1 SAMUELA 9:3 - Lacid Common Language Bible

³ Akhid" Kisha seung: da" loo zei: dayham" khyoodam: dam: byug yoomo nyang: gi Sholu ri «Nang yo' dage" dei zoo: dayug shu" wigi hau: loo zei: joem ri cang shoo: ge'» ga: tid.

1 SAMUELA 9:3 ပူးပေါင်းရင်းမြစ်များ

TARHA" AGYI 10:4

Nyang: gi loo zei: soem" xi: moo zhung: da" nya: yuggi zoo: soem" xi: yug yo" da:. Nyangnu" gi Gilead mung" moo voomoo" soem" xi: yo" ago". Hau: joem ri Yaira da" voozoo: joem ga: myheing nyid shi".

TARHA" AGYI 5:10

Loo zei: phyu: joem dang moo ju: mo, Doo: dang moo zhung: mo, Khyid: khyo" soo" ca" mo, nanu" we" hau: khyoo: ri tid ge'.

1 SAMUELA 10:14

Sholu da" nya: laid gi nyang: yo' nya: dei zoo: ri myang lang" nyang: gi nya: tang: ri «Re" tang: khakhyo" loo go" lha"» ga: myid:. Sholu gi «Loo zei: cang sho: yen" zi nghoid. Nga" tang: gi hau: ziri amyang yoomo Samuela jang" moo we' ju" vang yhi: khoo' bye:» ga: tid kyo".

1 SAMUELA 10:2

Akhanyid" nang ngoo yo' gang: go" wigi yhe: lo" uri Benyamin moug: Zelza joyoo mo Rakhela da" loeb nam moo byu eig yug yo' nang shoug" goo" wa zi nghoid. Hau: tang: gi nang ri nang yhe: sho: da" loo zei: gi shoug" bye:- re" phoo gi loo zei: joem da" khyoo: ri myid amyoo: loo- re" khyoo: ri myid myo: nyid wigi nyang: gi ‹Nga" zoo: shid re" khasu" koid wa lha"› ga: damyid nyid khyoo: ri lhoem: tid kyoo" lang" goo" wa zi nghoid.

1 SAMUELA 9:2

Nyang: moo Sholu ga: myheing da" yuggi zoo: dayug yo" da:. Nyang: gi gye" yung" sam" dab da" yuggi zoo: dayug nghoid. Sholu gi Israela mung" goin" jang" mo byu dangain" tho' moo vhuloem daloem: jain" sho' myhang: su: nghoid lho: je" wigi myonhoo: yung" su: nghoid da:.

1 SAMUELA 9:20

Lid loo" bye: soem" nyid" koo: moo byug lo" da" loo zei: joem shid re" aci' nyid loo goo"- hau: loo zei: joem ri myang abye: go". Nghoid loug we' Israela byumyu" yi gye" vho: nyid su: gi hang" nghoid wa lha". Hau su: gi nang nyang: nghoid nyid da:. Nang yo' re" pho da" ikoin deungkhu: yi nghoid da anghoid lha"» ga: tid.

1 SAMUELA 9:4

Houg: lang" nyang: tang: gi Ephrim boem moug: yo' Shalisha moug: thang sho' moo cang sho: yen" nghoid loug we' hau: loo zei: joem ri amyang loo: nghoid ago". Hougsu" nghoid yoomo nya: tang: gi Shalim mung" khyoo: xo' sho: yhe: loo" nghoid loug we' hau: joyoo moo we' loo zei: joem anyid nghoid da:. Hau: thang: ri Benyamin da" mougkyoo" khyoo: yhe: shoo: nghoid loug we' amyang shi" nghoid ago".