2PETRU 1:3 - Lacid Common Language Bible

³ Nya: da" myonhoo: phung" yoeb yo' ge thang khyoo: joem ri gam boem shau" yuwa shid re" nyhang" ri khyoid yu bye: da" Mangsoo ri se' lo boem bye: yoomo Mangso da" yoem so' gi-deungmain" da" noku thung" loem" jeung" khyoo: moo kangso' yo" dei: nyid wa shidre"- nyhang" moo ca" nyid da" khyoo: bain, sho' ri byid: to" bye.

2PETRU 1:3 ပူးပေါင်းရင်းမြစ်များ

COUNG" NGHEI 110:3

Re" da" gyivoo joem ri: nang khaid zain: da" bidnyid moo re" da" byumyu" yigi yhoem: seung: myid khyo" bo vang pang" lo boem wa nghoid. Nab soin no' re khyo' da" nghain: jhu" yhang: ti" re" da" zoolu yigi nang nyid da" gyeung" shang: boem tho' khyoo: ju" lo boem wa zi nghoid.

COUNG" NGHEI 84:11

Aseing gi ngoonu" ri goem loem byid: su: yo'- myonhoo: phung" yoeb yo' byeung" da" khokham nghoid wigi nheug khyeug shoo" myen: ziyo' phoug" tab ngi: byid: khyo" wigi ngoonu" ri mainkaid byid: nyid. Nyang: gi deungmain" da" moo" zei: bang: ri ge da" khyoo: ci: we' byid: wa shid re" he: ngeug nyid su: anghoid.

DANG: ZHOEM 12:4

Ge da" yhoem: seing: myhi' gi nya: yhoem: seing: pho, da" phau: khuang joyoo yo' gau, yi joyoo nghoid nyid. Nghoid loug we' yhoem: seing: phoo ri sho' thu' nhang: da" yhoem: seing: myhi' gi shooyoug: ri yoem: loo" nhang: da" mung yhang: ti" zi nghoid.

DANG: ZHOEM 31:10

Loem, khau: da" yhoem: seing: myhi' dayug shoug" yu wa zi khayhi' yau: nyid lha". Nyang: gi lug nyau, tho' moo: je" phoug" dab.

DANG: ZHOEM 31:29

Myiyi: myoo" sho' bang: gi ge da" myhi' zeing yi nghoid ago- nghoid loug we' nang gi nyangnu" dangain" bang: tho' re" je" ge thang ga: tid nyid boem.

MATHE 28:18

Aseing Yesu gi cangzoo: yi jang" moo tain re" lho: mougkhung: tho' yo' myidjang: dang moo jo, da" amyeing" a: na: dangain" gi ngoori byid: too" bye.

Roma 8:32

Mangsoo: gi nya: zoo: gyeing" ri - vhoo" abyid' looza: - ngoonu" dangain" mo shid' re" gung leig xoin" to' pyam' bye: nhung. Ngoonu" shid' re" nya: zoo: ri byid: da" Aseing gi zi jo, moo jo, ngoonu" ri noug noug za: abyid: loo: khasu" se' nyid wa la".

Roma 9:24

ngoonu" gi Yuda byumyu" khoug: mo za: anghoid. Tungbau byumyu" khoug: mo we' Mangsoo: khe: yu too" mo nghoid.

1Korinthians 1:9

Ngoonu" da" Aseing: ein: da"- nya: zoo: Yesu Khristu yo' shau" zoem" khoug: goo" baja" ga- nanu" ri khe: yu da" Mangsoo koem gi:-loem gi" su: nyang: nghoid nyid.

2~KORINTHU 12:9

Nghoid loug we' Mangsoo gi Nga" jeju" gi nangca" khyoo: shid re" ge" nyid bye- Khasu" wim gari nang: yoem: nu: lo" uri nga" yoem: moo" so' moo" gi reung: thang nyida" ga: wigi ngoori tu" byid: bye. Hougsu" nghoid yoomo Khristu da" yoem: zeing so' moo" gi-ngoo ri goem loem byid: lho: khau nghi: joyoo nghoid nyid tho' moo agoo"- ngoo yeom: nu: loo" yoomo ngo phau: khuang joyoo nghoid nyid.

Ephesu 4:1

Hougsu" nghoid yoomo hau: Aseing: da" moo" voin vu, da" gang mo thung: oung" jo, su: ngo Polu gi Mangso wigi nanu" ri nyang: khe: yu da" bidnyid moo nyang: ke' too" byid: da" laleig laki, azhang myhi: da" kangso dei khyoo: moo kangso dei so" loo" wa shid re" ngoo nanu" ri joug jhoin" nyid.

Ephesu 4:4

Mangsoo nanu" ri khe: yu da" khyoo: gi nheig byu khyoo: dakhaid moo za: nghoid nyid ziyo' dakhyoo" ti"- gung du: daloem: za: yo' venyi we' daloem: za: nghoid nyid.

