1 SAMUELA 8:3 - Lacid Common Language Bible

³ Nghoid loug we' nya: tang: gi nya: pho da" leig ri acang loo: za: ngei myo, no, da" moo" zoo" moo za: nheig dab nyid boem ago". Khougvhoid jhungshug joem ri nya: eig yug khab yu nyid yoomo jo eung: khyo" moo" zoo" ri ayo" tid phyed byid: nghoid ago".

1 SAMUELA 8:3 ပူးပေါင်းရင်းမြစ်များ

2 SAMUELA 15:4

Nyang: xo' lho: «Ngoo tarha" agyi nghoid ri khayhi' gi wa houg yhang: te" mo, byo, bo da" byu dayug yug nga" jang" mo geing: teing ziyo' mho' yoid ri" lang" lang" nya: shid re" deingmain" khyoo: ri ngoo byid: wa zi nghoid» ga: tid.

COUNG" NGHEI 15:5

Nyang: gi atu" amyaid ri ayu" loo: za: nya: ngei ri jhed" nghoo" byid: se' lho: nyang: gi khougvhoid yu lho: ce: yooboo ayoo" mo, ri noo nhang: wa shid re" thang" cab abo kham. Hid: yhang: te" da" moo" zei: bang: gi khanham ce: gyi we' athoung" shoug" loo za: myen myen, shoug" nyid boem wa nghoid.

COUNG" NGHEI 26:10

Houg: bang: gi age da" khyoo: ri khanham we' dakoid nyid boem wigi khougvhoid jhungshug yu zoo: wa shid re" khanham we' jen" jen" dalang" nyid boem mo, nghoid.

THU' LO" MOUGSOUG" 18:21

Hau: tho' ago"- ge: bui" wa da" byu dayham" ri khyen: yu wigi nyangnu" ri byu dakhyeing" yug- dashoo: yug wim xi: yug- daxi: yug ri vhoeb wa da" vhujhung: khyo" khyen: too" we'. Hau: bang: gi deungmain" ziyo' khougvhoid ayu da" Mangsoo ri gyoug phau" myang: da" bang: nghoid ca".

THU' LO" MOUGSOUG" 23:6

Sho" jhen: yug tarha" yung" moo re" da" uri sho" jhen: yug shid re" tarha" deungbyeung" khyoo: ri ahe: pyam.

THU' LO" MOUGSOUG" 23:8

Khougvhoid age khab, yu zoo: wa zi nghoid. Ciwim gari khougvhoid gi byu yi da" deungmain" myojid" ri jid, nhang: nyid ziyo' deungbyeung" su: da" dang: ri byo, yoin nhang: nyid da" zi nghoid.

PHAJHI" DANG: 2:19

Houg: lho: nyang: gi phajhi" bo ri boo wa.- nheig agyeing: ri agyeing: wa hang" se'. Nghoid loug we' he: mougmyid tho' moo ngoo moo" zei: da" akyu" ja: khang" moo" ri nga" phajhi' yo' shoug" yu to" da" ja: khang" moo" ri nyang: seing: yu ri" wa. Hau: zi dangain" akoem: danghoid.

ESAIA 1:23

Re" vhujhung: yigi thougtheung gyi koid mo, yo’ khoug" hoeb yi da" byencang" yi za: nghoid ago". Nyangnu" gi khanham we' jhungshug joem yo’ khougvhoid joem ri kham: yu mo, nghoid ago". Nyangnu" gi coug" zoo: yiri tarha" yung" moo khanham we' abo goem loem byid:. Cougmoo" yi da" moo" ri khanham we atam" gyoo byid: bang: nghoid ago".

ESAIA 33:15

Nanu" jo da" dang: tid wigi jo da" moo" zei: boem nghoid rigi nanu" yo" nyid deing boem goo" wa. Sho" jhen: bang: ri fain" zoo: wa nanu" da" yoem so' ri aci: goo". Khougvhoid jhungshug ri ayu goo". Byu said wa yo' akhyeing" da" gootu: moo" joem ri koid wa soin to" da" bang: yo' azoem" goo".

MIKHA 3:11

Voomoo" mo zoug: yigi khougvhoid jhungshug yoo" wa shid re" vhoebkhang" nyid ago". Khainjung yi we' aphoug" yoo" wa gu: za: tarha" ri phid: jhau" byid: nyid ago". Lapi: yigi ngei yoo" wa shid mo nyangnu" nya: da" yoeb myang ri toin" shid nyid ago". Hau: lho: nyangnu" dangain" mo, «Aseing gi ngoonu" yo' dage" nyid» ga: tid fu" nyid ago". Nyangnu" gi «Ngoonu" moo ce" yau: khe" khyoo: we' aju" wa Mangsoo gi ngoonu" yo' dage" nyid» ga: tid.

TARHA" TID POIN" 16:19

Nyangnu" gi tarha" dang phyed moo" moo tarha" adeingmain" khyo" age koid. Anghoid lang" myonhoo: age khyen:. Houg: lho: nyangnu" gi khougvhoid jhungshug joem ri age yu zoo: goo" wa. Ciwim gari hau: jhungshug joem gi phajhi" boo bang: yo' deingmain" bang: rilang" myo, jed nhang: wigi nyangnu" ri shoid da" khyoo" dang: phyed nhang: nyid da:.

1 TIMOTHI 3:3

Yhid: ashug main: su- angheing" ayang akoid su: nghoid lho: wigi sam" dab, nu" nham, su- myen, jham" khyoo: ri vhoo: su- nyang: gi ngei myo, ano, su: nghoid wigi

1 TIMOTHI 6:10

Khasu" wim ga: ri ngei myo, no, da" khyoo: gi akhyeing" ashoeb, khyoo: aja: ja: ri bue" thu' loo nhang: da" nei yang: nyang: nghoid bye. Byu dayham" bang: gi hau" ngei ri yoo" wa shid re" nheigloem: gye" zhu: vho: ngei nyid boem yoomo loem" jeung" khyoo: mo vhang: lo" boem ziyo' koug shu: khyoo: aja: ja: yo' nyangnu" da" nheigloem: ri gyau: moin" loo" nhang: nyid boem ago".

1 SAMUELA 12:2

Akhid" nanu" ri vhu" shi: wa shid re" nyang: ri nanu" yoo" bye:. Ngoo koem gi mang: bye: ziyo' vhuloem we' phyu: bye: zi nghoid. Nga" zoo: yi we' nanu" yo' dage" nghoid bye:. Ngoo gi ngi mo nanu" da" vhujhung: koid lid loo bye:.

1 SAMUELA 2:35

Ngoo ri loem" jeung" da" khainjung dayug ri ngoo khyen: yu wa nghoid. Ngoo nyang: ri zei: nhang: nau gu: dangain" ri zei: loo" wa zi nghoid. Ngoo khyen: to" da" khokham shidkhoin" moo pyaid goin" dei byid: nyid wa shid re" byumyu" akung: ri ngoo byid: wa zi nghoid.