1 TIMOTHI 2:2 - Lacid Common Language Bible

² Ngoonu" gi Mangsoo ri gyoug phau" khyoo: moo goolho: za: cang lo" wigi ge, da" young" du, du asam" avoid, bo lho: ngei pyoo: myen, jham" za: kangso' yo" dei nyid goo" baja"- Kho: kham yi yo' amyeing" akhang" ci: bang: dangain" shid re" akyu" mho' nyid ge'.

1 TIMOTHI 2:2 ပူးပေါင်းရင်းမြစ်များ

2 SAMUELA 20:19

Ngoonu" da" voomoo" moo gi Israela mungdain: moo yug yo tung" ziyo' dang: zung" thang da" voomoo" daloem: nghoid da:. Ciwim yoomo hau: ziri phyo' shoin' pyam wa shid re" nang yoem: kaid nyid lha". Aseing seung: da" ziri nang ciwim phyo' shoin' nau nyid lha"» ga: tid.

EZRA 6:10

Nyangnu" xoin" yo" ngei" wigi hau: ziri mougkhung: mungdain: mo Mangsoo yo" khab' yu wigi ngoo yo' nga" zoo: yiri mainkaid byid: wa shid re" akyu" mho' byid: baja" hau: ziri koid nyid we'.

NEHEMIA 1:11

Akhid" nga" akyu" mho' dang: ri tam" gyoo: byid: lho: nang ri ngi: shab byid: noug myid boo da" dei zoo: yi gooji da" akyu" mho' dang: ri we' tam" gyoo: byid: la. Akhid" nyid" ngoo ri oung: doid nhang: la. Khokham pho wigi ngoo ri nheig khyeug wa khyoo: koid byid: we'› ein: akyu" mho'. Hau: ayo, gu: moo ngoo gi khosen pho da" zabyid yhid: jang di" byid: yug nghoid.

COUNG" NGHEI 72:1

Mangsoo we"- re" da" deingmain" da" khyoo: yo' Tarha" dang: phyed wa shid mo khokham phoo ri jhau" byid: we'. Re" da" tarha" nyeung veung" khyoo: nyang: ri gam byid: we'.

DANG: ZHOEM 24:21

Nga" zoo: we" Aseing ri gyoug phau" nyid we' khokham ri we' phoug" tab, ngi: byid: nyid we' nya: eig yug ri tu: lhoin" wa shid re" abo soin, nyid.

YEREMIA 29:7

Ngoo wigi thung: byu khyo" nanu" ri yhe: nhang: da" joyoo mo voogung joem shid re" ge da" moo" koid we'. Nyangnu" gungthid ngoo ri akyu" mho' ge'. Ciwim gari nyangnu" yoo" zoo: yoo" shug lo ri nanu" we' yoo" zoo: yoo" shug wa.

LUKA 1:6

Nya: eig yug goin" - Mangso da" shid' khoin" moo deing: byeung" su: eig yug nghoid. Mangso da" mungdang: bain sho' yo"- Mangsoo pyeing: to" da" dang: dakhoin" we' ashoid loo: cang byeung" su: tang: nghoid.

LUKA 2:25

Hau: uri Yerusalem voo moo Simun ga: da: byu dayug nyid. Hau: yug gi Mangso da" tarha" ri cang- loem" jeing" da" deung main" su: dayug nghoid.

ACTS 10:22

Nyang: ri" tid zigi ngoonu" ri gyizoug: phoo koneli wigi nhang: kaid' zi nghoid, nyang: gi byugi dayug nghoid lho: wigi Mangsoo ri coung" nghei nyid su: dayug we' nghoid ziyo' - Yuda byu yi dangain" mo, coem phau" myang: nyid su: nghoid. Re" da" mungdang: ri nyang: shau" tam" gyo: yu wa shid re-mau: lagyoo: dayug gi nang ri nya: yhoem: khyoo: khe: yu wa shid re" nyang: re" tid bye.

ACTS 24:16

Hougsu" nghoid yoomo ngoo gi Mangso shid' khoin" moo we' - byu yi da" shid khoin" moo we' nheigloem: gyeing: gyeing: za: nghoid wa shid re" khanham we' ge bue" yhi' mo yoem: kaid' nyid su nghoid.

Roma 12:18

Byu dangain" yo" myenjham" ngei pyoo: za: zoem" jeung" nyid ge'.

PHILIPI 4:8

Mang nhung" yi we"- ce: da" ge, lho, deingmain" khyoo: young" du khyoo: deing byeung" khyoo: gyeungshang: khyoo: vho: ngei khyoo: coung" ngei byid: ge" da" khyoo:- ngi lho, khyoo: yo' coung" nghei moin: da" khyoo: joem ri damyid' yu" nyid ge'.

1THESALONI 4:11

Nanu" gi xang: shed" ri ngoonu" tid pyeung: too" kho' ziyo' dakhyoo" ti" -myen, jham" za: cang yhe: kangso' dei nyid wa shid re" we' byu gooji yi da" khyoo: moo abo tid phyo' lhu: lheug yen" wa shid re" we' nyang: nya: da" voem: doug: khu: moo' zoo" ri nyang: nyang: hougsu" da zei: zo: nyid wa shid' re" we' myid' soin: to" boem goo" baja".

HEBRE 12:14

Byu yug khang" moo" yo' ngei pyoo: tung" za: yo" zoem" khau: nyid sho' we' gyeungshang: da" kangso' dei khyoo: moo ju" loo" sho' we' cang sho: yoem: kaid nyid ge'. Khasu" wim gari hau: ja" jeju" yoem: vhoo" abo nghoid rigi hang" we' hau" Aseing: ri shau" myang wa zi anghoid.