PHILIPI 3:8

Mau: tho' moo gootu- nga" da" Aseing Yesu Khristu ri yo" se' boin: gyeung: lo da" khyoo: gi gu, jhoo: aphoug" dangain" tho' moo je" phoug" dab, thang zi nghoid yoomo ngoo yoo" mayoo" dangain" gi soem" pyam' bye" ein: soin: pyam bye- ngoo yoo" mayoo" dangain" gi soem" pyam bye- ngoo Aseing: shid' re" nga" ziyoo jonu" dangain" ri she: pyam' bye- Khristu ein: da" amyaid' ri yo" yu wa ziyo' Khristu yo' dadeing: daloem: za: yo" bye" loo" wa shid re" jo, moo jo, ri joid' nhoin soid' boem ti" soin: pyam bye.

PHILIPI 4:8

Mang nhung" yi we"- ce: da" ge, lho, deingmain" khyoo: young" du khyoo: deing byeung" khyoo: gyeungshang: khyoo: vho: ngei khyoo: coung" ngei byid: ge" da" khyoo:- ngi lho, khyoo: yo' coung" nghei moin: da" khyoo: joem ri damyid' yu" nyid ge'.

KOLOSE 1:16

Khasu" wim gari moug: khung: moug: di yo' mougmyid yooso" da" tho' moo yoem: moo" so' moo" bo da" yu join: soobyoo: joem seing: nyid mo, vhoeb khang" nyid mo, - amyeing" akhang" yoo" bang: yo' dage" myo, jed" yo' shau" myang zi ashau" myang gu: ri we' hau: nya: zo: khoug: khyo" phain" so: too" bye.

1THESALONI 2:12

Ngoonu" gi nanu" ri yoem: byid: khyoo: yo' nheig teing byid: khyoo: koid lid lo yu" boem bye- nya: da" mungdain moo yo" bo vang zoo: wa ziyo' myonhoo: phung yoeb, yo" bo kham: yu goo" baja" ga- nanu' ri khe: yu da" Mangsoo ri vho: ngei nhang: da" kangso' dei khyoo: moo daso" lo" nyid wa shid re" ngoonu" gi xo loo: xo' jhoug" byid: nyid boem bye.

1THESALONI 4:7

Mangsoo gi nyangnu" ri agyeing" ashang: da" -kangso' dei khyoo: moo kangso' dei nyid wa shid re" khe: yu to" zi anghoid- gyeungshang: da" kangso' dei khyoo: moo lhid wa shid re" dakhe: yu to.

2 THESALONI 2:14

Mangsoo gi nanu" ri ngoonu" kho" kyo" da" hau: ngei bu: lu dang: khyo" wigi khe: yu zi nghoid bye- nyang: gi yha" da" Aseing Yesu myonhoo: phung" yoeb, khyo" nanu" kham: yu eung: da" gam, boem ri yo" yu goo" baja" ein: wigi khe: yu to" zi nghoid.

1 TIMOTHI 4:8

Gung shoo" yo' sen: da" khyoo: moo zei: zhang: so' zhang: zigi akyu" dajhi' zoo: boo nghoid loug we' Venyi loem" jeung" khyoo: moo zei: zhang: so' zhang: da" khyoo: gi khyoo: khhaid' khang" moo" moo akyu" bo zi nghoid. Khasu" wim ga: ri hau: khyoo: gi he: da" pyaid yo' thang: phyang" pyaid shid re" dang: soo" bo nyid.

2 TIMOTHI 1:9

Mangsoo gi nyhang" koid bye: ge, da" moozoo" aja: ja: yoomo anghoid loo: za: nyang: myid nyeung soin' to" khyoo: yo' jeju" khyo" ngoonu" ri khyoid yu lho: nya: da" byumyu" bue" loo wa shid re" khe: yu to" zi nghoid bye. Nyang: gi moug: aphain" myid' aphain" shi" mo nyang:- Khristu Yesu khyo" wigi hau: jeju" ngoonu" ri byid: too" bye.

HEBRE 1:3

Nyang: gi Mangso myo, nhoo: phung" yoeb, ri thoin" pang shug wigi Mangsoo nya: da' gung du: azuang ri void ci: lho: wigi moug: myid yoosoo" yo' moug: khung moug: di bid kyi: lham" moo" dangain" ri nya: da" phung" yoeb, yoem: moo" bo da" mungdang: yo' zung" lhug goem coung: too" bye. Nyang: gi xang: su: byu yi da" youg: noo yooboo ri bain khyoid khyu: ced" yung" ced" lho, yu thang: ri moug: khung: moug: di tho' moo phung" yoeb, yoem: moo" bo Mangsoo da" lo, yo shoid moo zhoung: jo, bye.

