shang" gyi koid mo, nghoid nyid boem ziri ngoo se' nyid. Nyang: nu" gyeing" gyeing" ga: rigi Yuda byumyu" anghoid- satan: da" byumyu" yi danghoid nyid boem ago".
Nyangnu" khoin" thu' lo da" jikhoin" seig gi nang gi gung leig xoin" bui" wa shid re" said pyam' zi shau" wigi myeing" cang: joeb, azhang cang: joeb mo, yo' byumyu" yi bain sho' mo, ri Mangso byumyu" yi bue" loo wa shid re" qei yu too" bye: yoomo nang gi he: da" mougsoug" deing: yu lho: dazid' joem ri phang wa zi gimoin: yi" nyid bye.
ကြော်ငြာတွေ