1PETERU 1:15

Nanu" ri khe: yu su: Mangsoo gi gyeungshang: nyid yhang: ti"- nanu" we' byu nyid byu yab, khyoo: ja: khang" moo" moo gyeungshang: nyid ge'.

1PETERU 1:5

Hau: agyid asoo: gi nanu" shid' re" nghoid- nanu" gi loem, khau loem" jeung" yoomo Mangso yoem: so' yo' lo" thang bidnyid moo yo" toin' shed' wa jen" bye: da" khyoid yu khyoo: yoo" sho' zung" lhug zi shau" mo, nghoid ago".

1PETERU 2:21

Hid: yhang: ti" kham zeing: wa shid re" Mangsoo gi nanu" ri khyen: yu too" bye- khasu" wim gari Khirstu da" khyid: khoo: moo yo" cang loo" wa shid' re" nya: gung nyang: nanu" shid re" kyi" khyeug kham lho: nanu' shid re" khoo" shid: koid too" bye.

1PETERU 2:9

Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'

1PETERU 3:9

Akhyeung" bang: rigi akhyeung" khyo"-nheung" mo, rigi doem, nheung" khyo" latoo: aphug goo"- hougsu" latoo: phug wa gung khoo: gi main' boo coug: bo da" dang: ri tid byid: nyid ge'- Khasu" wim gari Mangsoo gi nanu" ri khe: yu u ri mainkaid da" jeju" ri shau" kham, zoo: goo" baja" ga- nanu' ri dang: soo' byid: bye.

1PETERU 5:10

Nghoid loug we' nanu" gi daso' za: shen" yhen ziri thoung" shau" thang: ri Khristu yo' dage" apyaid' ato: myonhoo: phung" yoeb, ri shau" kham: yu wa shid re" nanu" ri khe: yu da" jeju" dangain" Aseing: Mangsoo nyang: nanu" ri joeb, byeung" mo, bui" nhang: lho: wigi geung: teung khyoo: yoem: zeing so' moo" yo' loem, ge" da" apoem: ayang: qei" byid: wa nghoid.

2PETRU 1:10

Hougsu" nghoid yoomo nga" mang: nhung" yi we' nanu" ri Mangso wigi khe: yu ziyo' khyen: yu bye: ein: da" khyoo: ri khanham we' shau" myed kham, zo: nyid wa shid re" je" ri yoem: kaid nyid ge'. hougsu" koid nyid boem nghoid rigi nanu" da" loem jeung" khyoo: ri khanham we she: pyam' boem wa zi anghoid.

2PETRU 1:2

Mangsoo yo' yha" da" khyoid yu Aseing: Yesu Khristu ri nanu" se' loo bye: yoomo nanu" gi jeju" yo' ngeipyo: khyoo: ri joeb byeung" sho' shau" kham: yu goo" baja" o".

2PETRU 1:5

Khyoo: he: khaid nyang: yoomo nanu" da" loem" jeung" khyoo: moo ge lho' da" khyoo:- se' zi dalung: kaid nyid ge'.

2PETRU 1:6

Se, jang" moo nyang nya: da" gungdu: ri yo" khang" zi nyang: nya: da" gungdu: ri yo" khang" tho' moo kham' zeung: zi kham' zeung: khyoo: moo tarha" ri phau" cang zi.

2PETRU 1:8

He gu: gi nanu" moo aboo age da" yoem: so' joem nghoid. He: gu: gi nanu" moo athang agoin dabo jo, nghoid rigi ngoonu" da" Aseing Yesu Khristu ri nanu" se' lo ziyo' kangso' dei da" khyoo: moo zhang" zhang" yang yang nghoid wigi akyu" bo thu' loo nhang: wa zi nghoid.

2PETRU 2:20

Byu yi gi ngoonu" da" khyoid yu Aseing Yesu Khristu ri se' wigi moug: myed mo aco' ajhoid da" yoem: vhoo" khoug: mo loid lo" thang: ri hau: aco' ajhoid khyo: wigi doem oung: pyam zi shau" nghoid rigi Houg: bang: da thang: mo bue" lo akhyoo" gi-xang: she" tho' moo je" yau: loo" wa bye.

2PETRU 3:18

Nanu" gi; ngoo nu" da" khyoid yu Aseing Yesu Khristu da" jeju" yo' nyang: ri se' lo khyoo: moo je wigi gyi: xo' lho geung: teung loo goo" baja"- akhid" nghoid loug we' apyaid atoo: moo ju" sho' nghoid loug we' Yesu Khristu jang" moo myonhoo: phung" yoeb gi dajo, jo, baja" o". A men

RUTHA 3:11

Rutha we" gung ayoug. Nang mho' moo mho' gi ngoo koid byid: wa. Nang gi sam" dab ri yung" da" myiyi: zoo: nghoid ziri voobyu yi dangain" bang: se' nyid boem.